|
الله يسعد من يجاوبني بصراحه
اخواني اعضاء تو زوو ابغى اعرف بالضبط اسعار الفروخ بشكل عام محجله والا مو محجله كم اسعارها الأصليه مو اسعارها الخياليه :o
|
رد: الله يسعد من يجاوبني بصراحه
نسيت اقولكم اني اسأل عن فروخ الكاسكو ^_^
|
رد: الله يسعد من يجاوبني بصراحه
اسعار الفروخ تختلف من محل لمحل ومن سوق لسوق على حسب العرض والطلب وهذا اللي انتي تسمينة الأسعار الخيالية الله يعين الفروخ اللي مو محجلة وانتاج بلدي تبتدي من 2500 ريال إلى 2850 ريال والفروخ المصيودة اللي مو محجلة تبتدي من 1200 ريال إلى 1700 ريال على حسب العمر كل ماكان صغير كل ما ارتفع السعر والفروخ المحجلة واللتي يطلق عليها الهولندي من 1700 ريال إلى 2500 ريال ملاحظة هذي الأسعار عندنا بالسعودية اما سعرها الأصلي يتم شرائها من قبل التجار بمبلغ زهيييييييد جداً والفروخ الهولندية الأصلية وتكون معها شهادات موثقة من مزارع رسمية لأنتاج الطيور اسعارها تفوق ال 1000 دولار للفرخ الكاسيكو الواحد |
رد: الله يسعد من يجاوبني بصراحه
هلا اخوي
اسعار فروخ الكاسكو الغير محجله غير اليف 800 الأليفه 1300 ريال المحجله 1800 -2500 فوق كذا لا تشتري هذه الأسعار بالنسبه لجده ونشوف باقي الاعضاء |
رد: الله يسعد من يجاوبني بصراحه
الله يوفقك أفيدك بأسعار الكويت حاضر الرياض !!!!! أنشاء الله الأعضاء يفيدونك وأن كنت أول مره تشتري كاسكو ودي معاك أحد عنده خبره عشان يختار لك وبالتوفيق |
رد: الله يسعد من يجاوبني بصراحه
الأسعار اختي بالرياض لفيت أسواق الرياض كلها ..
سوق الحمام أسعار الفروخ المصيودة من 800 الى 1300 على حسب تدريبها لكن ماتتكلم . والمحجله تبدا من 1600 الى 2300 او 2400 بهالحدود . هذي اسعار سوق الحمام .. طبعا اسعار المحلات غالية |
رد: الله يسعد من يجاوبني بصراحه
اقتباس:
فماراح تستفيدين شي لأن إللي يحكمك الســـــــــــــــــــــــــوق وبالنسبة للمصيود مثل ما قال أخوي ( مطلوب أفريقي ) وإنتاج المزارع في البحرين يباع بــ 1400 وبالشرقية يوصل للــ 1800 وعندنا بالرياض يبدأ من 2000 إلى 2400 على حسب حجم الطير ونظافته والإنتاج المحلي بين 2400 و 2850 بالتوفيق يا رب |
رد: الله يسعد من يجاوبني بصراحه
مشكوورين ماقصرتوا الف الف الف شكر
|
رد: الله يسعد من يجاوبني بصراحه
سوق الحمام بالرياض
فروخ كاسكو افريقي مصيود غير محجل من 650 ريال الى 1500 ريال على واعمارهم فوق الثمانيه شهور ويختلف على حسب ترويض الطير وطلوعه على اليد وكلامه اما المحجل من 1300 ريال وما فوق على حسب حجم الطير وما سبق قلناه |
رد: الله يسعد من يجاوبني بصراحه
اقتباس:
وييييييييييييييييين 1300 أرخص شي شفته محجل 1600 وكان كبير وشكله موب كويس يعني ملعوب فيه وغير كذا وش الي 650 الا اذا كنت تتكلم عن التمنة ..!؟ انا اشتريت كاسكو حقي من سوق الحمام جامبو ماشالله عليه بس جامبو جامبو الله لا يظره ما يجعر بس مو أليف بـ 850 تقريباً .. عمره 8 او 9 شهور . << يوم الثلاثاء الي طاف قول لنا اخوي وين شايف الأسعار فيه |
| جميع الأوقات بتوقيت GMT +3. الساعة الآن 03:36 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو