|
شتسون لو كنتو مكاني؟ :<
سلام
من صجي اسال هالسؤال اذا قرر ابوكم او امكم ان القطاوة اللي عندكم لازم تطلع من البيت.. شتسون؟ و شلون تتعاملون مع الحزن؟ انا ابوي عطاني مهله اسبوع عشان اتصرف ولا متحلف فيني انه يقطهم بالشارع واحس اني بمووت من البجي مو متخيله ما اشوف زعترو كل يوم ولا العب معاه وااي والكيتن انا كنت معاهم لحظه بلحظه لما بيكي ولدتهم وكبرو بداري... شلووون بهدهم شلووون قلبي مو مطاوعني اوديهم سوق الحمام ابيعهم ... ابي نصايح ساعدوني شسوي |
رد: شتسون لو كنتو مكاني؟ :<
يااعمررري
شووفي ياقلبي اذا عشان امر صحي فاانتي لازم تطلعينهم اما لو عشان شي ثاني حااولي تجلسين مع الوالد وتتفاهمين معاه يمكن يغير رايه والصراحه مادري وش اقولك لاني نفسي لو راحو مادري وش بسوي من الحززن:( يارب ابوك يهون ويخليهم عندك |
رد: شتسون لو كنتو مكاني؟ :<
صـــــــراحة !! كنت بجلس فوق راس ابوي اصيح له !! هع هع .. واسوي اعتراضات ..واشوف ليش هو ما يريدهم ..! :oوان شاءالله ابوك يغير رايه ..! بالتوفيق ان شاءالله .. |
رد: شتسون لو كنتو مكاني؟ :<
أولا اهلا بيكي .. ثانيا : لو كان سبب خروجها لسبب مرضي اكيد لازم تخرجينها .. اما لو كان بدون سبب .. لازم تجلسي مع والدك , و تتكلمي معه بهدوء .. و تحاولي تقنعيه .. لو رفض .. اسمعي منه اية سبب الرفض .. و اوعديه انك هتحلي المشكلة دي .. مثلا : لو كانت المشكلة ان القطة مثلا بتخرب شغل والدك .. و تلخبط الاوراق على المكتب .. حلي المشكلة .. انك ما هتدخليها غرفت والدك اطلاقا .. و هكذا .. حلي كل المشاكل .. اما بقي لو لا مفر .. ممكن تحطيهم بحديقة البيت لو عندك حديقة .. لو ما عنك .. خليهم بغرفتك .. و ما تطلعيهم .. و ربنا يسهل و توصلي لمرادك و والدك ما يخرجهم من البيت .. طمنينا .. CaRni |
رد: شتسون لو كنتو مكاني؟ :<
الله يعيينج ياقلبي :(
انا قطاوتي بعتهم برضااي عشاني بشتري قطووو غيرهم .. وليومج أصيح عليهم :( الحياه جدا باايخه بدون قطوه في البيت .. :( الموهيــــم اتوقع ابوج طلب هالشي .. عشان كثره القطط بالبيت سح .. ؟ اذا كذا معه حق القطاوه الكثير تسبب نرفزه للي مايحبونهم .. فـ بيعي منهم وخلي لج واحد ولا اثنين .. بالبدايه بس بتحسين بفراغ البقيه .. بس بعدين بتركزين اهتماامج كله على اللي عندج ... ^^ اما لو كان سببه شي ثاني .. حاولي تعرفينه وتفاهمي معه على هالشي .. وانك ماتقدرين تستغنين عنهم و و و ETc وان شاءالله ماتفارقينهم كلهم .. لان الحين عندج مجمووعه وبعدين فجاه يصير ماعندج شي .. والله صعب .. :( انا بعتهم حبه حبه .. وتأأأثررررت .. طمنينا حبوووبه على كل شي ^^ |
رد: شتسون لو كنتو مكاني؟ :<
طيب انتي حااولي في ابووك شوي
قولييله والله خلاااص تكفى معد اسوي شي يزعلك ابد>>قد جربت ونفعت عااد انتي كملي له الحكي اتمنى افدتك لو شوي:) |
رد: شتسون لو كنتو مكاني؟ :<
والله حاولت وبجيييت وحنيييت وسويت كل شي.. بس ابوي مصمم
وانا لازم اسمع كلامه .. القطاوه صح وايد ( 7 قطاوة) بس اهم اصلا ما يدشون داره.. يا بغرفتي يا بالصاله او امشيهم بالحديقه يم البيت بس المشكله اني كل ما اشوف قطاوتي اموووت من البجي نفسيتي صايره كلش سوده :( احتمال اوديهم حق باوز ... او اسوي اعلان للتبني ما توقعت ان هالشي بيكون وااايد صعب :((((((( ومشكورين على المسانده النفسية |
رد: شتسون لو كنتو مكاني؟ :<
يآآقلبي قلبك يآكويتية .. صدقيني الأمر في أوله صعب .. آنــآ وصلوا قطـآوتي الى (12) .. والآن مآعندي غير إثنين .. تخيلي مولودين عندي وعلى يدي وقدآم عيني عشت معهم آحلى اللحظآت وأمرّها واتعسها .. مرضهم لعبهم حزنهم المهم وعاشوا معي لحظه بلحظه .. آهلي كآنوا دآئما يبونهم يطلعون من البيت .. وآنا مصرّه اني مقدر آستغني عنهم .. بس مع الوقت حسيت بجد ان الوضع مو بالشكل اللي انا متصورته أصلا نفسي بديت اتوتر من كثرتهم ولو على ودي مااتركتهم العمر كله .. بس مضطرة ماقدر .. ضغطت على نفسي وعلى اعصابي وبعتهم وهم صغار قبل يكبرون ويوجعني قلبي اكثر واكثر .. قبل مااضطر فجأة اتخلى عنهم واخذ اثمهم لأنهم وقتها راح يآخذون وقت يتأقلمون مع الشخص ا للي بيربيهم غيري .. وآنتي برضو مآتدرين وش ظروفك بكره .. تبيعينهم أفضل من يجي لك يوم ترمينهم بالشآرع ولآ يروحون غصبن عنك ..بالرضى واللين الهون ابرك مايكون .. اقنعي ابوك انك تخلين واحد او اثنين اقربهم لقلبك .. ادري كلهم قراب بس لازم فيه شوية فروقات .. وقوليله ابوي انا عشانك ببيعهم ولرضــآك آجبر بخآطري وخل عندي هذول بس .. وربي يووفقك ويرربط على قلبك وقلبي .. وربي آكتب لك الرد وانا تعبانه حيل .. بس بكررا يتعودون وآنا آتعود مآبنسآهم بس آتعود .. آنتي حآولي مآتجلسين معهم كثييير لحد مآتبيعينهم ومآبتنفجعين كثير ادري صعب بس لو مضطرة مافي غير هالحل ... وربي يعيينك يآآقلبي ..:) طمنيننا عنك |
رد: شتسون لو كنتو مكاني؟ :<
^
^ مابعد هالكلام كلام :) وصحيح نفس الشي سويته لما قررت وقبل أصرفهم بفتره حاولت قد ماأقدر آتجاهلهم ولا أجلس معهم علشان قلبي مايتعلق فيهم أكثر وهم ياعمري عليهم يجون عندي يتحرشون فيني ويلفتون نظري يبون العبهم متعودين وأنا كنت أوكلهم وأطلع عنهم ولما صرفتهم ولله نوم مثل الناس مافي كل مره أمسك جوالي أقول بكلم المحل مايبيعهم وأني وبرجع أخذهم ماقووويت بس صبرت نفسي .. شسوي قلت أذا بتعلق بهذا وهذا ماراح أصرف شي ويصير عندي أنفجار سكاني الله يعينك كويتيه |
رد: شتسون لو كنتو مكاني؟ :<
مشكوورين مشكوووريين
حاولت معاه اني اخلي زعتووور لان عندي ماضي وايد كبير معاه هالاثول لما مرض ولما يتنحش وانا اراكض وراه او على الاقل تن تن لانه انولد على ريلي .. والله تخيلو ا بيكي يوم ولدت انخشت تحت لحافي الاخت وولدته ولما حسيت اكو شي تحت ريلي اتفاجا فيه تن تن يا حليله هالملقووف والله بس مو راضي يظل عندنا ولا قطو.. يقول فاض فيه وتعب منهم والله مع انهم اعسل من العسل المشكله قطاوتي متعودين على الدلال وخصوصا زعتروو.. عنده بلانكت ما ينام الا عليها اخاف يروحون عند ناس مايهتمون فيهم وااي قلبي قام يعورني مره ثانيه الله كريم مشكوورين مره ثانيه |
رد: شتسون لو كنتو مكاني؟ :<
دام مافي فايده مع ابوج
خلص اضغطي على نفسج وبيعيهم وادعي ربي يحفظهم وين مايكونون بالبدايه بس بتتعبين حييييل بس بعدين بتصيرين احسن .. ماقولج بتنسينهم لان هالشي مستحيل .. بس حالج بييصير اوكي .. اللهم انك تحنين لهم ولايامهم انا قبل كنت مثلج اقول ماببيع اخاف ياخذونهم ناس مايهتمون فيهم .. بس بديت احط ببالي ان محد راح يشتري قطوه الا اكيد حابها وبيهتم فيها .. و الحمدلله كل الي اخذوهم مررررررره يحبونهم ومستانسين عليهم ^^ وماتدرين .. يمكن بعدين باباك يلين ويرضى لك تشتري قطو ولا قطوه ^^ |
