|
دجاجتي راجنه في مكان مرتفع .. ابغى الحل !!!
السلام عليكم .. اخواني عندي دجاجه راجنه على بيضها في بيت من بيوت الحمام ..!! وللاسف مكان الدجاجه الراجنه مرتفع للاعلى ..!! والان انا في حيره من امري .. اذا فقس البيض بيكون المكان خطر على الفراخه .. سؤالي :: لو انزل بيت الدجاجه الراجنه على الارض .. مايكون فيه مشكله .. لاني سمعت ان الدجاجه اذا تغير مكان بيضها لاترجن عليه مره اخرى ؟؟ ابغى ارائكم باسرع وقت لان البيض لم يبقى عليه الا ايام قليله ويفقس بإذن الله .. ودمتم بخير |
رد: دجاجتي راجنه في مكان مرتفع .. ابغى الحل !!!
عليكم السلام اخوي نفس مشاكل دجاجاتي تبيض في الامكان المرتفع ؟ بصراحه شي غريب وسلوك غريب جدا لازم الدجاج تفصل عن الامكان الحمام كليا وثاني شي نزل المكان البيت الي باضت فيه وحطها في قفص مغلق علشان ماتضطر تطلع لانها المكان تغير لانه لو خرج الصوص راح يطيح ويموت تحت وممكن تضرب الطيور الاخرى لانه مستحيل الام ترعى صغير واحد فقط لما ينزل نزلها تحت وسكر عليها الباب ولاتطلع + والمكان تغطيه بخيشه علشان ماتلاحظ التغير وتطلع عن البيض لانها صارت بدجاج عندنا بس كلهم ماتو وموفق وينقل لـ قسم سؤال وجواب |
رد: دجاجتي راجنه في مكان مرتفع .. ابغى الحل !!!
الله يعطيكِ العافيه يـــامشرفتنا
رد كافي ووافي لاعدمناكِ |
رد: دجاجتي راجنه في مكان مرتفع .. ابغى الحل !!!
خليها كم يوم لين تحس انها مستحيل تترك البيض
وطبقها بقطعة قماش كبيرة وارفعها عن البيض وحطها في حضنك عشان لا تتفلت وبعدين شيل البيض وحطه في كرتون تكون مجهزه من قبل وحاط فيه شوية رمل واوراق شجر وبعدين حط الدجاجة على البيض وهي مغطيه لسه عشان لا تحس ان مكانها تبدل وشيل الكرتون وحطه في المكان اللي تريده وهي بتظل جالسه على البيض انشاء الله انا صارلي موقف مشابه تقريبا ولكن الدجاجة لم تجلس في مكان مرتف بل في مكان منخفض جدا في احد اركان الحضيرة وهطل المطر بغزراة فخفت ان يغرق البيض ويفسد والدجاجة كانت جالسه عليه كما حصل مع غيرها ثم قمت بتنفيذ هذه الطريقة والحمد لله نجحت ولم تقم الدجاجة عن بيضها وجربت هذه الطريقة مرتين مع دجاجتين مختلفتين والحمد لله في المرتين نجحت الطريقة ولم تهجر الدجاجة عشها وطلع لي كتاكيت اقمار ربي يحفظهم ويخليهم :o اتمنى لك التوفيق |
| جميع الأوقات بتوقيت GMT +3. الساعة الآن 05:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو