|
طالبنكم يا هل الفزعه
السلام عليكم و رحمة الله و بركاته ..
اخواني و اخواتي الاعضاء اتمنى منكم الاجابه على اسألتي لاني بأمس الحاجه إلى خبرتكم في مجال تربية الارانب ... عندي ارانب تربيه حق اكل و مخليهم في المزرعه .. و عندي زوج ارانب زينه يعني المشعرات :D المجموعه للي في المزراعه 4 اناثي و ذكرين . و في وحده حامل ..و حاطهم في قفص كبير يقدرون يركظون فيه .. هل اقوم بأبعاد الانثى الحامل عن المجموعه ولالا ؟؟ لني خايف تتعب و هذي اول مره اربي فيها ارنب ... سؤالي الثاني :كيف اعتني في الارنب الحامل و اوفر لها سبل الراحه .. السؤال الثالث: الارانب الزينه اللي عندي في البيت انا حاهم بجانب الغرفه حتا يكون الجو مش بارد زين لهم .. و هم في قفص مناسب للاثنين مش كبير و لا صغير .. وانا لاحظة تحصل بينهم عمليت التلقيح ((اكثر من مره)) .. و انا خايف على الانثى لا تتعب لنه الذكر ما شاء الله عليهم مب مخليها في حالها .. فا هل اقوم بفصله عنها ؟؟ اذا فصلته ما بيأثر هل شي على نفسيته ما بيحس بالوحده ؟؟ انتو عارفين جو البيت صوت التلفاز صوت الباب و ازعاج الاطفال .. هل يؤاثر في الحمل ؟ السؤال الاخيــــــــــر:انا وظعت لهم القش حتا لا تخرج رائحة الاوساخ من القفص و لكن ما شاء الله عليهم احط لهم الحبوب و انواع الفواكه و الخظار ولكن يكلون الارظيه (القش) هل احط لهم تراب و هل اظع تراب البر او البحر .. حطيت ورق الصحف ولاكن كانت الانثى تأكل منه فا خفت لا يحصل لها شي ... السموحه منكم اخواني و بنتظار الاجلبه ......:rolleyes: |
رد: طالبنكم يا هل الفزعه
ملاحظ اكتشفة انه الارنوبه ما كانت تاكل القش كانت تجمعه و تحطه فالبيت
هل هيه تجهزه حق الولاده ؟ و لا هذا عادي |
رد: طالبنكم يا هل الفزعه
اخوي be_cool بالنسبة لارانب المزرعة بالاول العدد خاطئ بسبب وجود ذكرين فتخلص من احدهم ولا تتخلص منه بسرعه انتظر راقبهم شوف الذكرا لمسيطر فيهم اتركه وتخلص من الثاني لان كذا بيصير مضارابات بين الذكور واترك الذكر مع الاربع اناثي العدد كويس كذا الانثى الحامل اذا القفص حجمه كبير ويكفيهم فما يحتاج تفصلها لكن لو صغير الافضل انك تفصلها في بداية حملها وليس بالنهاية ننتقل الى ارانبا لزينة المكان لازم يكون هادي شوي ماكو ازعاج دائم مثل المطبخ او الصالون او ممر او حتى غرفة نوم حطهم بمكان صاد شوي والاكل لا تكثر لهم لان الارانب الحبيسه بالاقفاص تاكل من الملل خصوصا لو القفص ما يمنحها الحرية بالركض واللعب اما عن الارضية تقدر تحط نشارة الخشب او القش اما التربة الزراعية فمادري كيف بيكون وضعها مع ارانب الانغورا لانه ممكن توصخ شعرها وانتا بيصير عليك تمشطه يوميا بانتظام اما تجميع القش داخل البيت فهذا حتى تبني العش عشان يكون محل للولادة والصغار يكونون فيه ومع الوقت لو هي حامل بتحصلها تنتف من وبرها وتحطه بالعش اما التلقيح اذا شفت الانثى تضرب الذكر وتبعده عنها فالافضل تفصلهم لانه تكون هيا حامل والذكر يبغى يلقحها وهي ترفض وممكن هالشي يؤدي الي موت الاجنة داخل بطنها لو لقحها غصب خصوصا لو اهيا ضعيفة مقارنة مع الذكر وبالتوفيق |
رد: طالبنكم يا هل الفزعه
مشكور اخوي و جزاك الله الف خير على الاجابه ..
|
| جميع الأوقات بتوقيت GMT +3. الساعة الآن 07:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو