راحت طيوري
 

السلام عليكم

اطرح عليكم هالموضوع يمكن احد يستفيد منه

للاسف راحت طيوري ذكرين وخمس اناث ماتوا

والسبب ؟

كان عندي زوجين وشريت قفص كيير جدا وجمعتهم فيه وجاتني هدية ذكر و3 اناث وحطيتهم بالقفص الكبير مع البقية وزودت العشوش

يعني صار بالقفص 4 ذكور وخمس اناث و7 عشوش

لكن من اليوم الثاني الكل صار خامل ونايم ولا ينفع فيه تحريك وكل ماحركته يتحرك شوي ويرجع ينام مع انهم كانوا يجن جنونهم اذا احد قرب من القفص

اخذتهم لطبيب قالي فيهم الفاش وهذه قطرة حطيتها نقطة على الرقبه ونقطة تحت كل جناح

وبالفعل هذا الي سويته لكن زاد خمولهم وانتفش ريشهم كانه شوك منظر يعور القلب ومخيف

رجعتهم لطبيب اخر قالي مافيهم فاش وعمل لهم تحاليل وقال فيهم طفيليات وهذه بودرة حطي منها بماء الشرب بمقادير معينه لمده اربعة ايام

وهذا الي حصل عطشتهم طول الليل واحط لهم العلاج النهار ومع اني اشوفهم يشربون لكن مافيه فايدة زاد الخمول وينامون وروسهم تحت اجنحتهم

ولكن للاسف سويت الي اقدر عليه ومافيه فايدة

واللحين عندي زوج بقفص لوحدهم والحمدلله صحتهم زينه وبنوا عش وزوج اخر كانوا قمة بالنشاط لكن الانثى تدهورت وصارت نوم وخمول ونفش ريش وعزلتها عن الذكر


مدري وش السبب مع انه مراعيتهم ومعتنية فيهم وانظف الاقفاص كل صباح ومعنا بالبيت بشرفة داخليه كلها نباتات كانها حديقة وجو معتدل وافتح الشباك نص ساعة الصباح الباكر لكن هذا اللي صار وهذا نصيبهم ونصيبي

اتمنى ما اطلت عليكم ...


هذه صوره لاقفص قبل لايموتون

http://www.2zoo.org/get-9-2009-2zoo_org_40otvb7k.jpg

رد: راحت طيوري
 

اللة يرحمهم:D

انزين انا اقوولك من شنو؟؟؟ يمكن من العش انت اتقول انك شريت اعشوش يمكن العشوش فيها حشرات نصيحة اي احد بيشتري عش يحط العش بالشمس يوم كامل اللة يعينك .

رد: راحت طيوري
 

الله يجبر بخاطرك

ومشكوور على الدخول والنصيحة

رد: راحت طيوري
 

السلام عليكم
الله يعوضك باحسن منها
رايح اقولك السبب (فيه نقطة يخطي فيها كثير من المربين وهي:انك تضع الطيور مع بعضها اقصد
انك تملك طيور سابقه معتنى فيها مع طيور جديدة حتى لو كان منظر الطيور الجديدة ممتاز
لانه يوجد في ريش الطيور فيروسات ما تنشاف بالعين المجردة مجرد ما توضعي الطيور مع بعضها تنتقل الفيروسانت الى طيورك القديمة وهذا ماحدث عندك)
اذا ارتي انك تجيبي طيور جديدة وتحطيها مع طيور لازم تسوي لها حجر صحي:p اقصد انك مادخلي الطيور مع بعضها علطول لازم يكونو بعيدين عن بعض مدة اسبوع على الاقل عشان ما تنتقل الفيروسات وفيه فايده ان الطيور الجدد يتعودو على المكان
لان هذي المشكلة صارت لي
موفقة بأذن الله

رد: راحت طيوري
 

اخوي سداح ابشر وتسلم على النصيحة

اخوي سعد معك حق كانت غلطتي وماحد يتعلم ببلاش

على العموم انا عندي زوج ماجمعتهم مع الي راحوا وكنت حاطه لهم عش زيبرا وعش كناري وغطيته عش الكناري كما نصحني اخوي سداح وتركتهم ما اجيهم الا الصباح لتغيير الماي والاكل لكني لاحظت انهم يجمعون الريش وأفروع الجرجير ويبنون العش بعش الكناري فزودتهم بخيوط الخيش احطها لهم وخلال دقايق ينقلونها للعش انا تاركتهم طول اليوم ما اشوفهم الا الصبح دقايق

لكني محتارة متى اتوقف عن تزويدم بخيوط التعشيش ؟

هذه صوره العش

هنا مغطيتة كما نصحني الاخ سداح

http://www.2zoo.org/get-9-2009-2zoo_org_3h4uwacm.jpg

وهذه صورة العش من الداخل

http://www.2zoo.org/get-9-2009-2zoo_org_mht35jjc.jpg

افيدوني لعل الله يعوضني فيهم

وجزاكم الله الف خير

رد: راحت طيوري
 

مرحبا اختي صوغه والله يعوضك باللي راح ولازم ننسى اللي فات واحنا عيال اليوم طيب,,,

شوفي المشكله واضحه مثل الشمس وقالها اخوي سعد الذهبي

ومو بس الطيور حتى الاسماااك نفس الطريقه بعد اسبوع ع الاقل واسف ع

التأخير في الرد لأني غير متواجد في الديره واي مساعده انا في الخدمه,,

وع فكره انتي مربيه ناجحه لكن تنقصك قليل من الخبره ومع الوقت راح تتخطينها.

رد: راحت طيوري
 

يعطيك العافية على الرد والتفاعل وسلامة الاسفار اخوي ابو محمد

والله كريم ونعوض الي راح

والدروس المهمة ماتيجي بسهولة

الف شكر

رد: راحت طيوري
 

مشكووور اخوي سداح على النصائح المهمة وان شاءالله اتبعها

واطبق طريقة باب العش لما يبنون مره ثانية

تسلم والف شكر

رد: راحت طيوري
 

الله يوعوضج بغيرهم يارب


ونشالله هذي اخر غلطه

يتربون بعزج الزيبرا الباجي

تقبلي ودي