|
تغيــــر سلــوكـ الببغاء 800درجه تحت الصفر ههه حراااااااام عليه
السلام عليكم و رحمة الله و بركاته
عندي ببغاء الدره الهندي شريته من خمس اشهر تقريبا و بعد ما شريته باسبوع تقريبا تعود علي و مشى حاله و بدأ يتجاوب معي و صار يطلع على الاصبع ...... لكن بالفتره الاخيره صار متوحش على الااااااااااااخر حتى يمكن اكثر من لما كان جديد (للعلم انا شريته صغير قبل ظهور الطوق و الحين قاعد يطلعله الطوق ) هل بسبب مروره بمرحلة ظهور الطوق ؟ و لا بسبب قص الريش ؟:D انا اللي قصيتله و لا لاني انشغلت عنه لما بدأت المدارس شوي و ارجو انكم تعطوني حلول مو بس الاسباب و هذا اهم شي |
رد: تغيــــر سلــوكـ الببغاء 800درجه تحت الصفر ههه حراااااااام عليه
والله ىاخوي انا عندي درة ابوي قص جناحهة تعضة عض وانا تدلعني اخر دلع
وانا مجرب بيع الطير افضلك لانك تقول 5 اشهر فترة قصيرة انا اللي عندي اياه كان بدون ريشة وحدة لي 5 سنوات تقريبا ماتغير الله يعوضك بغيرة |
رد: تغيــــر سلــوكـ الببغاء 800درجه تحت الصفر ههه حراااااااام عليه
اقتباس:
جبت الغايبه :( الله يعينك اخوي .. دائم الاخوان هنا ينصحون بعدم تواجدك خير شر مع الطائر وقت القـص .. فما بالك لو كآن آنت اللي قآصـه له :o الله يساعدك فيه . ويرجع لحالته الطبيعيه معك واحسن .. بس حاول تحببه لك اكثر من آوول وآن شاء الله يسلك معك .. لان الدره حبووووب |
رد: تغيــــر سلــوكـ الببغاء 800درجه تحت الصفر ههه حراااااااام عليه
أخي العزيز تحيه طيبه,
انت سألت وانت جاوبت اخي عبدالله, وانا بحاول اراويك وش اللي صاير: 1. قص الريش: قص الريش له اصوله يعني مو مثل ما يعتقد البعض انك تفرد الجناح وتقص الاطراف كلها. فيه ريش حق الطيران وفيه ريش حق التوازن للطير. انت تقص الريش حق الطيران ومو كله, اول ريشه تتركها تقص اللي بعدها وبعدها تتركها وتقص اللي عقبها الخ. تنقص بس اطراف الريش لانه هناك شرايين دمويه في الريش تعور الطير يوم تنقص. النتيجه: يمكن انقص الريش كله وبطريقه خطاء تسبب بوجع للطير (هو يفهمه انك انت سببه) وثانيا قص الريش ضروري لنا لاننا ما نبي الطير يروح عنا بس هو مفيد للطير لانه يساعده في تخفيف الطيحه لو طاح, والطيحه ممكن تؤدي لوجع للطير او حتى نزيف في بعض الاحيان لانه ما يقدر يخفف سرعة الطيحه وهو ما عنده جنحان. 2. مرحلة النمو: في بعض الطيور, تتغير سلوكياتهم في بعض مراحل النمو مما لا يفهمه الانسان وهيه مرحله يبيلها الصبر والمعامله الحسنه مو رد الفعل السلبي. 3. ترك الطير: انشاغلنا عن هذي الطيور الحبيسه سبب ما يفهمه الطير وخصوصا انها توالف على شخص معين في البيت اكثر من غيره, فانشغاله عنها يزعجها. أجل خلنا نشوف وش اللي صار: انت قصيت الريش بطريقه غير سليمه اللي ممكن سببت اوجاع للطير ويمكن في غيابك طاح له كمن طيحه, تركته فترات لانشغالك عنه وهو متألم ومتملل وفي مرحلة انتقال في عمره. فمن المؤكد هذا راح يكون له الرد السلبي على الطير ناحيتك. في نظري هيه مرحله بس, وعقبها شوي شوي الطير راح بغير سلوكه, حاول تمضي وقت معاه اكثر, جوعه شوي وقدم له الاكل من يدك, والمره القادمه خلي خبير يقصلك ريش جنحانه بس انتظر لين تكمل كلها. لا تبيع الطير لانه الغلط ما كان في الطير وممكن انك تستبدل الطير وهم يصير معاك نفس الشي مع الطير الجديد. اصبر على مجنونك لا يجيك اللي اجن منه, والله يوفقك ويهنيك في طيرك. أخوك ألأصيل |
رد: تغيــــر سلــوكـ الببغاء 800درجه تحت الصفر ههه حراااااااام عليه
الصراحه أنا من تتجربتي أشوف ان الريش سبب توحش أو زعل الطائر
عندي الكاسكو صاير ساكت وما يعبرني وأحسه زعلان لأني قصيت جماحه طبعا مو أنا البيطري وانت حاول تجلس معاه أكثر عشان يتعود عليك ويحبك...والله أعلم |
رد: تغيــــر سلــوكـ الببغاء 800درجه تحت الصفر ههه حراااااااام عليه
اغلب الحالات وهي انتكاس الطير للأسواء
تكون بسبب قص الريش كذا يفقد الثقه في صاحبه |
رد: تغيــــر سلــوكـ الببغاء 800درجه تحت الصفر ههه حراااااااام عليه
الله يكون في عونك
يعني اي واحد يبي يقص جناح طيره يخلي غيره يقصه احسن ما يتوهق |
رد: تغيــــر سلــوكـ الببغاء 800درجه تحت الصفر ههه حراااااااام عليه
بنصحك نصيحة لكي يرجع الى حالتة الطبيعية أحرمة من الاكل لمدة معينة ثم قدملة الاكل وشوف وش راح يسوي
|
رد: تغيــــر سلــوكـ الببغاء 800درجه تحت الصفر ههه حراااااااام عليه
انا كاسكوي حاشه أكتأب فتره وماله خلق أحد
بعد قص الريش والأظافر مع العلم ألي قاص له الريش العياده البيطريه و عندهم خبره ويعرفون أي ريش ما يأذي كاسكوي انشاء الله أزمه وتعدي |
رد: تغيــــر سلــوكـ الببغاء 800درجه تحت الصفر ههه حراااااااام عليه
اخووي آنت جااوبت على نفسك هههه اكيييد اهملته طبعا .. وحاول تتقرب منها عشان لاتفقدك :D |
رد: تغيــــر سلــوكـ الببغاء 800درجه تحت الصفر ههه حراااااااام عليه
كل ها مسوي في طير وماتبيه يتغير عليك الله يعينك ويصبرك ولاهنت ^^ |
رد: تغيــــر سلــوكـ الببغاء 800درجه تحت الصفر ههه حراااااااام عليه
اخوي
خلك معه وحاول انك تجوعه وتاكله من يدك وحاول انك تطلعه على الستاند هو في البدايه راح يجاعر بس مع الوقت راح يتعود ودايم دايم الصبر مفتاح الفرج |
رد: تغيــــر سلــوكـ الببغاء 800درجه تحت الصفر ههه حراااااااام عليه
الله يعينك اخوي
انت اللي قاص الريش الله يهديك على هادي الفعله اخوي اذا كان انت اللي بتقص ريشه كان غطيته بالكامل وما تخليه يشوفك او انك كان وديته عندي خبير قص اخوي لا تبيع الطير وحاول انك تتقرب له اكثر من اول وتأكله من يدك وطلعه برى القفص لانو داخل القفص ما رح يتجاوب معاك تقبل مروري |
| جميع الأوقات بتوقيت GMT +3. الساعة الآن 04:44 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو