بسم الله الرحمن الرحيم


الــســلامـ عـلــيــكــمـ و رحــمــة اللـهـ

اليوم طقت براسي فكرة خفيفة..:p

ألا وهي أن كل واحد منا يذكر سبب اختياره لحيوان القط لتربيته..:cool:

وكذلك يذكر سبب اختياره نوع القط..ان كان شيرازي..أو سيامي..أو بلدي..أو غيره..

وأنا حبدأ...سبب اختياري اني يوم كنت صغير>>بيذكر سيرته الذاتيه..:D

لقيت مجموعة قطط صغيرة بالشارع قدام بيت من بيوت حارتنا..

ما أدري كيف وصلوا هناك..جلست اطالعهم وانا أشفق عليهم..:(

فقامو بعض ربعي..كل واحد اختار له وحده بيوديها بيتهم..فما تم

في الأخير غير وحده لونها زيتي..:cool:..فقلت يللا نروح البيت..:p

أخذتها وكنت يومها ما أعرف شي عن أكلها الصحي..و وش اللي

لازم أسويه لها عشان تظل بصحه كويسه..فشربتها حليب بوني:eek:

وأخذناها أنا واخوي الكبير ورا الحوش..وقالي انه واحد من ربعه قال له

مرة>> مطول..:D..قال له عط القطط ماي وسكر وتشوفهم يتعودون عليك..

فأنا مثل ما قلت لكم ما أدري وش اللي كان صحي والغير صحي لها..:o

فبعد ماعطيناها شفناها تمشي ورانا..وانا بس شفتها تلحقني..خقيييت..:p

حبيت القطط بجنوووون..بعدها ونفس اليوم تقريبا..أخذها الوالد وأبعدها عني..

وأنا ماسكيني أهلي وبطول حلقي و صوتي أصايح..:p..لاااا جيبها تكفى..:(

ومن يومها وأنا حاط فبالي أجيب قطط..وقبل سنتين قدرت أجيب كم قطه..:cool:

بس صارت مشكله واحنا مسافرين..وقال ابوي لااااازم تصرفهم بأسرع وقت..:mad:

وصرفتهم...وقبل اسبوعين من الحين..قدرت اجيب ميلودي..وأقنعته فيها ورضى :p

كذلك من أسباب اختياري للقطط..أنهم مايحتاجون ترويض أو تدريب..:)

بخلاف الطيور..والهمسترات وغيرها اللي تحتاج وقت حتى تتعود عليك..:p


وألحين..النوع وسبب الاختيار:

نوعها شيرازي مون فيس..شعرها وسط نوعاً ما..واختياري لها أن القط اللي قبل سنتين

كان نفس نوعها..فلما بعته بوقت مبكر تحسفت عليه..:( .. ولما شفت ميلودي بالنت

معروضه للبيع..كنت اخترت قبلها هيمالايا..بعدها ما توفر المبلغ كامل..فاخترتها هي..

لأني شفت صاحبها عرضها فيديو علي وقلت له خلاص ابغاها..:)


وألحين نبغى تفاعلكم معنا..;)