|
اشتـريت كـَـاسكو ؟!!!
السلام عليكم و رحمة الله و بركـاته صبحكم الله بالخيـر اخواني .. الصراحه انا من يومين خذت كاسكو .. عمرها شهرين .. و طبعا ماتتكلم ابدا .. ابغي اعرف كل شي عنها من الالف الين الياء كيف اتعامل وياها و كيف اطعمها و كيف ادربها على الكلام .. و ابغي اعرف متى تقدر تتكلم .. و كل شي تحتاجه فـ تربيتها .. بعرض لكم صورها ... http://www.viafy.com/uploads/4bb2d69ebc.jpg http://www.viafy.com/uploads/82b7c8c3b1.jpg http://www.viafy.com/uploads/058213c6a4.jpg انتظركم :) .. |
رد: اشتـريت كـَـاسكو ؟!!!
مبروك الطير اخي , عمر شهرين غير مفطوم اكيد وهل لديك الاكل الخاص بة , وماذا تطعمة من يومين ؟
|
رد: اشتـريت كـَـاسكو ؟!!!
اخوي هذ1 فرخ محجل ..؟ الله يبارك لك فيه ...>>لكن الفرخ يبيله عناية تامة من غذآء ووآنت الي بتآكله بيدك طبعا لانه مايعَرف يآكل بنفسٌه ..ولاتنسى ان الجو هالايآم حآر جَدا يعَني لآزم يكون الجَو معتدل لاحار مرة ولا بارد ..وبالنسبة للكلام بدري اخي ههههه توه صَغير وبيتربى على ايدك ان شاءالله وبالتووفيق |
رد: اشتـريت كـَـاسكو ؟!!!
عليك بالعافيه .. ثم عليك بالعافيه .. ثم عليك بالعافيه .. والله انك اخذت كاسكو من الالوان النادره ..
ماشاءالله تبارك الرحمن ... لونه نادر هذا الكاسكو ... يكون مرشرش بلون البرتقالي أو البني ... الله يحفظه لك ويخليه لك ان شاءالله .. انا عندي مثله بالضبط لكن اكبر منه بالعمر ... بالنسبه للكلام يا اخي ... توه صغير لكن تقدر الحين تستغل الفرصه تعلمه ان يركب عى ايدك وتمسح على رأسه وتشيله من ظهره وتخليه لعوب .. وطائرك محجل يعني اليف وهو من اول ما طلع على هذي الدنيا متربي بايد الانسان .. لكن انتبه عليه يا اخوي ولا تعوده على الحب الشمسي (دوار الشمس) لأن في نسبه دهون وعوده على الفواكه والاكل اللي فيه فيتامينات وبروتينات تقوي الكاسكو ... طبعا الحين ياكل من ايدك واعتقد ياكل من ابره يكون داخلها اكل خاص للفروخ .. يا اخي الكريم .. في مواضيع كثيره مثبته وغير مثبته تقدر تدخل عليها وبتفيدك :) واذا في أي شيء ما فهمته من المواضيع أو ان في سؤال مو موجود بالمواضيع المثبته والغير مثبته .. احنا بالخدمه وباقي الاعضاء ماراح يقصرون معاك يا اخوي :)) .. انتبه هالايام في فايروس للكواسكو الفروخ (عسى الله يبعد عنه هذا الفايروس ويحميه لك ويحفظه لك من كل الامراض) .. انتبه عليه واحفظه بعيد عن البروده الزايده والحراره الزايده ودائما خل القفص ماله نظيف والعب معاه وامسح عليه ولاتخليه بروحه وقت طويل ..:)) بس مثل ما قلت لك الكاسكو لونه ماشاءالله رووعه تبارك الرحمن ... حافظ عليه واهتم فيه .. :) والله يوفقك :)) |
رد: اشتـريت كـَـاسكو ؟!!!
ما شاء الله مبروك الطير بالبداية قبل الكلام خله يتغذى زين وفيه أكل خاص بفروخ الببغاوات تحصله بمحلات الطيور وعندكم بالإمارات متوفرة منتجات شركة ( كايتي ) عبارة عن سيرلاك مخصص للفروخ وأحرص على تنظيف أداوات الإطعام بعد كل وجبة وبعد ( ما يرم عظمه على قولة إخوانا المصريين ) :D أبدأ أعطيه مضاد شامل لمدة لا تقل 5 أيام وخله يريح أسبوعين وأعطيه طارد الديدان وبالنسبة للكلام بدري عليه ولا تفكر بالكلام إلا بعد الشهر السادس أو الثامن بإذن الله والآن خل إهتمامك هو التغذية والرعاية الصحيحه وأبعده عن التيارات الهوائية المباشرة ولاحظ أي تغير على الطير على غير عادته اقتباس:
ماني شايف اللون البرتقالي أو البني إللي تقول عليه |
رد: اشتـريت كـَـاسكو ؟!!!
حلو بس حافظ عليه
عقدونا بالمنتدى الفرخ مناعته ضعيفه ويموت بسرعه من اي مرض ولا عدم اهتمام اهتم فيه والاخوه الخبراء لهم مواضيع كثيره بالاهتمام به بس حافظ عليه اهم شي ومبروكين |
رد: اشتـريت كـَـاسكو ؟!!!
حب استطلاع انا اعمى مثلك ماشفت شي هههههههههه
مبروك الطير والفرخ يبغى عنايه قويه له والحين مناعته ضعيفه بسرعه يموت لكن اذا اهتميت فيه ان شاء الله ماراح يجيه شي واهنيك على الكميرا ^_^ |
رد: اشتـريت كـَـاسكو ؟!!!
اقتباس:
بالنسبه للاكل اعطيه سريلاك على كلام الريال الي خذته منه 30 ملي الصبح و ثلاثين المسا |
رد: اشتـريت كـَـاسكو ؟!!!
اقتباس:
بالنسبه للعنايه انا معتني فيها و الحمد الله لانه كنت متغربل بعنايه فروخ الدره و انا حاطنه في البيت بعيد عن المكيف |
رد: اشتـريت كـَـاسكو ؟!!!
اقتباس:
والله يبعد الفايرس عنا و عنك |
| جميع الأوقات بتوقيت GMT +3. الساعة الآن 07:16 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو