|
استفسار !!
السلام عليكم اممممم بصراحه افكر اشري ببغاء وابي اعرف منكم شنوووو افضل نوع وكم قيمته وياليت تدلوني ع محل بالشرقيه عشان ارووح له ع طول مااحتار ولا ادور و أنا سمعت لووو شريته صغير يكون احسن صدق او لا ؟! و أكوووووون شاااكره لكم |
رد: استفسار !!
اغلب الاحيان اذا يكون الطير صغير سهل تدريبه بس لازم انتي يكون عندج خلفيه كافيه
عن اساليب التدريب وفي هالمنتدى وايد مواضيع راح تفيدج اما شنو الطير عندج الكاسكو سعره معقوول من اذكى الطيور الموجوده وبسرعه يتعلم اما المحل انشاء الله الاخوان العوديين بيفيدونج واذا تبين من البحرين حاضرين بعد |
رد: استفسار !!
اييييوه انا اجي كثير البحرين
قلي ع الاماكن وكم اسعارهم وبشوف بس اذا جيت اجي السعوديه سهل اطلع فيه والا سوالف مشكووووور اخووووي |
رد: استفسار !!
هلا ام صوفي...
انا اعرف ان دخول الطيور ممنوع من برا السعدية ...الا في حالة انك تظبطين الامور وتحاولين تخفينه عن حقين الجمارك وانتي واسلوبك....او لو تعرفين احد شغال في الجسر بيظبط الامور والله اعلم... لانه للافراد ممنوع دخول الطيور...بس للمحلات او الناس ال v.i.p :cool: مثلي:D وعموما ترا الاسعار للافريقي هي المعقوله ما بين 2000 الي 3000 حسب نوع الطير .... وعلي فكرة الافريقي متعدد الانواع ويختلف من درجة الي درجة .... وبالنسبة للببغاءات الذكية عندك الامازوني الدبل يلو هيد وفرخه من 8000 الي 10000 الاف ريال.. وفيه اليلو ناب ...ممتاز وغالي بعد بالنسبة اذا تبين تعرفين من وين تقدرين تشترينه...:confused: عندك خيارين الاول سوق القطيف وهو سوق كل يوم خميس او جمعه بعد صلاة الفجر..تاكدي من اليوم... وفي هالسوق بصراحه طبقة الموجودين اللي فيه لك عليها فإذا انتي حلوه لا تعتبين المكان ...الا ومعاك بودي قارد...:) واذا كنتي شينه عادي خشي..:D وفيه محل في العقربية قدام نادي القادسية يجيب لك شي حلو... وانشالله تلقين مطلبك... تحياتي |
رد: استفسار !!
هلا اخوي
مو مشكله انا اللي اروح سوق القطيف حد غيري يروح بس تقريبا كم الاسعار هناك ومشكوووور جدااا |
رد: استفسار !!
كنك تلمحين اني انا اللي بروح اجيب:D
تستاهلين بس انا حاليا في الرياض ولا تامرين امر...:cool: عموما انك تاخذين من سوق القطيف تحتمل وجهين ان البياع ما يكون عنده امانه وما يعطيك شي كيف الحال وهذا الغالب...استغفر الله العظيم... او تتوفقين في طير يوسع صدرك...:) الاسعار تبدأ من 500 وانتي طالعه كلن حسب النوع اللي عنده... تحياتي... سؤال صوفي( او تدليع) لاني اعرف واحد اسم بنته وصايف يناديها صوفي... <<<<< يا ابو الشباب تراك قلطت شوي:D |
رد: استفسار !!
واذا تبين من االرياض انا اعرف واحد يبيع بس بصراحه شغله تمام...
انا في الخدمه ولا تدققين في الاملاء... |
رد: استفسار !!
اممممم
مشكوووور اخوي لالا مشكور وماتقصر صوفي ياطويل العمر هذى بستي موجود لها صور بقسم القطط :) |
رد: استفسار !!
أختى ام صوفى لا انصحك لا تاخذي من البحرين ولا من السوق البحرين الطيور كلها امراض ومشاكل والسوق مسالت حظ نصيب وذا منتى فاهمه بلكاسيكو بيخدعونك قوليلي مستوى الطير الى تبينه متكلم ام اليف ام فرخ |
رد: استفسار !!
اخوي عاااازف
انااا مااعرف كل اللي اعرفه كان عندنا الببغاء الخضراء وكانت تتكلم بس موو كثير لكن ماتت :( وأنا ابي وحده ياليت تقولي من احسن وكم اسعارهم ومثل ماقلت بالشرقيه يكون احسن متكلم ام اليف ام فرخ واكوووون شااااكره لكـ |
| جميع الأوقات بتوقيت GMT +3. الساعة الآن 06:10 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو