تساقط الشعر
 

اخواني انا عندي قطوه عمرها تقريبا فوق السنه
وشعرها وااايد يطيح يعني مو في منطقه معينه لا التساقط عام على الجسم كله
يعني اذا حطيته في غرفه تترسه شعر
بس بغيت اعرف شنو السبب؟ وشنو العلاج؟
والله يعطيكم الصحه والعافيه

رد: تساقط الشعر
 

1.في شامبو ضد تصاقط الشعر
2. روحي للبيطري لأن شن في أبرة فيتامين توقف تساقط الشعر

و انشاء الله يتوقف تساقط شعر قطتكي:) :p ;)

رد: تساقط الشعر
 

أهلين بالأخت ويست لايف...

هذا يحصل عاده في القطط...

ممكن انه يكون في بطن قطتكي دود

فتعطينها مضاد حيوي...(اذا ماكانت كبيرة وحامل فامتنعي عن المضادات)...

واما يكون فيها شوية براغيث فتستعملين معها الشامبو اللي قالت عليه الأخت توكا..:)

وإما إن كان التساقط ليس بغزير جداً فاستخدمي معها الفيتامينات من البيطري..:)

تحياتي لكِ...وأتمنى أن يتوقف تساقط شعر قطتك..;)

رد: تساقط الشعر
 

أمس وديتها وعطيتها ابرة الفيتامينات وانشالله ينفع معاها
بس عندي سؤال صغير
القطوه الي عندي ولدة قبل شهرين بس بغيت اعرف الحاله الي اتيي حق القطوه الي تطلب فيه الذكر اظن اسمه الشبق متى ابييلها؟ يعني القطوه كل كم شهر اييلها مره؟
وااااسف على الاطاله

رد: تساقط الشعر
 

تساقط الشعر ممكن يكون بسبب نوع الاكل
وعموما شي عادي تساقط الشعر لدى القطط

وفي بعد سبب انها اذا تاكل دراي فود(اكل جاف) ما تشرب مويه بشكل كافي وهذا يسبب تساقط شعر بشكل رهيب

وانشاء الله خير

وبالنسبه لحاله الشبق ممكن تجيها بعد شهر من الولاده وكل قطوه تختلف عن الثانيه

رد: تساقط الشعر
 

بالنسبة لقطوتي جاتها فترة الشبق بعد شهرين من ولادتها....

لأن عيالها كلهم ماتو وعلي عليها...

بس اذا القطة معها عيالها وترضعهم...ممكن تجيها فترة الشبق بعد ثلاث اشهر...

ويمكن أربع...

بس عاد بعد شهر يا قطقوطة تبين تذبحينها الله يهداج...:d

القطه تكون تعبانه الى مابعد الشهر وفي بعض القطط دلوعه

وحساسه...:p

ممكن ماتقوم الا بعد شهرين...

تحياتي لكم جميعاً..

رد: تساقط الشعر
 

اخوي حاول تكثر دراي فود و لا تعطيه سمك وايد مضر و يطيح الشعر

رد: تساقط الشعر
 

بالنسبه للابره الي تقول فيتامين
اتوقع انها لازم تاخذ ابرتيين ابره اللحين وابره بعد اسبوع اوسبوعيين
عشان تكون فعاله لان اغلب الاطباء يعطيك ابره ومايقولك عن الابره الثانيه.

رد: تساقط الشعر
 

الله يعينك

رد: تساقط الشعر
 

وأحيانا يكون العامل النفسي للقطه