|
يناااااااااس الحقو درويش قبل لا يموت
:o
السلام عليكم ورحمة الله وبركاته اخواني خبراء هذا المنتدى الغالي الحقو علي قبل لا درويش يموت واموت قهر على الطير المعجزة بعد ما طيري كتكوت طار زعلت مرة علية وما قدرة اجلس بدون كاسكو في البيت ورحة السوق اشتريت بدال الطير طيرين بس فرووخ واحد عيون سود والثاني عيون رمادي الاولى سميتها سلوى و الذكر العيون الرمادي سميته درويش ... سلوى ماتت بعد شهر من شرائها فجئه صارت ما تاكل واعطيتها كبسولات مضاد حيوي وكبسولا فيتامينات وصرت ااكلها بالغصب على شان تقاوم للمرض ولاكن للاسف بدون اي نتيجه وديتها البيطري واعطاها ابره مضاد حيوي في العضل ولاكن قالي الدكتور لا تحاول الطير منتهي والامتناع عن الاكل هي اخر مراحل المرض الله يعوض عليك ولاكن حاولت اني اعالج فيها بس بدون اي فايده ماتت سلوى ... و قلت انا لله وانا اليه راجعون الله يعوضني خير والان جاء الدور على درويش اليوم اليوم الثالث والطير ما حط في فمه اي لقمة وضعف وسيف الدكتور اعطى امس ابرة واليوم ابرة مضاد بس الطير ماهو راضي يقبل الاكل بشكل نهائي والله ما ني عارف ايش اسوي معا اغصبه على الاكل اخاف الشي هذا يضرو تكفون النصيحه من الوجه الطيبة الله لا يحرمنا منكم |
رد: يناااااااااس الحقو درويش قبل لا يموت
هلا بالغالي ..
النصيحه يالغالي حاول بقد ماتقدر تهتم فيه .. عطه فيتامينات .. فواكه .. ذره مسلوقه .. اذا ما اكــل فلا تغصبه ولا توديه للبيطري مره ثاني لانه واضح انه غبي يعطي طيرك ابرتين في يومين .. واذ1 مآت يالغالي فالغلط منك واسمحلي على هالكلمه . :( .. لانه ماهتميت فيه من البدايه ولانك المفروض يالغالي في بدآيت تربيتك للبغبغاوات تشتري كبير ( لون عينه ابيض او اصفر ) ثم ولفه .... الخ .... انا قد مات من عندي وآحد لاكن الصبر ولا نقدر نقول الا ( انا لله وانا اليه راجعون ) فأنت يالغلاا عليك بالفيتامنيات ولعبه شوي .. حآول بقدر ماتقدر انه يستانس وتخليه يستكشف وتلعبه بس علا خفيف شرط انك ماتهلكه .. لان الحركه تحرك الدم , , , , يآلــيـت تتقــــبل كلآمــــــي .. أخوك .. نيووووووتن |
رد: يناااااااااس الحقو درويش قبل لا يموت
وعليكم السلام
الصراحه يالغالي رحمتك جدا |
رد: يناااااااااس الحقو درويش قبل لا يموت
السلام عليكم ورحمة الله وبركاته
أخوي الله يعوضك في الطير اللي مات,,, ويكون في عونك في الطير هذا ويشفيه رب العالمين,,, حالته صعبة جداً,,, وودي أطمنك وأريح بالك,, لكن ما أقول إلا ثقتنا بالله عز وجل أكبر من أي معرفة وتجربه,,, أول شي حاول تنقل الطير لمكان ثاني غير قفصه,,, وترمي قفصه في الشمس طول ال3 الأيام الجاية بكل محتوياته,,, انقل الببغاء لقفص ثاني معققم أو نظيف جداً,,, أو حتى كرتون إذا ما عندك قفص,,, خذ كرتون كبير وحطه فيه وحطله حجر كبير يجلس عليه أو اخرم له مكان للخشبة الجديدة اللي بيجلس عليها,,, واطحن حب بركة, واخطله بالعسل والماء,, ربع ملعقة عسل,, في الكوب,, وحوالي 40 حبة من حبات البركة,,, حاول تعطيه بالإبرة هذا المخلوط,, وكمان في صحن الموية,,, وربي يشفيه ويطمنك عنه,,, لا تنسى تقول قبل ما تسوي أي شيء : اللهم لا سهل إلا ما جعلته سهلاً,, إنك تجعل الحزن إن شئت سهلاً. ولا حول ولا قوة إلا بالله, إنا لله وإنا إليه راجعون,, تحياتي |
رد: يناااااااااس الحقو درويش قبل لا يموت
اقتباس:
وازيد على كلام اخوي سكر ياليت لو تقرا عليه وتحط له مويه مقري فيها ان شاء الله راح يطيب والله يشفيه ويعافيه يااارب |
رد: يناااااااااس الحقو درويش قبل لا يموت
ايه الفرخ للاسف يموتوا كثير حالات
وطيري كان نفس الشي امتنع عن الاكل وبراز ماي وسكر عيونه واتحرك ومات ووديته البيطري قبل مايتعب للاخر ضربوه اباري مات بعدها بربع ساعه |
رد: يناااااااااس الحقو درويش قبل لا يموت
سلامات والله يابو درويش ، شف وانا ابو حسين عطه محلول مره حتى وهو جيعان المره طيبه مع العسل وحبه البركه ، والطير ما له قدره على الأكل زغطه وانا اخوك من المره والعسل والبركه وراقب عيونه ان فتحها زين ما عليه الا العافيه ، والنظافه اليوميه من برازه ، وفاله العافيه ان شاء الله |
رد: يناااااااااس الحقو درويش قبل لا يموت
اشكر جميع الاعضاء الي ردو على موضوعي
بس السؤال هل الشمس طيبة للطير يعني ما تضره انشاء الله لاني مرة خرجته في الشمس والطير فاتح فمه كأنه عطشان وينهج وعنده صعوبه في التنفس والسؤال الثاني اعطيه الاكل في ابره وازغطه في فمه عادي هذا ما يضره ؟ تحياتي للجميع وربي ما يجيب لكم مكروه ويشفي طيوركم من الامراض الخبيثه |
رد: يناااااااااس الحقو درويش قبل لا يموت
اخوي اطحن فص ثوم وعطه اياه بالابره غصب عنه وان شاء الله يطيب عطه اياه يوميا لعل وعسى يجيب نتيجه
لان واحد من الشباب صار طيره تعبان وعلى وشك انه يودع لكن الحمد لله عطاه ثوم وشوي شوي تحسن حالته وانت جرب والعوض على الله |
رد: يناااااااااس الحقو درويش قبل لا يموت
الله يعوضك في اللي ماااااات ويشفي المريض
انا من وجهة نظري تتبع كلام الاخ سكر لان له خبره طويله في تربية الطيور وتقبل مروري |
| جميع الأوقات بتوقيت GMT +3. الساعة الآن 08:51 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو