|
كرواني الجديد -صديق تويتي- صور
بسم الله الرحمن الرحيم
السلام عليكم و رحمة الله و بركااته امس كنت خارجه من البيت بنية اني اشتري لعبه لتويتي !:p المهم لفلفنا على محلاات حيوانات اللي مقفل او ماعنده العاب اخر شي رحنا على واحة الحيوان مع انهم غالين :( ! المهم لقيت لعبة زي العاب الاطفال للعد و كذا .. سعرها بـ 240 اعتقد او شيء زي كذا:wao: خير اشتري للطير العاب الاطفال العادية حقت العد ام خمسة و عشرة اصرف:D ! انا كنت ناوية اشتري الالعاب اللي تتعلق بالقفص اللي فيها حبال و خشب بس مخلصه عندهم :( تفرجنا على الطيور لقيت ماشاء الله كروان من يوم جينا و هو يغرد .. بس انه مو اليف :( هم قبل فترة كانو يبيعون الكروان الواحد على 350 طبعا مو اليف و اللحين مسوين عرض نزلو 100 صار الكروان 250 تشجعت اني اخذه و لقيت كروان ابيض جيت باخذه بس لقيت في راسه صلعه :eek: قلت خلينا على اللي يغرد .. انا شاريته على انه ذكر يوم رجعت البيت بديت اشك:D! قلت اخاف انه انثى تغرد ؟ ع العموم هذي الصوور ابيكم تتأكدون لي من جنسه و عمره .. حاسه انه فوق السنتين 3 كذا لأن طرف منقاره غامق ؟؟ http://www.2zoo.org/get-9-2009-2zoo_org_0deozsvk.gif و في أمل اولفه ولا لا ؟:confused: و ابي بالله احد يشرح لي شلون اولف الطير لأن هذي اول مره اشتري طير مو اليف :(!! يلا في امان الله ولا تنسو تقولوا ماشاء الله |
رد: كرواني الجديد -صديق تويتي- صور
ماشاء الله ماشاء الله ماشاء الله :D
خيتو هذا انثى :D لآ امزح هذا ذكر من وجههـ وشكل الرأس بس ياليت تعطيننا صوره اوضح من ذولي لانهم موب واضحين عشان نتأكد واذا يغرد صار رأيي 90% ذكر بالنسبه لعمره من سنه وفوق بالغ وبالنسبه لترويضهـ الله يايبيلك صبر وطولت بااااال :D الطريقه بأختصار تقصين جناحه او وديه لمحل يقصه لك بعدين جوعيه بعد ماتجوعينه تجين تطلعينه وتخلينه يصعد فوق القفص بعد مايصعد تحاولين توكلينه بيدك اول شي ماراح ياكل لان الكروانات عنيدات :D ومثل ماقلتلك الصبر الصبر الصبر وكرري معه هل طريقه يوم يومين سته اسبوع لمااان ياكل من يدك اذا كلا حاولي تلمسينه شوي شوي حسسيه بالامان وعاد حاولي تضغطين على رجلينه اذا صار مايعض عشان يصعد على يدك اذا تخافين من العضته حطي على يدك شطرطون وهالله هالله بالصبر وبس خلص الدرس :D |
رد: كرواني الجديد -صديق تويتي- صور
الصور مش واضحة و اهمهم صورة الذيل لو تقدرين ترفعينها بحجم اكبر
و غير كذا السعر 350 و بعد التخفيض 250 +___+ .... عالعموم الله يبارك لك في طيرك و ما قصر الملك كفى و وفى اما عن تغريد الكروانات .... انا صادفت انثتين يغردون ... وحدة عندي بالبيت ... حركاتها صبيانية , لول و غير كذا متعلمة كونفو الظاهر لما تشوف ذكر تغرد و تلحقة و لما توصل جنبه تعطيه رفسة .... خخخ |
رد: كرواني الجديد -صديق تويتي- صور
السلام عليكم ..
اليوم دخل تويتي مع الضيف الجديد بالقفص طبعا تويتيماخذ راحته بقفص الطير الجديد و كل مايقرب تويتي من الطير الجديد يهرب من تويتي .. المهم تويتي ماقد شاف بحياته طير راحت تتعبث بالطير الجديد و تعض جناحه ولا تشد تاج الطير المهم الثاني صابر عليها .. اخر شي هجم عليها و شد تااجها انا خفت طلعت تويتي من القفص و كن احسب انهم بينبسطون و يلعبون ! الصور ان شاء الله اصور لكم صور جديدة بس عشان ماخذتها بالجواال مو وااضح .. ايه نسيت اقول الطير من يوم ما اشتريته ماسمعته يغرد :( يمكن ماتعود ع البيت ؟ اليوم بس لما يسمع صفير تويتي صفر معه شوي و سكت الظاهر يسولفون !:D برب اجيب الصور |
رد: كرواني الجديد -صديق تويتي- صور
السلام عليكم اختي
بالنسبة لطريقة التدريب سههلة ماعليج الا انج تلبسين قفاز وتشيلينه>>>>>طبعاً بعد قص الجناح وخليه على يدج لين ما يتطمن ويعرف انج ماراح تأذيه >>>>>> بس حاسبي لاتلمسيه اول يوم اليوم الثاني حاولي تتقربين منه والمسي منقاره بس بحذر شوي شوي بيستوي عادي وياج وحاولي تمسحين راسه بعدين ظهره ويوم ورا يوم بيكون عادي طبعاً هذي طريقتي اللي أدرب فيها الكوكاتيلات وكل واحد عنده طريقة |
رد: كرواني الجديد -صديق تويتي- صور
شي طبيعي موب متوالفين عشان كذا يتهاوشون
بالنسبه مايغرد عشان المكان جديد اصبري اسبوع عليه وان شاء الله يغرد |
| جميع الأوقات بتوقيت GMT +3. الساعة الآن 02:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو