منتديات تو زوو - خاص لمربي الزواحف والبرمائيات: تربية الأكل الحي 1- الصرصار crickets

http://www.2zoo.org/get-7-2009-2zoo_org_mreypbhm.gif http://www.2zoo.org/get-7-2009-2zoo_org_mreypbhm.gif

كيفكو شباب وصبايا
ان شاء الله تمام..

ولا مره فكرتو انو تربو زواحف,
برمائيات,
او حتى عناكب وعقارب..
وغيرتو الفكره ونسيتوها لسبب انو ما في اكل متوفر لتطعموهن ؟..
كان زمان.. بس من اليوم ما عاد في مشكله ان شاء الله.. :rolleyes:

http://www.2zoo.org/get-7-2009-2zoo_org_fozax2l5.gif

معظم السحالي والبرمائيات وحتى المفصليات والحشرات الكبيره.. بتعتمد بتغذيتها الاساسيه على الحشرات, من هيكا ممكن انو يكون صرصور البيت الصرصار [Acheta domestica - crickets] هو الاكل الحي الانسب والاكتر صحي لتغذية حيواناتنا, ومنلائي انو كتار من المربيين اللي بيربوه لسهولة تربيته. ومن تجربه شخصيه بحكيكو انو ايا حدا فيكو ممكن انو يربيه وينتج عندو كميات كبيره من الصراصير (مزارع صراصير :D), ومن بعدها ما بتكون عندو ولا مشكله بتربية ايا حيوان اساس تغذيتو الحشرات. وبالموضوع بحاول انو أوضح واشرح بالتفصيل المُمل طريقة تربية الصراصير والانتاج.. مع صور!

http://www.2zoo.org/get-7-2009-2zoo_org_r8ivw5aq.jpg
[Acheta domestica - crickets]

- الطعام:
عنشان نوفر للحيوان الاكل الصحي والغني بالفيتامينات والمواد المفيده, لازم قبل انو نقدم للصراصير الاكل المتوازن [gut load]. بالمربى ممكن للصرصار انو يوكل خضار وفواكه: بطاطا, خيار, جزر, اجاص, تفاح.. وكمان أكل الكلاب(الجاف), خبز, نخاله..
الخضار والفواكه بتتقدم على شكل قطع او شرائح وعنشان ما نحافظ على صحة الصراصير لازم تبديل الاكل الطري مره - مرتين بالاسبوع, حتى ما يصير تعفن او رطوبه اللي بتضر بالصرصار وبالتالي الحيوان اللي رح يوكلو.

- الماء:
الصرصار متل ايا حيوان تاني بيحتاج انو يشرب المي حتى يضلو عايش وما يموت, وما بيصير نقدملو المي بوعاء حتى ما يغرق فيو, وبهايا الحاله ممكن انو تكون الخضار والفواكه اللي بتحتوي على نسبة سوائل/ماء عاليه مصدر لتعوضو عن شرب المي, متل الخيار, البرتقال..
ممكن انو يكون كمان عن طريق اسفنج او قطن مبلل بالمي, بس مش مفضل لانو الصراصير ممكن تاكل من الاسفنج/ القطن وبيؤدي لموتها.

- درجة الحرارة:
درجة حرارة الغرفه ممكن انو تكون ملائمه كتيير لتربية الصراصير 32-26 درجة مئويه, بشرط ما تكون الرطوبه مرتفعه كتيير وتكون منخفضه, وادا انخفضت درجة الحراره ممكن انو تتوقف عملية تطوراتهن ويموتوا, وهونا بنستعمل اللمبه او كابل تدفئه من تحت المربى. وادا ارتفعت درجة الحراره اكتر من اللازم بيحترقو الصراصير وبينطبخو وبيصيرو مشاوي. :D

- الاضاءه:
الصرصار هو حيوان ليلي, يعني بالنهار بيتخبى وفعاليتو بيبداها بالليل او بالاحرى بالعتمه.. ادا فكرتو تربو صراصير ما تحطوهن ئريب من غرفة النوم اللي بتنامو فيها, لانهن بيعملو اصوات كتيير, يعني بينفع يكونو بمخزن او غرفه بعيده عنكو ومحايده لحالها.

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

- المربى:
الصراصير حشرات ما بتطير ولا بتتسلق على الجدران, وممكن ايا حوض/ مرطبان/ علبة بلاستيك مغلقه انو تكون مربى ملائم لتربية الصراصير, بشرط انو تكون فيها فتحات للتهوئه وكمان تكون عميقه واطرافها عاليه, حتى ما تقدر الصراصير تقفز منها لبرات العلبه (كبدايه ممكن انو يكون حوض بحجم 50 سم بيكفي).
وبناء المربى بيكون على هايا المراحل:

http://www.2zoo.org/get-7-2009-2zoo_org_ipxkk0b3.jpg
1. صندوق بلاستيك مع غطاء مقسوم لجهتين.

http://www.2zoo.org/get-7-2009-2zoo_org_yj9mntc8.jpg
2. شبكه ناعمه, مشرط, مقص, قلم, مسطره, مسدس شمع.

http://www.2zoo.org/get-7-2009-2zoo_org_js0xuift.jpg
3. لعمل فتحة التهوئه بالغطاء: نحدد بالقلم شكل مستطيل ونقصه بالمشرط
(هونا مفضل انو تستعينو بحدا بالغ وكبير لانو خطر عأصابعكو :D)

http://www.2zoo.org/get-7-2009-2zoo_org_5as3paro.jpg
4. نقص الشبكه بعد تحديدها, وبمسدس الشمع بنلصقها ونثبتها على
اطراف الفتحه من الجهه السفلى للغطاء.

http://www.2zoo.org/get-7-2009-2zoo_org_jxqp3cx8.jpg
5. هيكا بيكون المربى جاهز, وفيو فتحة تهويه بالغطاء مع شبكه ناعمه لمنع
دخول الحشرات وخروج الصراصير.

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

- هدف فتحة التهوئه في المربى:
فتحات التهويه اشي اساسي وضروري بمربى الصراصير, لسبب انو ادا مات واحد من الصراصير (انتهت فترة حياته او تسمم او مرض او ايا سبب تاني..) هو رح يفرز سائل مع رائحه خاصه وقويه. الرائحه هايا بتكون معروفه مسبقا عند باقي الصراصير بالمربى على انها اشاره او علامة تحذير.. على انو الشروط والحياة داخل المربى الموجودين فيه الصراصير غير ملائمه ولازم البحث والانتقال لمكان تاني. ووبالتالي بيصير صراصير تانيه تموت وتفرز كمان متل هادا السائل ونفس الرائحه, وهيكا ممكن انو تموت مجموعة كبيره من الصراصير خلال وقت قصير.

- أمراض:
المشكله الوحيده اللي ممكن تواجه الصراصير وتنقلهن الامراض هي وجود الصراصير الميته معهن بالمربى. من هيكا لازم بشكل دائم انو ننظف المربى من الصراصير الميته, لانو صراصير بالغه وجائعه ممكن انو توكل بعد بالصراصير الميته, وكمان رائحة الصراصير الميته ممكن انها تؤدي لامراض تانيه.. وهادا بدورو بيؤذي الزاحف/الحيوان بشكل غير مباشر.

- المربى من الداخل:
الصراصير بتحب تتخبى بساعات النهار, من هيكا منوفر لهن داخل المربى مخابيئ ليتخبو فيها: لفافات ورق تواليت او كرتون بيض, ومنرتبهن على تلات طبقات. وبالربع التاني من المربى نضع علبتين عنشان تبيض الاناث فيهن, داخل كل علبه تراب اصطناعي للنباتات رطب/ رمل رطب بعمق 3-5 سم.

http://www.2zoo.org/get-7-2009-2zoo_org_kddr5xsz.jpg

http://www.2zoo.org/get-7-2009-2zoo_org_8zgfb6gd.jpg

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

- الفرق بين الذكر والانثى:
عند الاناث في انبوب البيض شكله متل الابره القصيره ومنلاحظو بوضوح بمؤخرة بطنها, اما عند الذكور فهو مش موجود! وهايا اسهل طريئه لنمييز فيها الجنسين الذكر عن الانثى..

http://www.2zoo.org/get-7-2009-2zoo_org_d9rtds6y.jpg
:rolleyes:

- التزاوج:
فترة حياة الصرصار 3 شهور ومن بعدها بيموت. والصراصير البالغه هي بس اللي بتتزاوج, وممكن انو نلاحظ منهن البالغين لمن بيبدو يصدروا اصوات (بيصرصر), وكلما كان الصوت أعلى وأقوى احتمالات وجود التزاوج بالمربى كبيره.. :D الصراصير الكبيره بتصير تسكت تدريجاً ليختفي صوتها وتموت.
الانثى بعد بيومين- تلاته من البلوغ بتكون جاهزه للتزاوج, وخلال فترة حياتها بتحتاج بس لتزاوج واحد من ذكر واحد لتضلها تبيض.. بعكس الذكور اللي بيتزاوجو اكتر من مره خلال فترة حياتهن, فممكن لذكر واحد انو يخصب عشرات الاناث ..
بهايا الحاله ممكن انو نخرج بعض الذكور من المربى وتقديمهم للحيوان ليوكلهم, لانو الاناث ما بتحتاج لكميات من الذكور..

- وضع البيض:
بعد التزاوج الاناث بتصير تبحث عن تربه رطبه وعميقه لتبيض. واحنا منكون محضرين مسبقا علبتين لوضع البيض, وفيهن بتصير الاناث تغرز الانبوب وتبيض البيض, ادا دققنا بعلبة البيض ممكن نشوف البيض شكلهن رفيع بطول شي 3-4 ملم, ولونهن ابيض- اصفر.

http://www.2zoo.org/get-7-2009-2zoo_org_e0bkronx.jpg

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

- العناية بالبيض:
كل تلات- اربع ايام منخرج علبة البيض من المربى ونضع غيرها علبه مع تراب رطب جديد, حتى ما يتراكم البيض ويصير مشكله وئت التفقيس. العلبه اللي فيها بيض منحطها بعلبه/مرطبان فارغ اطرافه عاليه ومنغلقه لنمنع دخول الهوا, وهيكا منحافظ على رطوبة البيض,, وكل يوم تفتح لتفحص التربه, لانو بحال جفت البيض ما بيفقس وبيموت اللي جواتو.. افضل انو نرش التربه ونبللها مي بشكل متواصل بواسطة بخاخه, ومن بعدها نغلق المرطبان جيدا.. وبعد باسبوعين بيصير يفقص البيض ويطلعو الصراصير الصغار كتيير.. (لونهن بيكون ابيض- بني فاتح وبشكلهن بيشبهوا النمل الصغير).

http://www.2zoo.org/get-7-2009-2zoo_org_xahrzfjt.jpg
لاحظوا ان هناك مجال بين علبة البيض واطراف
المرطبان,,حتى يكون مجال للصغار لمن يفقسو يقفزوا
من العلبة لأرضية المرطبان.

http://www.2zoo.org/get-7-2009-2zoo_org_w66j046j.jpg
البخاخ لترطيب التربه حتى ما تجف.

- العناية بالصغار:
الصغار اول مايفقسوا ويطلعوا ما لازم نمسكهن لانهن بيكونوا كتيير حساسين حتى ما نمعسهن بايدنا خخخ :p, باول يومين تلاته ما مانقدملهن اكل, وبعدها منحطلهن قطعة خيار صغيره او اكل سمك ناعم, او اكل كلاب مطحون ناعم, او فواكه مطحونه مع اضافة فيتامينات خاصه بالزواحف.. وكلو بنفس المرطبان الموجود فيو علبة البيض (ما منحرك علبة البيض من محلها.. لانو البيض ما بيفقس مع بعضو بنفس الوقت وبيكون اوئات فرق ايام بين بيضه وتانيه ليفقسو). وكلما ارتفعت درجة الحراره بيسرع من تطورهن وبيكبروا أسرع,, بس مش اكتر من 31 درجه مئويه!!!
بعد مرور اول اسبوع منخرج الصراصير الصغار ونضعهن بعلبه تانيه فيها فتحات تهوئه صغيره وكرتون بيض كمخبى الهن واكل.. لانو اولاد الاسبوع ممكن انو يفترسو ويوكلو الاصغر منهن اللي فقسو بعد باسبوع, ادا ضلهن بالمرطبان اللي فيو علبة البيض.

http://www.2zoo.org/get-7-2009-2zoo_org_j78yyczb.jpg
صراصير صغيره عمرها اسبوع.

http://www.2zoo.org/get-7-2009-2zoo_org_558poyp5.jpg
فتحات تهوئه صغيره موجوده بغطى العلبه..
ممكن انو نعملها براس قلم او ابره.

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

- مراحل تطور الصرصار:

http://www.2zoo.org/get-7-2009-2zoo_org_scamahxf.jpg
.1.

http://www.2zoo.org/get-7-2009-2zoo_org_mi6oxxo6.jpg
2

http://www.2zoo.org/get-7-2009-2zoo_org_fd7ytbj3.jpg
3

http://www.2zoo.org/get-7-2009-2zoo_org_3djmantp.jpg
.4.

http://www.2zoo.org/get-7-2009-2zoo_org_pmegcfrr.jpg
.5.

http://www.2zoo.org/get-7-2009-2zoo_org_dowg00aa.jpg
.6.

http://www.2zoo.org/get-7-2009-2zoo_org_pe8lqbik.jpg
.7.

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

- طريقة تنظيف المربى:
تنظيف المربى بيكون مره او مرتين بالشهر من فضلات وبراز الصراصير (شكلو مثل السمسم لونو اسود :D).. وعنشان ننظفو لازم يكون معنا صندوق تاني فارغ, نخرج كل الصراصير لداخله (ننفض الكراتين داخل الصندوق النظيف لانو كميات من الصراصير تختبيء داخلهن).. ونكنسه ونرمي الوسخ, ونمسحه بقطعة قماش ناشفه ثم نرجع الصراصير والكراتين لداخله مره تانيه.

- طريقة تقديم الصراصير للحيوانات:
الصراصيير ما بتعتبر مصدر رئيسي للكالسيوم, من هيكا مفضل انو نقدم للحيوانات مرتين بالاسبوع صراصير مخلوطه ببودره فيتامينات خاصه بالزواحف. ولازم خلط كميه قليله من الصراصير مع البودره, لانو ادا الحيوان ما اكل كل الصراصير, البودره ممكن انو تقتل الصرصور اذا بقيت مغطيه جسمو لساعات.
طريقة التقديم بتكون بترك الصراصير بالقفص مع الحيوان وتحريرها لتقفز لياكلها, او عن طريق اطعامه اياها باليد او بملقط خاص..

http://www.2zoo.org/get-7-2009-2zoo_org_42jrv9lb.jpg

اضغط هنا
Feeding Tool
http://www.exo-terra.com/en/products/tongs.php

اضغط هنا
Feeding Rock
http://www.exo-terra.com/en/products/feeding_rock.php

http://www.2zoo.org/get-7-2009-2zoo_org_fozax2l5.gif http://www.2zoo.org/get-7-2009-2zoo_org_fozax2l5.gif

وبالاخير..
بدي اشكر العضو dx5 كتيير كتيير..
لولاه ما طلعو الصور حلووووووين هالئد..
يسلموووو ايديك..
مره ومرتين
وتلاته!!
http://www.2zoo.org/get-7-2009-2zoo_org_k0vzut4e.gif

وبتمنى انو يكون الموضوع نال اعجابكو..
وبجد افادكو لالكو عنشان حيواناتكو..
وصحتين وعافيه..
مممممممم!!
http://www.2zoo.org/get-7-2009-2zoo_org_u5g9zfzq.gif
عروس الجليل