منتديات تو زوو
الصفحة 1 من 2 1 2
عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   لاهل الخبره ارجو الافاده (http://www.2zoo.com/vb/showthread.php?t=113578)

toootyme 29-07-2009 11:01 AM
لاهل الخبره ارجو الافاده
 
قطتي اشتريتها كان شعرها كثيف وكانت جسمها معقول دلوقتي كبرت وعندها 3 شهور بس حاسه ان شعرها خف هل ده من الصيف والحر وكمان حاسه انها خست لانها طولت كده وحاسه انها لما طولت وكبرت خست وكمان اكلتها اساسا اوقات تبق ضعيفه واوقات تبق عاديه وكمان عندي مشكله انها شقيه اوي لدرجه انها بدات تحاول تلعب مع ديكورات البيت والفازات وكانت هتحاول تكسرها لولا اني لحقتها ونزلتلها الورد اللي كانت عاوزه تلعب بيه بس برده مهما احاول ازعقلها وافهمها براحه ساعات برده مفيش منها فايده تجري مني واول متشوفني مش شايفاها تيجي تلعب بيها تاني وانا خايفه علي الكريستالات اللي في البيت انا لسه متجوزه مبقاليش 5 شهور مش عاوزه البيت يبوظ وكمان بدات ازهق من كترر عضها مش بتعرف تلعب الا لما تعض تصحيني علي العض احاول اغطي جسمي كله تعض مناخيري قولولي الحل ايه معاها

toootyme 29-07-2009 11:36 AM
رد: لاهل الخبره ارجو الافاده
 
فينكم يافنانين في تربيه القطط

Big_Cats_Lover 29-07-2009 12:00 PM
رد: لاهل الخبره ارجو الافاده
 
,
,
,


اولاً .. ألف ألف مبرووك على جواز حضرتك .. :)

وبالنسبة للقطة بتاعة حضرتك .. في انواع من القطط .. وهيا صغيرة بيكون شعرها كثيف ودبدوبة ..

لاكن لما بتكبر .. بيكون شعرها اخف بشوية عن ماكان في الاول .. وبتبدأ أطرافها تطول او تكون رفيعة ..

وياريت حضرتك ترفعي صور للقطة او تقولي لنا نوعها .. وطبيعي وقت الصيف القطط بتوقع شعر كتير او اكتر من النسبة المعتادة بشوية ..

عشان الحر وكدة .. وحضرتك لازم في الفترة دي تمشطي شعرها مرتين في اليوم .. عشان ما يتكون عندها كور شعر في المعدة .. او تطير شعر في البيت ..

وبالنسبة لاكلتها الضعيفة .. انتي ممكن تأكليها فراخ مسلوقة مع خضار من غير اي بهارات .. وكمان دراي فود للقطط من نوعية جيدة الصنع ..

وطبيعي كمان ان القطط بتبقى شقية في العمر ده جدا .. ولو كانت انفصلت عن اخواتها او امها قبل عمر شهرين ..

بيبقى لعبها خشن شوية عشان اللعب ده المفروض بيكون مع إخواتها .. وحاولي قدر الامكان ما تخليها توصل للاماكن الي فيها الفازات او التحف ..

وبالنسبة للعض .. طبيعي جدا برضو .. انا عندي قطتي عملت كدة برضو .. بس انا ماكنتش بمنعها ( دلوعة بقى .. :D )

بس لما تلعب معاكي كدة تشخطي فيها جامد وتقوليلها لالا بصوت عالي ونبرة حازمة ..

وهيا هتبطل الموضوع ده لما تغير سنانها .. يعني لما تتم 5 شهور تقريبا .. وخليها برا الغرفة لما تيجي تنامي ..

وإي اسألة تانية .. إحنا في الخدمة ..

أخوكي الصغير ،، :)

,
,
,

toootyme 29-07-2009 12:12 PM
رد: لاهل الخبره ارجو الافاده
 
هي فعلا انفصلت عن امها واخواتها قبل شهرين انا اشترتها 40 يوم وكمان بالنسبه للعض عضها بيوجه وده اللي مضايقني وكمان بالنسبه للفازات والحاجات دي انا مش بحب امنعها من مكان معين وصعب احبسها نفسي بس تسمع كلامي لانها عناديه مهما ازعق او اكلمها براحه او اضربها براحه مش بتمسع الكلام ابدا وان شاء الله انا عندي ليها صور لما كانت صغيره هرفعها وكمان هصورها لما كبرت وطولت وخست وكمان عاوزه اعرف هي القطط فعلا بتغير اسنانها وازاي اعرف كده

toootyme 29-07-2009 12:12 PM
رد: لاهل الخبره ارجو الافاده
 
والله يبارك فيك وعقبال كل ا للي موجودين في المنتدي

! هاويه الطيور ! 29-07-2009 12:19 PM
رد: لاهل الخبره ارجو الافاده
 
عليكم السلام ورحمة الله وبركاته


بخصوص تساقط الشعر اذا كان خفيف فـ طبيعي جدا
لانه الصيف له دور في تساقط الشعر كـ تبديل للشعر
وتاكدي مايكون فيها ديدان للقطه ولاتعطينها الاسماك بكثره
ممكن يكون عندها نقص فيتامين

واشتري له شامبو " نيزروال " يخفف من تساقط للشعر ويكون له وقايه من الفطريات

.
.

بخصوص العض كلنا بنعاني هالشي لكن لازم توفرين للقطه العاب



http://www.2zoo.org/get-7-2009-2zoo_org_d6x4tzxb.jpg



واشتري لها عامود الخدش تشغل وقتها فيه


http://www.2zoo.org/get-7-2009-2zoo_org_efijm2oq.bmp



علشان ماتبووظ الغنفات او الستاير




ومبروك عليكي الزواج

! هاويه الطيور ! 29-07-2009 12:21 PM
رد: لاهل الخبره ارجو الافاده
 
اقتباس:
عاوزه اعرف هي القطط فعلا بتغير اسنانها وازاي اعرف كده
انا قطتي عمرها اربع شهور وشفت اسنانها تنزف بس خفيف لما حركتها لها واشوف اسنان صغيره طالعه
واسنان تبي تطيح عادي جدا بسرعه تطلع الاسنان انتي لازم تشوفين اسنانه لما تنظفينها سوى بالفراشه او بالقطن

toootyme 29-07-2009 12:38 PM
رد: لاهل الخبره ارجو الافاده
 
الله يبارك فيكي ياهاويه الطيور اما بالنسبه للعب فانا مخليه ارضيه البيت كل محد يمشي يتكعبل بلعبه لجوجو وكمان اعتقد انها معندهاش ديدان والاسبوع الجاي عوديها للبيطري يطعمها ويطمني عليها بس لسه محدش قالي ازاي اخليها تسمع كلامي وكمان لما انادي عليها تيجي هي بتجيلي لما بتكون جعانه بس غير كده مش بتعبرني

ملكة الأناقة 29-07-2009 02:25 PM
رد: لاهل الخبره ارجو الافاده
 
لحقووكي قبلي

مشطي شعرها

اشتريلها اكل نوع رويال كانون المناسب لعمرها

والاسنان بتتغير اعتقد من قبل الستة شهور

اشتريلها العاب

وبالنسبة للعض عاادي

لما تنامي قفلي غرفتك

ومبرووووووووك عالزواج

تحياااااااتي

toootyme 29-07-2009 04:19 PM
رد: لاهل الخبره ارجو الافاده
 
ميرسي علي مرورك وردك ياملكه الاناقه بس كل ده محدش لسه قالي ازاي اخليها تسمع كلامي عشان احافظ علي ديكورات البيت


جميع الأوقات بتوقيت GMT +3. الساعة الآن 11:49 AM.
الصفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو