|
قطتى الجديدة .... محتاجه مساعدتكو بسرعه
السلام عليكم نفسى تردو عليا بسرعه لانى قلقانه شويه الحكايه كلها ان خالى عارف انى بحب القطط واحد صحبه عنده قطه صغيرة ومش عايزها لانهم مش فاضيين جابهالى قطه صغيرة مون فيس عندها حوالى 3 شهور او 3 ونص شقيه فوق ما تتخيلو بتلعب مع اى حاجة حتى لو ورقه واقعه فالارض وخدت علينا بسرعه جداااااا المشكله انها عيانه شويه عندها ضعف عام واضح عليها لانها رفيعه اوى وشعرها خفيف واغلبه قصير رعم انها المفروض شيرازى يعنى شعرها اللى حوالين راسها تقيل وفضهرها خفيف وعند ديلها تقيل خالى مش فهم من صاحبها بالظبط هى فيها ايه بس هما كاتبينلى ورقه مكتوب فيها دوا الديدان مرتين لمده 3 اسابيع كل يومين دوا الترجيع عند اللازم الفيتامين كل يوم مرة الصبح ومرة بليل بتاكل بطاطس وجزر مسلوق وبيض دة كل اللى مكتوب فالورقه بالظبط يعنى واضح انها واخدة على اكل البيت وواضح ان عندها ديدان واوقات بترجع وفى معاها ادويه ودى اللى عايزة اسألكو عليها دوا مكتوب عليه انثيل فيت وهو شراب .... دة بتاع ايه ؟؟؟ واديهولها ازاى وامتى وواحد تانى شراب برده كالفيتال كالسيوم .... دة اديهولها ازاى وامتى ؟؟ وواحد تالت بريمبران دة نقط ( زى القطارة كدة ) برده بتاع ايه ؟؟ واديهولها امتى وازاى ؟؟ والفيتامين عرفته لانه لقيته زى البودرة كدة وهما خالطينه على اكلها انا مش معايا رقم اصحابها للاسف وخالى هيجيبلى رقمهم بعد بكرة وانا عايزة اطمن من دلوقت ومش عايزه اديها حاجة وانا مش فاهمه دى كل الحكايه بالتفصيل عايزة رأيكو يا ريت تساعدونى بسرعه بليز |
رد: قطتى الجديدة .... محتاجه مساعدتكو بسرعه
معليش أختي مأقدر أقولك شئ..قبل لا تروحين للبيطري يفحص وتقولين له كل الي فيها وهو بيخصصلك الأدويه الازمه..
تقبلي مروري.. |
رد: قطتى الجديدة .... محتاجه مساعدتكو بسرعه
شكرا ليك mr.d7d7
بس صاحبها فعلا كان موديها عند بيطرى وهو اللى اداها الادويه دى كل الحكايه انى مش عارفه استخدمها ازاى وهو دة سؤالى |
| جميع الأوقات بتوقيت GMT +3. الساعة الآن 04:03 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو