ممكن مساعده بليز بخصوص مرض القطوه بعد التطعيم
 

رد: ممكن مساعده بليز بخصوص مرض القطوه بعد التطعيم
 

لااختي ماعليه شي طبيعي
القطه بعد التطعيم تتخدر شويه وتنام بعدين تصحا وزي الفل تصير بس لازم تتجنبين استحمامها ليمن يلتئم مكان غرز الابره يعني بعد اسبوع من التطعيم

رد: ممكن مساعده بليز بخصوص مرض القطوه بعد التطعيم
 

مشكوور اخوي قطو كويتي وجزاك الله خير ع الافاده

بس والله خايفه عليها حيل

لانها قاعده ترتجف اخاف تموت او اني غلطت لما طعمتها

رد: ممكن مساعده بليز بخصوص مرض القطوه بعد التطعيم
 

لاماعليه اهي خايفه شويه لانه اول مره واول مره تاخذ ابره كلنا صار معانا جذي.
وان شاء الله مافيها الا العافيه اقري عليها المعوذتين ترا هم تبقى روح وعرضه للحسد من قبل الاهل والاصدقاء
وباجر تشوفينها ردت لطبيعتها انتي بس لمسي عليها وقولي اسمها بحنان رح تحس بالامان وحاولي اتييبين شي تحبه
ييبي قطعة مرتديلا وعطيها ا كيد رح تحبها حيل
وباجر مثل ماقلت ترد لطبيعتها وطمنينا

رد: ممكن مساعده بليز بخصوص مرض القطوه بعد التطعيم
 

اختي كاتي اذا كان وصل عمرها الهرين فهذا موعد تطعيمها:)

وشي طبيعي تصخن بعد التطعيم حتى الإنسان يصخن بعد التطعيم اهم شي لاتسبحينها:)

رد: ممكن مساعده بليز بخصوص مرض القطوه بعد التطعيم
 

المشكله انها ماتبي اي شي عطيتها من الغدا كالعاده واهي متعوده عليه واتحبه بس ما اكلت

وعطيتها عقب جبن وهم بعد متعوده عليه واتحبه بس هم ما اكلت

مادري شسوي اخاف تموت جذي بدون لا تاكل شي

رد: ممكن مساعده بليز بخصوص مرض القطوه بعد التطعيم
 

ادري اختي فطوم انه شي طبيعي بس هم بعد احنا ناخذ دوا وجمادات للسخونه

بس بالنسبه للقطاوه مادري شلون انخلي السخونه تخف لا اهم نفس الجهال يشربون الادول ولا نفسنا يالكبار

رد: ممكن مساعده بليز بخصوص مرض القطوه بعد التطعيم
 

ل وووو لـ اختيـ ماعليه انتظري لباجر ورح ترد على طبيعتها لاتخافين

رد: ممكن مساعده بليز بخصوص مرض القطوه بعد التطعيم
 

اوكي ننطر

عاد رحت للجمعيه اول ماقلتلي عطيها مرتديلا وشريتلها مرتديلا وجبن وحليب خالي الدسم

عطيتها المرتديلا مارضت

عطيتها حليب شربت شووويه بس

وبنطر لي باجر واشوف على قولتك


واشكرلك اخوي مساعدتك ومتابعتك لموضوعي وجعله الله في ميزان حسناتك

رد: ممكن مساعده بليز بخصوص مرض القطوه بعد التطعيم
 

الله يشآفي قطوتكــ,؛,ــ

ومآفيهآ إلآ العآفيه إن شآء اللهــ.؛.ــ