ضيف جديد على المنتدى
 

السلام عليكم ورحمة الله وبركاته

تحياتي للجميع بصحه والعافيه ، مع صباح جميل من دولتي الغاليه الامارات ومن اماراتي الحبيبه دبي دار الحي .......

ضيف جديد ومحب جديد من بعد ان شاهدت الكاسكو لدى الجميع ورغبة ان احصل ايضا عليها
قصتي معها قصه

زوجتي حامل ، ولاكن لم يكمل الجنين فترته في بطن امه ( الحمدلله على كل شي )
حبيت ان اعوض الاطفال بحبهم لهذا الجنين اللي ما كمل الاربع الاسابيع بكاسكو
اشتريت لهم واحد وأول مرة المس الكاسكو ....
من بعد اتصال من صديق فقال يالله ترا الكاسكو وصلن عند الريال قلت له على الله ثم عليك اشتر لي ، والريال ما قصر اشتراه لي بسعر مغري جدا ووصله لين البيت
ويوم كنت يالس في السياره ابغي انزل وزوجتي تتصلي لي والموبايل في المخبا وانا مب عارف كيف انزله وهييي متحرطمه وتقول ليش متاخر وايد في السياره
الا وانا نازل من السياره واوني مب خايف من الكاسكو اللي شايلنها على ايدي ( والله من داخل الخوف مازر قلبي بس شو اسوي لازم اكون قوي ) المهم
دشيت البيت وزوجتي اتشوف بستغراب وهي اتقول عدنا قطاو مستازين والحينه يايب بعد الحشره داخل البيت ( تراها خوافه )
المهم ساعه ثلاث وهي اتقول يالله انسير المستشفى تراني تعبانه ، وسرت المستشفى وانا الحينه صرت شايل ثلاث هموم ( زوجتي التعبانه ، اطفالي وذهابهم للمدرسه ، وكاسكو اليديد في البيت )
رديت البيت تقريبا الساعه سبع من المستشفى وهي طبعا في غرفة الولاده محد عندها وخذت الاطفال للمدرسه ومريت الجمعيه وخذت سريلاك مع التمر على كلام الصاحب للكاسكو وعطيتها اشويه
اتصلت المدام قالت لي يالله تعال الحينه بيدخلوني غرفة الولاده وبدال حضرتي ما ساير عندها سرت للسوق اخذ اغراض للكاسكو من سريلاك الخاص مع البروتين والاستاند ( ادري بتقولون هذيل هم الريايل )
سالفتـــــــــــــــــــــــــــــــــــي طويله صح

المهم الحرمه طلعت بالسلامه واليهال قلت لهم هذا لكم المولود اليديد لكم بدال المولود اللي راح عنده اللي مسونه

ترا قصتي ما خلصت مع الكاسكو ،،،واذا تبون اكمل ابغي اشوف ردودكم واذا تبون انهي حلقتي بعد اكتبو لي وتحياتي للجميع
---------------------------------------------------------------------------------------------------

رد: ضيف جديد على المنتدى
 

له ما اعطى وله ما اخذ


الله يعوض عليكم ويحفظلكم ما بقى



ولايكمن ان يعوض الكاسكو الانساااااااااااااااااااااااااااااااااااااااااااااااااااااااااااااااااااااااااااااااااااااااااااااان مهما كان

رد: ضيف جديد على المنتدى
 

وعليكم السلام ورحمت الله وبركاته

صباح النوار بيك وبهل الامارات الشقيقه وحمدله على السلامه ويترابا في عزك ان شاء الله

واقصتك مع الكاسكو مرى جميله الله يعطيك الف عافيه

وان شاء الله مسويلكم زياره يا اهل الامارات الشقيشه مع تمنياتي لك التوافيق

رد: ضيف جديد على المنتدى
 

حياك الله اخوي من دبي دار الحي

والله أني أحب الشعب الامراتي بشكل ماتتوقعة ولا انسى الشعب البحريني
المهم تعجبني رمستكم أحس انها شي عجيب وخصوصا أذا كان ألي يتكلم شايب تشوفني اخش جو معا كلامة

المهم مش هذا موضوعنا
الحمد لله رب العالمين على سلامة ام العيال وأنشاء الله رب العباد يرزقكم الذرية الصالحة أنشاء الله

بارك الله فيك أخي العزيز ولا تحرمنا من هذي الطله

رد: ضيف جديد على المنتدى
 

مشكور اخويه وتحياتي لك

رد: ضيف جديد على المنتدى
 

رد: ضيف جديد على المنتدى
 

وعليكم السلام ورحمة الله وبركاته

الحمدلله على سلامة ام العيال، والله يعوضك خير ويقويك على الحمل اللي عندك :)

رد: ضيف جديد على المنتدى
 

( الله يسلم الجميع ان شاء الله من شر )

هي والله انه حمل ، سرت اليوم اماره الشارجه لي عياده البيطره ، سويت للطير بدكير ومنكير ( منوه عاده يقدر ) احنا الشباب ماسوينا جيه ، وعطوه ابره فيتامين ، وعطوه شراب عن الدود

ويالله خيسني من البراز من كثر ما ييلس في ثباني

رد: ضيف جديد على المنتدى
 

حياك اخويه بين اخوانك واخواتك ولا تبخل علينا ببقيه القصه .....

وانشالله راح تنبسط معانا

رد: ضيف جديد على المنتدى
 

:) waiting for more please


و الله يعوض عليكم في المولود و طير من طيور الجنه امين :(