|
مهم جداً ..
السلام عليكم ورحمة الله وبركاتهـ
شلونكم ووش اخباركم وعلومكم في هذا الموضوع احب اتطرق لمواضيع عديدهـ :D في صالح القسم وصالحي وصالحكم وتنظيم القسم مدري من وين ابد لكن ببدا بحسب كثرة المشاكل اولاً بنعيد قوانين قسم هواة الكروان سواء نظيف شي جديد او نحذف شي قديم وفي هذا الموضوع راح نقترح وبعدين نسوي موضوع جديد نشوف الموافق والغير موافق طبعاً سبق وسويت موضوع عن القوانين قبل فتره لكن كانو الاعضاء قله وزوار القسم قليلين والحين ماشاء الله اللهم زد وبارك :D دبل الدبل فـ قلت نسوي انتخابات جديده بخصوص القسم ونشوف افكار الاعضاء واقتراحاتهم اول شي طبعاً احب احصر الموضوع بموضوع واحد :D بمعنى اصح احب نتكلم بالقوانين فقط وتكون المشاركه بخصوص القوانين فقط والمواضيع الاخرى توخذ وتُطبق فضلاً وليس امراً الغلط الاول عدم قِرأت القوانين والمواضيع المثبته مثلاً يجي واحد يحط موضوع سوال في القسم العام ويوجد قسم فرعي للأساله ومايلقاء رد في الموضوعه ولو تلاحظون اني ما ارد على مواضيع الاساله الا نااادر عشان مايتسنى لي الوقت افتح موضوع موضوع واشوف الموضوع وانقله او احذفه اشوفه تابع لقسمنا او مهو تابع واشوف المشاركات واحذف المشاركات ووو او حتى المواضيع العامه مايمديني ارد عليها الغلط الثاني مشاركات الاعضاء على المواضيع في قسم الاساله بكلمة ( مشكوور ) ( يعطيك العافيه ) ( ان شاء الله الاعضاء يفيدونك ) ( يررفع ) طبعاً ممكن بعضكم لاحظ في الاوان الاخيره بعض ردوده مهي موجوده انا من يقوم بحذفه لعدم الفائده ولمخالفة قوانين القسم وفيه اعضاء يعيدون نفس الرد يعني يقولك مثلاً :D هل يأثر على طيري الشمس ؟ يجي العضو الاول / نعم تأثر اذا زاد عن حده يجي العضو الثاني / نعم ولا تحطه واجد كله واحد هنا انا اقوم بحذف الرد الثاني لعدم فائدته لكن اذا كان يحتوي الرد على فائده زائده تفيد الاعضاء الاخرين لاتتردد شارك به يمكن احد يجهل هل موضوع وبعد المشاركات الي تخرج خارج الموضوع وخارج السوال يدخل عضو ويسال سوال ثاني هنا احذف رده لنه خرج عن الموضوع نجي هنا والغلط الاخير رفع المواضيع القديمه وهذي قامة تصير بالفترات الاخيره اللاحظ الاعضاء قامو يرفعون المواضيع القديمه طبعاً الي احب اصله والي احب اوصله لكم اننا نبي نرتقي بالقسم ونخليه جمييل وخالي من الفوضا :D والحين نجي للقوانين أأهـ يالقوانين :D هذا اقتباس من القوانين المتواجده اقتباس:
لكن الباقيه ممكن تتعدل او تنحذف ويمكن تزيد واتمنى اتمنى المشاركه لـ من يهمه الامر في انتظار ردودكم وارجو عدم المشاركه في هذا الموضوع بالشكر او المدح نبي رد للفائده فقط واسف على الاطاله http://www.r-fnan.com/vb/images/smilies/flw.png |
رد: مشاركتك ’ اقتراحك , اعتراضك ! .. تفضل
عزيزي ..~
احسنتَ صنيعاً بالفعل ان ارى ان حال القسم متدهور جداً في الآونه الأخيره ربما بعض الأعضاء لا يلقون رداً عـ مواضيع جديده محتاجين للجواب ويضعونه في القسم العام ويأتي بعض الأعضاء [ الله يصلحهم ] يرفع مواضيع صار لها اكثر من شهرين او ثلاثه شهور يعني من وين نَحنُ سنبحث في الصفحآآت الأخرى ؟ انا مني عضو ادخل القسم الصفحه الأولى فقط اشوف مستجدات واما قسم الأسئله صار له فتره نايم بسبب عدم المواضيع فيه فصرت ماأدخله |~ ~| ان شاء الله الأعضاء ينتبهون الى هذه النقاط وعدم تكرارها للحفاظ على تنسيق القسم وزياده رواده وان شاء الله الي يحط موضوعه بالمكان الصح راح يلاقي ردود في مكانها الصح [ الأسد الملك ] اشكركَ جزيل الشكر لإنقاد الوضع وربي يعينك لك َ . أجمل تحيهـ . |
رد: مشاركتك ’ اقتراحك , اعتراضك ! .. تفضل
انه وحدة مؤية لهذي القوانين 100% ولا اناقش فيها
في سبيل أصلاح الخربطة الى صايرة في القسم في الآونة الأخيرة وأزيد شي فقط ياليت لو تتفضل اخوي الأسد الملك وبوافقتك وموافقت الأعضاء بزيادة بند على القوانين وهو من المفضل للعضو أستخدام خاصية البحث قبل طرح اي تساؤل او موضوع لأنه بوفر السائل والعضو الكثير من العناء على نفسة وعلى الأعضاء البقية وشاكرين لك هذا الجهد الكبير يا مشرفنا الغالي في سبيل الرقي بهذا القسم واحنة حاضرين في اي مساعدة تحياتي:) |
رد: مشاركتك ’ اقتراحك , اعتراضك ! .. تفضل
السلام عليكم
اغلب الاشياء الي قلتها صح مئه بـ المئه بس فيه المواضيع المثبته اغلبها الصور خربانه و الموضوع الى اصله صور بس تدخل و تلقاها مو موجوده ماستفدت شي و ياليت تصير مسابقات احلى كروان و اذكى كروان :D وشكـــــــــــــــــــــــــرا |
رد: مشاركتك ’ اقتراحك , اعتراضك ! .. تفضل
Dark.Love نورت الموضوع بمرورك وصحيح القسم متدهور لكن تدهور بعدم المشي على قوانين القسم وان شاء الله يتم حسم الامر ومن افضل لأفضل بأذن الله عاشقة الظلام نورتي الموضوع بمرورك اقتراح جميل وان شاء الله يتم الاخذ به وبعد الانتهاء من الموضوع يتم الاضافه احب الهرره وعليكم السلام ورحمة الله وبركاتهـ اذا على المواضيع والله من المشكله الي صارت لمركز التحميل حق المنتدى وخرب كل الصور لكن لنتكاتف ونرجع الصور او نجيب نفس الصور او مشابهه لها بالنسبه للمسابقات بالاول يالغالي خلنا ننظم القسم بعدين نفكر بالمسابقات والامور هذي واتمنى من الجميع التفاعل للـ رفع |
رد: مهم جداً ..
اقتباس:
ليش ماتقفل المواضيع القديمة يعني كل موضوع له فترة محددة ويتقفل و إذا في أحد عنده استفسار على الموضوع يراسل كاتب الموضوع على الخاص وبكذا تنهي هذي المشكلة بشكل جذري وشكرا لك على فتح باب النقاش واتاحة الفرصة |
رد: مهم جداً ..
كل الاحترااااااااااااااااااام
|
رد: مهم جداً ..
الله يعطيكم العافيه
|
رد: مهم جداً ..
..ٍ~|| نعم اخوي الموضوع المفروض من اول ما بدا التدهور بنطرح ويوقف كل عض عند حده ,, ومن الأفضل اخي ان المواضيع الي توصل قريب نهاية الصفحه 2 تكون مغلقه والمواضيع الي في الصفحة 3 وبعدها وراا كله مغلقه يعني بيكون احسن ,, اما في اعضاء يضعون في القسم العادي استفسارات على العين والراس لاكن مش يطرح استفساره ويردون عليه وبعده يحط استفسار ثاني في موضوع ثاني لزيادة المشاركات , وبعده يحط 3 يعني هذي مش حاله والقسم من قوانينه موضوعين بس لا يزيد في اليوم والي عنده استفسار يحطه في موضوع ولو ردو عليه وما فهم يكتب من يضع موضوع جديد ,, اخوي الأسد الملك سامحني على الإطاله ,, وعندي ملحظه اخوي ما اشوفك تدخل مثل قبل والله يعينك لو عندك ضروف ||ْ~..
|
رد: مهم جداً ..
ابو التواريخ
بالتعاون نرتقي اسعدني مرورك عزيزي ابو التواريخ وابداء رايك عاشق الحمام هذا ماسوف نفعله إن شاء الله يعطيكم العافيه لكل من رد في هذا الموضوع وكل من مر الموضوع يغلق . |
| جميع الأوقات بتوقيت GMT +3. الساعة الآن 12:20 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو