منتديات تو زوو - كيف يستقبل القطط بعضهم؟؟!!!!!

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - كيف يستقبل القطط بعضهم؟؟!!!!! (http://www.2zoo.com/vb/showthread.php?t=11931)

شواخي

16-09-2006 03:41 PM

كيف يستقبل القطط بعضهم؟؟!!!!!

السلاااام عليكم .. شحالكم يا اعضااااء ... انشالله مرتاحين:D
:
بغيت اقولكم انا عندي قطو (ذكر) ويمكن عمره شهرين او ثلاثه .. وانا اليوم بتوصلني قطوه (انثى) من نفس العمر تقريبا .. وهذا القطوو عدواني لما يشوف قطوه من برع يعني من ورى الدريشه يمااااوي ويعصب وشعره يوووقف .. وانا خايفه عالقطزه الجديده منه :( شسوي ؟؟ احطهم مع بعض ولا اعزلهم ولا كييييييف؟؟؟ والله خايفه:confused: ... اتمنى انكم تفيدووني ..
:
وشكرا

قطو_Q8te

16-09-2006 07:05 PM

رد: كيف يستقبل القطط بعضهم؟؟!!!!!

عادي اختي لاتخافينـ ..
القط لما اتحوشه حالة الهستيريا هذي ايكون قاعد ايدافع عن نفسه لكن ان يبتي القطه لداخل بيتج بتلفها ريحه اول شي من ريحتج بعدين ريحه من ريحة القطو الموجوده بالبيت
فبتشوفين شوي يبخون على بعض و ينحاشون لمدة اسبوع
بس انتي اهم شي سبحيهم اثنينهم بنفس الشامبو ونفس الفوطه بحيث يصيرون ريحه وحده ودهنيهم بعطر جونسون او بودر خلال هالاسبوع ووكليهم مع بعض
واهم شي ادلعينهم اثنينهم بنفس المستوى ولو زاد دلع قطج القديم عن اليديد بعد عادي بس موالعكس ..
وانشالله خير والاعضاء ماراح ايقصرون وياج ^^

CaTTy

17-09-2006 01:38 AM

رد: كيف يستقبل القطط بعضهم؟؟!!!!!

قطوو كويتي ماقصر كفى ووفى

وانا من رايي انج ماتحبسين واحد على حساب الثاني

هديهم مع بعض راح تولع حريقه اول يوم وانتي بنفسج راح تخافين

بس ماعليج محد بيموت لووووووول

وبعدين راح يخف الهواش خصوصا اذا ماكان فيه طرف رابح باليوم الاول

واذا وحده منهم خوفت الثانيه ماراح تشوفين هواش نهائيا

واهم شي الاكل يوعيهم وحطيلهم مع بعض بصحن واحد

سـارة

20-09-2006 07:08 AM

رد: كيف يستقبل القطط بعضهم؟؟!!!!!

قطو_Q8te
وفى وكفى ماشاء الله..
بس أحب أضيف إنه من الأفضل مايشوفون بعض عن طريق مباشر في أول يوم..
يعني بس تنقلي لهم ريحة بعض بالطريقة إلي قالها قطو_Q8te..
و الله يخليلك إياهم ويتربوا بعزك;) ..

جميع الأوقات بتوقيت GMT +3. الساعة الآن 10:34 PM.