|
كنيور ... متورط بقوه
السلام عليكم ورحمه الله وبركاته اعزائي واحبائي الله يمسيكم بالخير انا يا جماعه الخير متورط لي يومين اشتريت اول امس جوز كنيور الي لونه اصفر واطراف الذيل تبعه اخظر بس ماهم صغار فـ السن هذولا كبار لكن المشكله كل ما اقرب من القفص يصيحون ويزعقون بشكل جنوني امس رحت اشتريت قفازات حقت العمال ولكن كل ما ادخل ايدي عندهم فـ القفص احسهم بياكلوني من الرجه الي يسوونها ومشكلتي اخاف يعضوني وانا لابس القفاز فـ احاول اخلي اطراف القفاز يعضونها وايدي شوي بعيده عن مكان الاصابع حاولت احسحس على راس واحد منهم ما خلولي فرصه وانا وربي تعبت لاني ما اشتريتها إلا عشان اربيها والعب معها واخليها تاكل من ايدي ولا تعضني لكن شكلها ما يطمن انها بتسايرني بشي تكفون ابي مساعدتكم لاني قريت مواضيع الين طلعت عيوني لتربيه الكنيور ولكن دون جدوى ما اقدر امسك الطير ابد وهو بها الحال اخوكم بحاجتكم لانه يا انا يا هم << خخخخخخ دمتم بحفظ الرحمن اخوكم كنيور اصفر |
رد: كنيور ... متورط بقوه
لسه بدري عشان تلعب معهم ^^
يبيلهم اقل شي ابوعين اصبرررررر |
رد: كنيور ... متورط بقوه
لسا لازم يتعودون على البيئة الجديدة الي عايشين فيها
|
رد: كنيور ... متورط بقوه
مراحب أخوي أنت محتاج وقت علشان يتعودون على البيئه الجديده وعليك
لكن أذا كانو جوز لو والفك واحد بيخرب عليه الثاني لو كنت شاري واحد أفضل بكثير وتدريبه أسهل الجوز دائماً للأنتاج ونادرً مايوالفونك كلهم .. . |
رد: كنيور ... متورط بقوه
الله يعطيككم العافيه على تفاعلكم وردكم على العين والراس
يعني وش تنصحوني فيه وش اسوي معهم والله ابي حل معهم ما اقدر امسكهم ابد منقارهم قوي واتمنى تفيدوني يا جماعه الخير ولكم مني خالص الشكر والتقدير |
رد: كنيور ... متورط بقوه
تكفون ابغى حل اليوم مسكته بعد ما شجعت نفسي 500 مره ههههههههه مسكته وقعدت احك راسه وانا لابس القفازات وقسم بالله عضه قوي مره لكن ما فيه دم فـ وش تنصحوني اسوي معاه |
رد: كنيور ... متورط بقوه
للرفع
|
رد: كنيور ... متورط بقوه
اخوي أنت تقول وز صح
ليه ما تخليهم يفرخو وخذ فرخهم الصغنون وربي والعب فيه على كيفك وبعدين طبيعي أن الأجواز تكون متوحشه علشان تنتج |
رد: كنيور ... متورط بقوه
يا جماعه الصراحه ما حد اعطاني رد على نفس الموضوع
تراني حايس والله الحين فرزت الجوز وخليت كل واحد بقفص وبعيدين عن بعض ولكن كل ما البس القفاز يخاف الببغاء والمشكله عضه قوي وش الحل عشان ادربه واخليه ما يعض تكفون حل حل حل ابي حل |
رد: كنيور ... متورط بقوه
انت وش فيك مخروش وانا اخوك
اذا ماتبي تصبر بيعهم واشتر لك واحد أليف وانتهينا ..! الترويض يبيله صبر عندي الكاسكو جلست شهر أروضه اصبر وش الي تبي كل شي يجيك بالطاير حتى الردود مستعجل عليها ..!؟ |
| جميع الأوقات بتوقيت GMT +3. الساعة الآن 04:23 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو