منتديات تو زوو - انا حزينه

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - انا حزينه (http://www.2zoo.com/vb/showthread.php?t=10970)

انا حزينه

مرحبا شباب وصبايا

كيفكم ؟؟؟:(
بصراحه انا حزيييييييييييينه :( جد مره حزينه مضايقه

سيلفر احس انها صايره نحيفه مع اني ما اقصر معها بشي من ناحيه الاكل والفواكه واللعب والحمام منتظم وكل شي اوكي بس مو عارفه ليش صايره نحيفه انا لاحظت انها من يوم تركت السيريلاك نحفت واحس بالعظمه اللي بصدرها شوي بارزه هل هذا من كثر اللعب عشانها الله يحييها ماتوفر نفسها طول ماهي برى القفص تراكض وترقص واذا دخلتها عشان وقت الاكل برضو تاكل شوي عشان بسرعه تطلع وتكمل واذا سفهتها عشان تاكل تطلع رجلها من القفص عشان تكسر خاطري :(
ممكن تساعدوني بنظام غذائي متكامل لها وكيف اخليها تاكل هل اطلع من الغرفه عشان ماتشوفني ويمكن تاكل؟؟ هل اجيب لها فاتح شهيه ؟؟ واذا بغيت اجيب في نوع معين او اي نوع عادي؟؟ كثرت عليكم بس من جد متضايقه لدرجه اني ابكي وهي ما همها ترقص هي ووجهها :(

رد: انا حزينه

اختي اذا انتي حاسه انه نحفها بسبب مرضي انصحج تودينها الطبيب وتجيبينلها فيتامينات وبالصوره اللي انتي حاطها كأن منقارها عليه مثل خطوط وتقشر لونه أبيض؟؟ هذا نقص كالسيوم حسب علمي

اذا نحفها كان لانها تركت نوع من الطعام كان اهو مسممها انصحج تخلينها على راحتها مجرد انج تحطين جدامها الطعام الي تحتاجه وبس ماله داعي فاتح شهيه وهالشغلات مادام هذي طبيعه جسمها وهذا رأي شخصي انشاءالله الخبراء يفيدونج:)

رد: انا حزينه

اضم كلامي للأخت الفاضلة فطوم...:)

رد: انا حزينه

اختي نصيحتي لك انك تحاولين تخلينها تقلل لعب شوي
لانه اللعب برا القفص والرقص وكل هالاشياء بالنسبه للببغاوات زي الرياضه
فحاولي تقللين شوي بس مو كثير لانك لو حبستيها في القفص كذا فجأه
اكثر من العاده بكثير ممكن يصير معها اكتئاب وتبدا تنتف ريشها :(
وبالنسبه للسرلاك
انا عندي سؤال واحد هل يحتوي على الحليب؟<<<<تراه ما عمره جرب سرلاك اعذروه:D
اذا ماكان يحتوي على الحليب فعطيها ليش تقطعينها عنه:o
واذا رجعتي وعطيتها سرلاك وماصار اي تحسن زي ماقلتلك حاولي تقلليلن وقت اللعب
واذا ما كنتي تحطين لها فيتامين في المويه روحي واشتري فيتامين وحطيلها
فيه نوع يحتوي على كللل الفيتامينات حطيلها منه في المويه(التوجيهات على العلبه)
وان شاء الله ما يصير الا الخير:D
و بالنسبه لـ

اقتباس:

كثرت عليكم بس من جد متضايقه لدرجه اني ابكي وهي ما همها ترقص هي ووجهها :(

يمكنها شايفتك حزينه مو زي العاده وتبي تفرحك لانه الببغاوات يحسون ويعرفون
اذا صاحبهم حزين او تعبان
فحاولي انك تكونين ايجابيه عندها عشان لا تحزنيها معاك :)
واتمنى اني اكون ساعدتك:)

رد: انا حزينه

ألتزم

الصمت وبشددددددددددددددددددة
:d

رد: انا حزينه

هلا اخوي انا وسمسم يعطيك العافيه بالنسبه اخوي للفيتامين انا اعطيها فيتامين مع المويه زي ما قلت وبالنسبه للسيريلاك هي اللي صارت ما تبيه وترفضه ولا يحتوي على الحليب زمان اول ما جبتها كان سيريلاكها في حليب بس بعد ماقلتوا ان الحليب مو كويس:eek: على طول غيرته وكان الوضع اوكي:) بس الحين صارت ما تبيه :( وشغله ثانيه اذا ما دخلتها القفص برضو تلعب واذا دخلتها انهبلت وصارت زي القرده:eek: تنطنط وتتعلق بالمقلوب وتصرخ صراخ انا متاكده انه في يوم بيطلعون علي اهل الارض بسم الله علينا وبيقولون لي يا تسكتينها يا بنشوف شغلنا معك ههههه:D
وبحاول اني ما ابكي قدامها لانه من جد بعض الاحيان اذا كنت ضايقه تجي وكانها تضمني :(

مشطوره اختي فطوم وباقي الاخوه على المرور خاصة اللي يلتزمون الصمت:rolleyes:

رد: انا حزينه

مسكينه والله
ان شاءالله ماعليها شر
ترد مثل الاول واحسن;)
وماقصروا الاعضاء افادوج:)

رد: انا حزينه

يا حبيبتي انتي يا نيروز.. ووالله قلبي عورني عليج.. وليش تبكين كل شي له حل.. وها انتي لجأتي لأصدقائج في المنتدى واكيد محد بيقصر فيج..

شوفي عزيزتي.. الطيور تحب اللعب والمرح فلا تحرمينها من هالشي.. وبالذات اذا معودتنها على الخروج برا القفص.. خلج عاديه وياها.. واهتمي بتغذيتها..

شوفي الطيور تحتاج إلى البروتينات.. البروتينات الحيوانيه تجدينها في البيض.. والنباتيه في حبوب مثل حبوب عباد ا لشمس.. والحلبه الجافه النظيفه الخاليه من الشوائب.. وفي في محلات الطيور بوكسات كبيره وهي عباره عن غذاء متكامل للطيور.. جربيه لها..

وتحتاج طبعا للدهون.. وهذا موجود في الفول السوداني.. والاملاح المعدنيه الموجوده في الخس والكرافس والسبانخ والجزر.. وطبعا الفيتامينات التي توجد في الفاكهه مهمه جدا..

اهم شي يا عزيزتي انج اذا بغيتي تبعدين عن الطير شي معين من الاكل وتبدأين تعودينه على أكل آخر انج ما تحرمينه مره وحده من الشي اللي يحبه ويكون بالتدريج.. يعني قليلي الكميات شوي شوي وبنفس الوقت عطيه الاكل الجديد.. ومع مرور الوقت راح يتعود بإذن الله..

وطبعا لا تنسين اهم شي الفيتامينات اللي تضعينها في الماء والكالسيوم مهم جدا.. واذا بغيتي فاتح شهيه فالعسل الاسود الطبيعي احسن من المواد الكيماويه ضعيه في إناء الماء..

واذا طير كان نشيط وياكل عادي صدقيني فهو بخير وما فيه شي.. واذا لاحظتي عليه الخمول والكسل او لاحظتي عليه اي شي غريب اخذيه على طوول للبيطري.. وما عليه شر ان شاء الله..

اتمنى اني اكون قد افدتج حبيبتي.. ولا تحزنين الانه كل شي له حل في هالدنيا..

واي سأل ترانا حاضرين..

أختج/ توتي

رد: انا حزينه

الاخت توتي كفت ووفت:)

رد: انا حزينه

اقتباس:

المشاركة الأصلية كتبت بواسطة انا و سمسم

عجبني كلام انا وسمسم خاصة الكلام الأخير
معليش اختي نيروز اذا كان هناك اسهال افضل سرعة مراجعة البيطري
سوأل هل سلفر في غرفه مكيفه
هل تتناول الفول السوداني
هل تشمسيها