ساعدوني اريدان اشتري ببغاء
 

السلام عليكم

ومرررحيا

اريدان اشتري ببغاء ومني عارف ايه اشتري

اريده رخيص الثمن

وليس شرط يكون يتكلم

ارجوكم لاتبخله عليه بالمساعده


سلا

رد: ساعدوني اريدان اشتري ببغاء
 

هلا بج اختي.. افااا بس في هالمنتدى الطيب والناس الطيبه ما بتلاقين حد يبخل عليج بشي..
في نظري طائر الدرة المطوقه مناسب لطلبج.. رخيص في السعر ويتكلم لكن نصيحتي انج تاخذينه وتربينه وهو فرخ الانه عضاض من الطراز الاول.. وراح تستمتعين بتربيته.. وقبل لا تاخذينه وهو فرخ لازم تعرفين طرق العنايه به جيدا الانه الفروخ عادتا تموووت.. وتراه الدره انواع.. وكلهم حلوين..

وعندج بعد الكوكاتيل تربيته حلوه وطير لطيف وصغير وحبوب..

ولج الاختيار..

واي استفسار احنا حاضرين..

تحياتي/توتي

رد: ساعدوني اريدان اشتري ببغاء
 

اختي فيه عندك مثل ما قالت اختي توتي

الدره المطوقة الهنديه فيه منها الوان واكثرها انتشار الاخضر واقولك نفس كلام اختي توتي حاولي تشترين واحد صغير لانه من جد عضاض وانا مجرب عضته اكثر من مره لاني ربيت جوز وحشي مصيود من الغابه ويدي راحت فيها

وعندك الكوكتيل (الكروان) بس اذا كنتي راح تاخذين هالنوع فلازم تاخذين ذكر لان الانثى مستحيل تتكلم وحتى تصفر بس تصير تقدر تصفر صفيرتين او ثلاثه وتكون خفيفه وقصيرة

وفيه عندك البادجي وهو من النوع الي يتكلم وسعره رخيص وفيه الوان كثير واشهرها الاخضر والازرق وهذا النوع حجمه صغير وفي منه فصائل الانجليزي وهو اكبرها في الحجم وبعد الهولندي وهو المتوسط والعادي(الاسترالي)وهو اصغرها حجما

وفيه عندك الكواكر طير حلو ونشيط ويتكلم وفيه عدة الوان اكثرها انتشار الاخضر وسعره الصراحه انا ما اعرفه لان ما سبق وسالت عنه


اسف على الاطاله واتمنى اني اكون قدرت افيدك
وشكرا

رد: ساعدوني اريدان اشتري ببغاء
 

عندك كثير انواع

1.الكروان(الكوكتيل)

2.الدرة

3.اللوري وهو الافضل برأيي

4.الببغاء الغيني

هذي الببغانات اللي سعرها كويس

وفي عندك الكوكاتو مرح جدا واجتماعي والرمادي الفريقي يتكلم بطلاقة والامازون ايضا مرح وجميل

الالوان والمكاو من احسن انواع الببغانات

طبعا هذولي اسعارهم مرتفعة شوي بس طبعا احسن انواع الببغانات

واسف اذا طولت عليك

رد: ساعدوني اريدان اشتري ببغاء
 

مرررحبا

اولا انااخوكم وليسه اختكم يعني ولدبس ماعلينا

طيب ليه ماتقولولي سعره ممكن اريدارخص نوع عشان انامبتدئ

سلام

رد: ساعدوني اريدان اشتري ببغاء
 

طيب اولا اسف اخوي بس انا قلت لك اختي بناء على الرد الي قبلي


وبعدين يا ليت لو تقول انت من وين عشان نقدر نعطيك الاسعار

رد: ساعدوني اريدان اشتري ببغاء
 

مرررحبا

ماعليك انااصلامازعلت ابدا
وانامن مكه المكرمه

سلام

رد: ساعدوني اريدان اشتري ببغاء
 

الحمدلله انك ما زعلت

اخوي

بالنسبه للدره 150 الى 250ريال

والكوكتيل 100 الى 150ريال

والبادجي الانجليزي 100 الى 150ريال الهولندي ما اعرف لاني ما سبق وشفته عندنا الاسترالي 35 الى 50ريال

الكواكر مادري لان ما سبق وسالت عنه


واي شي ثاني انا حاضر

رد: ساعدوني اريدان اشتري ببغاء
 

مرررحبا

اشكرك اخي على المساعدة
لاكن باقي اخرطلب وهواصور للبادجي والكوكتيل

سلام

رد: ساعدوني اريدان اشتري ببغاء
 

انت تامر

وهذي صور للكوكتيل وطبعا فيه انواع كثيرة بس هذي بعض الصور

[IMG]http://www.9q9q.org/index.php?image=xGMmNkkNIB94[/IMG]

[IMG]http://www.9q9q.org/index.php?image=etzgHelOJA82[/IMG]

[IMG]http://www.9q9q.org/index.php?image=VfljKhxVv9B8[/IMG]

[IMG]http://www.9q9q.org/index.php?image=YiosTqZyXAda[/IMG]


وهذي صور للبادجي الاسترالي بس الانجليزي والهولندي ما عندي هم نفس الشكل بس بقع الرقبه اكبر والحجم اكبر

[IMG]http://www.9q9q.org/index.php?image=CRXoPmrPp42y[/IMG]

[IMG]http://www.9q9q.org/index.php?image=P8frSpTsRxWS[/IMG]

[IMG]http://www.9q9q.org/index.php?image=yHNcDaBA9pOo[/IMG]

[IMG]http://www.9q9q.org/index.php?image=L0blMjA97CCB[/IMG]


اتمنى اني افتدتك واي شي ثاني انا حاضر

وشكرا