رد: شتسون لو كنتو مكاني؟ :<
طيب انتي سوي لهم بييت بي الحدييقة عرفتي
اذا بغيتي تلعبين معاهم العبي بي الحدييقة يعني ماالك الا غييرها او تبيعينهم يعني :) |
رد: شتسون لو كنتو مكاني؟ :<
ما قصرتو حبايبي
عاشقه الحيوان... ما ينفع ابوي رافض وجودهم كلش لان اختي حامل و متخوف من سالفه تاثير شعر القطاوه على البيبي سي سي مون... مشكوووره حبيبتي على النصيحه... وانا قعدت مع ابوي وتفاهمت معاه على هالنقطه وان شاء الله ماكو الا الخير يارب اللي بياخذ قطاوتي يكون حنون عليهم اكثر مني.. وخاصه زعترو يارب اللي ياخذه يتحمله ويتحمل شطانته وسوالفه ويحبه كثري او اكثر مني ماقصرتو صج كنت تعبانه وانتو ريحتو بالي |
رد: شتسون لو كنتو مكاني؟ :<
يبنت الحلال عادي مردك بتنسينهم
اللي مر علي الى اليوم فوق 30 قطو 4 شاريهم و الباقي مواليدهم 17 منهم انولدو قدامي و قطوتين كانوا عندي من يوم انولودوا لما كبروا و حملوا و جابوا احفاذ الحين ما معي ولا نص قطو و الوضع عادي الحمدلله و السبب الوالدة الله يهديها .. من ناحية الوالد يحب القطاوه و له خبرة كبيرة فيهم و في انواعهم و مميزات اغلب انواع القطاوة .. شكلي بخربها و بجيب لي نمر حتى محد يتجرا يرميه بالشارع |
رد: شتسون لو كنتو مكاني؟ :<
:eek:ياأخي احمد ربك انا امي والساعه 12 بليل قالتلي القطط اليوم مش هتبات ف البيت ولسبب مرة تافه وخلتني انزل الف ف الشوارع الين الساعه 2 بليل وحطيتهم عند واحد لفترة
.... |
رد: شتسون لو كنتو مكاني؟ :<
الله يعينكم
والله حالتكم حاله ويا اهلكم مع القطط كويتيه .. قولي لابوج ان الشعر مابيأثر على حمل اختج دام القطط اللي عندج سليييمه ومافيها مرض والعيال مابيأثر عليهم لو كان ماعندهم ربووو .. انا عمتي ولدت وتجينا كثيير .. وقطاوتي كانوا بروحون عند البيبي وهم شعرهم طووويل .. وماجاه شي الحمدلله لانه مافيه مرض بالجهاز التنفسي مثل الربو وغيرهـ.. |
رد: شتسون لو كنتو مكاني؟ :<
من جد سالفه الله يعينكم
أنا صار لي بس مع زوج أختي هالسالفه طلع براسي نخل لما حملت أختي وسوس فيها وغيرها 180٪ درجه مع أنها كانت تحبهم وحملت حملها الأول وطيحت وأتهم قطاوتي بس لما طلعت فحوص المستشفى ماكان السبب الجرثومه كذا من ربي كاتب لها بدون سبب وبحملها الثاني الحين ركد شوي بس باقي يحرص ويوصي عليها كويتيه الشعر ماله علاقه بالجرثومه فهميه هالشي وعطيه مواضيع يقراها ،، أنا قريتها حق أختي وأهلي والحمدلله فهموا وقولي له أنك بتخلين زعتر أو أي قطوه قريبه على قلبك وعطيه وعد ،، قولي له يبه بس جربني فتره أذا سوا أزعاج وضايقك بصرفه و ماراح تحس أنه موجود أصلاَ ،، وأنتي بشطارتك جهزي لقطوك غرفه أذا كان الوالد مو موجود طلعيه بالبيت وأذا موجود حده غرفتك لو بتاخذينه وأذا كلش مارضى خليه عند ناس تعرفينهم بس فتره معينه حتى أبوك يهدا ويشوف حالتك حزنانه عليهم ويلين راسه بعدها رجعي زعتور |
رد: شتسون لو كنتو مكاني؟ :<
الله يعيينك ويصبرك اجل
:( طيب لو تقولين له ان الشعر ما يادي البيبي حاولي :( |
| جميع الأوقات بتوقيت GMT +3. الساعة الآن 09:24 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو