|
وانجحت الخطة ؟؟؟؟؟؟؟؟؟؟
طبعا خبرتكم قبل أن الديايه صار لها أكثر من 21 يوم راقده على البيض بس ما فقص رحت في الليل وبدون ما تحس خذت أربع بيضات وكسرتهم طلعوا كلهم فاسدين عشان جذي سويت هالخطة رحت السوق وشرت أصغر حجم للصوص عمره قريبا 5 إلى 10 يوم 15 حبه وبعدين في الليل والمكان ظلام وهي ماتشوف شي كلش حتى أنا ماشوف ( المهم ) خذت البيض من تحتها وكسرته وخذت كشور البيض المكسور وخليتها تحتها في العش وخذت بعض الكشور ونثرته على الصوص عشان لما تقوم الصبح تنظفهم من الكشور وبعدين خذت الصوص وحطيتهم تحتها واليوم الصبح شفتها تتمشى مع الصوص مستانسه وتأكلهم مسكينة ماتدري أنهم من السوق ومش عيالها بس شاسوي بيضها كلها خربان خفت عليها تصير ميونه شهر كامل راقده وبعدين مافي ولا صوصه وحده قلت لازم أكافئها الحمد لله ان التجربه انجحت والله كنت خايف |
رد: وانجحت الخطة ؟؟؟؟؟؟؟؟؟؟
بس أنا أحس بالذنب الديايه متفاعله ومصدقه أنهم عيالها وبعض الصوص متفاعل معها بس بعضهم أحسهم مش فاهمين شسالفه صج أنهم مال مكينه يعني وهي تتمشى ما يلحقونها صاير العكس هي تلحقهم وتأكلهم أحس بالذنب أحس إني لعوزت ديايتي |
رد: وانجحت الخطة ؟؟؟؟؟؟؟؟؟؟
ماشاء الله تصرف سليم دام اذا فعلا البيض كله " فـــــاسد " وعادي مافيها شي للدجاجه بالعكس والصوص شي طبيعي مراح يفهم السالفه ولايدري المهم راح تحاول تتقرب لهم وتحميهم هذا اهم شي وعلى فكره اذكر عندها دجاجه اعتقد عقيمه او كبيره في السن كان تحمي كتاكيت دجاجه الثانيه وتهتم فيهم ولو ولامره جلست على البيض وبالتوفيق ،، |
رد: وانجحت الخطة ؟؟؟؟؟؟؟؟؟؟
اقتباس:
:12::12: سحابة خير :12::12: افا ضحكة على الدجاجه مره وحسيت بزنب ايل ايش اقول انا كل الى عندي عيال فقاصه وقبل يخرجون من البضه اشيلهم عند الجاجه الى تبي ترقد على البيض على كده ابيلى فتوه من شيخ السوق شاهدنا تراك سوية الصح حسستها انها ام والأيتام وجتلهم اسره مايحسون بلفرق عن غيرهم كخخخخخخخخخخخخخخ موفقين خير وترا حاجز الدجاجات لديوكى والديوك لدجاجاتى هههههههههههههه |
رد: وانجحت الخطة ؟؟؟؟؟؟؟؟؟؟
عقبال مايكبروا .. وربنا يعوضها المرة الجاية وتجيب كتاكيت من بيضها
|
رد: وانجحت الخطة ؟؟؟؟؟؟؟؟؟؟
اقتباس:
ومشاركتك الطيبة وخففت علي الله يجزاج خير بس أبشرج اليوم الحمد لله الصوص كلهم متفاعلين ونايمين عند الدجاجة وأنا تأكد إن البيض كله خربان يوم كسرته كانت ريحته خايسه تشمه على بعد متر والله يجزاج الخير اقتباس:
تعليقك ذبحني من الضحك بس أبشرك الحمد لله الحين الصوص كلهم متفاعلين يعني الأمر صار طبيعي وأنا فرحان والحمد لله وحاضرين لك يالغالي: الصوص والديايه كلهم لك - ما يغلى عليك وتسلم يالغالي على المرور - ومشاركتك الحلوه اقتباس:
أشكرك الغالي على التفاعل والمرور العطر يعطيكم ألف عافية والله ما قصرتوا |
رد: وانجحت الخطة ؟؟؟؟؟؟؟؟؟؟
نيااااااااااااااااااالك بالعكس احمد ربك انها ما قتلتهم الله يخليها لهم ويخلييهم الها مدام حبتهم وحبوها انا قبل اسبوعين تقريبا فقس كتكوت وكانت امه ما تبيه وتعضه وتطرده ومن اول يوم فقس فيه مسكين واخذته وحطيته بالليل عند دجاجة ثانية مع كتاكيتها الصغار ظلت تهتم فيه الصباح بس وتأكله وماجت الظهيرة الا قصت راسه :( |
رد: وانجحت الخطة ؟؟؟؟؟؟؟؟؟؟
اقتباس:
تصدق أنا أحس إن إلي ساعدني إنه الدجاجه أول مره ترقد على البيض وهي توها بالغه ما صار لها كثير يمكن هالشي ساعد في انجاح الخطة - كونها ما جربت الأمومه من قبل - أما دجاجتك فعجيبه شو إلي يخليها تعض وترد الكتكوت مع انه من بيضها شو الأسباب تتوقع ؟؟؟ |
رد: وانجحت الخطة ؟؟؟؟؟؟؟؟؟؟
اللي سويتيه غير اقتصادي صيصان الدجاج عادي يتربى بدون امه بل يمكن ينتج اكثر ولا داعي للانتظار اول ما يفقس عزليه عن امه لكي تبيض بسرعة وتكون نشيطة وقوية وشكرا لك
|
| جميع الأوقات بتوقيت GMT +3. الساعة الآن 12:58 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو