![]() |
الدرة شكلها يخوف !!
السلام عليكم .. صباح الخير / مساء الخير .. ياخوان الدره اللي عندي شكلها عن جد يحزن مادري وش صار لها جسمها صاير منتفخ شوي ومثل اللي طايح وريشها نافش على طول .. وهاجده طول الوقت حتى يوم امسكها قبل كانت تمسك بآي شيء الحين احسها هاااااااديه مره اشيلها ولا تسوي شيء وطول الوقت تبي تنام حتى وهي جوعانه اعطيتها اكلتها المفضله " الحب الشمسي " ماعرفت تفصـه او تكسره !! وقبل كانت تتفن فيه وتكسره على رواقه الحين تستعمل رجلها ومنقارها ولا هي قادره .. احس ان فيها بلوى بس مدري وش فيها قاعده بمكان واحد حتى شكلها جنب الفرخ اللي عمره شهرين صغيييييره الفرخ طالع بوقفته اكبر منها !! والسبب اللي خلاها كذا .. انها انحاشت مني اول امس العصر ودورت عليها ولا حصلتها .. ولقيتها اليوم الثاني الصبح الحمد لله بس يوم اخذتها ماكان فيها شيء اليوم اختلفت معاي بالمره .. ياليت اللي بمر بمثل هالمشكله او عنده حل يفيدنا بانتظاركم .. :( |
رد: الدرة شكلها يخوف !!
والله يا كاسكو جدة حالتها على وصفك صعبة
بس تأكد انها ما أكلت شي معين مثل خرزة أو قطعة بلاستك,,الخ حاول تمسك حوصلتها وتلمسها وشوف فيها أي شي غريب.؟ او حاد؟؟ وشوف برازها الله يكرمك فيه دم؟ ويا ليت تعطيها عسل,, وحب بركة مطحون,, وتعطيها في الموية, او مباشرة عن طريق الحقنة في الفم مثل الفروخ, من باب المحاولة يا غالي ربي يحفظها لك,, والله انك تستاهل كل خير يا قمر تحياتي |
رد: الدرة شكلها يخوف !!
انا عندي نيبالي بس اخوي كم عمر الي عندك ؟
انا عندي نيبالي توه تارك السرلاك اذا انت نفس الشي عندك العمر صغير ما بين شهرين جذي يعني فرخ عطه سرلاك كل فتره لا تقطع تراه زين حقه واذا كان كبير وما ياكل حاول تغير له الاكل حط له فواكه اي شي وجرب |
رد: الدرة شكلها يخوف !!
الطيــــــر مـــــــــــات
الله يرحمه ولا يحملني ذنبه :( سكر .. هنتر الله يعطيكم العافيه على مروركم.. |
رد: الدرة شكلها يخوف !!
يا حرااااام والله :(
شو صاار له :( ان شااء الله ما تحمل ذنبه لانه صابه شي وهو بعيد عنك :( الله يعوضوك :( |
رد: الدرة شكلها يخوف !!
الله يعوض عليك
تصدق من وصفك للطير اتوقع عنده حاله تسمم او مقروص لأنه كذا فجأه تغير وانقلب حاله |
رد: الدرة شكلها يخوف !!
والله من وصفك أول توقعت انه يموت بس قلت لا أحبطك
الحمد لله على ما أعطى وعلى ما أخذ ربي يعوض عليك . |
رد: الدرة شكلها يخوف !!
[حمـامـه .. كاسكـو .. سكـّر ..]
آميييين يارب ويعوض على الجميع آلله كاتب .. وتسلمون جميـع مانسى وقفتكم .. |
رد: الدرة شكلها يخوف !!
هلا اخوي كاسكو جدة . الله يعوضك خير ا منها انشاءااله |
رد: الدرة شكلها يخوف !!
الله يعوض عليك اخوي .. ويلا خلي بالك على الفرخ >>>>> ترى اخته اللي عندي دايم تسالني عنه خخخ
بس ملاحظه .. انا قريت في موضوع "بخصوص الترحم على الحيوانات" انه مايجوز تترحم عليها .. "من باب النصيحه" .. انت سويت اللي عليك .. وان شاء الله ماتتحمل ذنبها .. |
جميع الأوقات بتوقيت GMT +3. الساعة الآن 03:13 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو