منتديات تو زوو - اطلب رأي الخبراء، هل سعرها غالي

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - اطلب رأي الخبراء، هل سعرها غالي (http://www.2zoo.com/vb/showthread.php?t=71487)

اطلب رأي الخبراء، هل سعرها غالي

السلام عليكم ورحمة الله وبركاته

أرجو من الخبراء بالقطط الرأي والمشورة
يوجد قطة مواصفاتها:
1. أمريكية long hair
2.ألوناها خليط(أبيض ورمادي فاتح وبيج)الأبيض هو الغالب وذيلها رمادي
3. شعرها طويل وناعم
4. عيونها مستديرة واسعة وفيها نظرة بريئة
5. أرجلها قصيره
6.عمرها شهرين و12 يوم
7. أخذت التطعيم الأول وتملك شهادة صحية.

سعرها 2100ريال
* الشراء من صاحبها مباشرة..

القطه تحب اللعب ونشطة جدا، وذكية، ونظيفة
ومتعلمه على الحمام، ومتعاونه وقت الاستحمام(مع انها تخشاه كأي قطة)

أنا محتار لأن سعر القطط الأمريكية لا يصل 1000 ريال، لكن ما يجعلني متعلق بشرائها
أن صاحبها علمها بعض الحيل(حيل الطاعة) تقف تجلس تنفذ أوامر معينه.

فما رأيكم هل أشتريها وأتوكل على الله أم أن سعرها غالي..
وان كان غالي فما هو متوسط أسعار القطط (american long hair) المدربة

شكرا لحسن استماعكم وتعاونكم

رد: اطلب رأي الخبراء، هل سعرها غالي

2100 ؟؟

ما ادري والله

بس احسها غاليه

لان الامريكي مثل ماقلت سعره بالألف

يعني لو مدربه احس 1600 كويس

رد: اطلب رأي الخبراء، هل سعرها غالي

الله يسلم يديك ع الرد:)

انا معاك ان الامريكي من القطط الرخيصه
لكن اللي عاجبني فيها ذكائها وتدريبها، ولا وش رايك أخوي؟

وباقي الاعضاء وش رايهم..
ياللي تربون وش رايكم

رد: اطلب رأي الخبراء، هل سعرها غالي

والله راينا من رايك هالقطوة غالية شوف راعيها اذا نزل سعرها زين على زين اذا مانزل سعرها خلها تولي واشتر وحدة ثانية

رد: اطلب رأي الخبراء، هل سعرها غالي

اخوي "وحدوه" بالعاده القطط الامريكية المدربة كم توصل اسعارها؟!
لأن ما عندي خبره ابدا لا بالأنواع ولا الأسعار...
يعني لو بتقترح اشتري ثانية بكم يجي سعرها؟ وابيها مدربه وامريكيه لأن شكلها عاجبني..

اشكرك على تعاونك، وبانتظار ردك

رد: اطلب رأي الخبراء، هل سعرها غالي

اختي "سيسي" اخوي "وحدوه"
اشكركم لاستجابتكم على رسائلي

واتمنى من باقي الاعضاء افادتي بالاسعار التي قد تصل لها قطه بهذه المواصفات..
وهل يوجد عضو يملك قط مدرب وخصوصا"امريكي"

رد: اطلب رأي الخبراء، هل سعرها غالي

أنا كنت أملك أمريكي وحتى يوم جت تولد كل المحلات ما رضوا يشترو صغارها :(..

أخوي أنا من وجهت نظري لا تشتريها 2100 حرام ياخوي أشتر شيرازي ولا هملايا أحسلك ;) ..

وأكثر سعر شفته بالأمريكي 1000 وغالباً 700 ريال ;) ...

وتقبل مروري ,,,,

رد: اطلب رأي الخبراء، هل سعرها غالي

ولله القطط الآمريكيه اللي تقولونها عنها آمريكي لونغ هير ماتستحق آكثر من 700
بس الغريب آنك تقول رجولها قصار هذي ميزه حلوه لكن ماترفع سعرها الى 2100
بالقيمه هذي تشتري لك بيكي فيس .. آو آي نوع آحسن منها وتدربه آنت بنفسك بتكون تجربه ممتعه ويقوي الرابط بينكم..

قطي الذكر الحين آذا ناديت بآسمه يلتفت على حتى لو هو نايم يفتح عيونه ،،وآذا قلت له تعال يجي..وآذا كان يمشي وراي
وقلت لا يوقف محله يعرف آني ماآبيه يلحقني..وآذا قرب على شي ممنوع وقلت لا يتراجع..
وما يتقبل هالآوامر ولا يستجيب لآسمه الا معي آنا بس يعني آذا جا آحد من آهلي يناديه مايلتفت ..

لآنه يعرف نبرة صوتي مايتواجب الا لها ..علشان كذا آقولك ياآخي آذا عزمت تشتريه جرب هل بيستجيب لصوتك
وآذا فيك تاخذه يوم لبيتك وتجرب تعاونه مع الآوامر ..

وشوف اللي يريحك الآخوان نصحوك وهالشي بالنهايه راجع لك :)

رد: اطلب رأي الخبراء، هل سعرها غالي

نصيحة لوجه الله لاتشتري 2100 اذا كثر 1200 اما 2100 قوية خاصة انها امريكيه الافضل اشتري فارسي ولا شيرازي

رد: اطلب رأي الخبراء، هل سعرها غالي

ياعالم ليش الاسعار كدة غالية قطتي من بريطانيا وبعطي اولاد اولادها بدون ولا شيء وعندما عشت في امريكا جارتي ايطالية قطتها ولدت قطط الي شكلها زي النمر رصاصية اعطتني منها بدون ولا شيء والله حرام اسعار القطط ده حرام يضحكون عليكم الناس انااعرف واحدة امريكية تروح مصر تلم قطط الشارع وتعتني بهم وتبيعهم في امريكا ومن يريد التبني تعطيه

رد: اطلب رأي الخبراء، هل سعرها غالي

السلام عليكم ارسل صورتها يمكن مو امريكي واذا كانت 2100خذ لك زوج احسن لك.

رد: اطلب رأي الخبراء، هل سعرها غالي

اقتباس:

المشاركة الأصلية كتبت بواسطة الفايلسوف (المشاركة 628640)

أفا يعني الامريكي خرطي:rolleyes:
مشكور أخوي ع الرد وإن شاء الله تلاقي من يشتريهم:)

اقتباس:

المشاركة الأصلية كتبت بواسطة آنو (المشاركة 628727)

فكرة والله اجيب لي وحده وادربها بنفسي
وبالنسبة لرجليها أنا ما عندي أدنى خبره بس أقول يمكن عشانها صغيرة طالعة مملوحة:cool:

شكرا لمررورك ونصيحتك القيمة:)

اقتباس:

المشاركة الأصلية كتبت بواسطة (خالد) (المشاركة 628739)

نصيحة لوجه الله لاتشتري 2100 اذا كثر 1200 اما 2100 قوية خاصة انها امريكيه الافضل اشتري فارسي ولا شيرازي

خالد...
شكرا لك وتسلم على الرد:)

اقتباس:

المشاركة الأصلية كتبت بواسطة gosy (المشاركة 628754)

صحيح ان اسعارها غاليه، لكن العناية هي اللي تكلف قيمة القطط مرتين، ولا وش رايك؟

اقتباس:

المشاركة الأصلية كتبت بواسطة أنس الصويري (المشاركة 629236)

السلام عليكم ارسل صورتها يمكن مو امريكي واذا كانت 2100خذ لك زوج احسن لك.

ويمكن تكون امريكية صارت لها طفرة جينية:D
شكرا لمروركم الكريم

رد: اطلب رأي الخبراء، هل سعرها غالي

شكرا لكل من رد على سؤالي
.............
وفعلا عالم القطط كبير ولو مت مارح اوصل اخره..
وشكرا لكل من اقترح علي ادور غيرها لأن هذا اللي بيحصل..

:):):):):):):):):):):):):):):):):):):):):)

رد: اطلب رأي الخبراء، هل سعرها غالي

اقتباس:

المشاركة الأصلية كتبت بواسطة biologist (المشاركة 628256)

6.عمرها شهرين و12 يوم
7. أخذت التطعيم الأول وتملك شهادة صحية.

اللهم لك الحمد بس ...

توي آنتبه لعمرها ،، آجل شهرين ومدربه :p
القط بهالعمر تقوله هشش وبالحيل يفهم

مادري شقول :)

الحمدلله آنك تراجعت عن قرارك وياليت آذا آحد بيشتري لآول مره يستشير كلنا آخوان هنا ونستفيد من بعض

رد: اطلب رأي الخبراء، هل سعرها غالي

هههههههههههههههه صادقة أختي ( آنو ) عمرها شهرين ومدربة ههههههههههههههههههه:D

رد: اطلب رأي الخبراء، هل سعرها غالي

انا في الرياض و خويي شايف قطة أمريكية بيضاء كامل شهرين 200 ريال السعر غالي جدا جدا جدا

انا شاري شيرازي 500 بس وصحتها تمام ولله الحمد

رد: اطلب رأي الخبراء، هل سعرها غالي

2100

تدفعيها فى امريكى

لا مرره حرام

اشترى هملايا احسلك وافيدلكـ << لوزين هع

رد: اطلب رأي الخبراء، هل سعرها غالي

×

عليكم آلسلآم ورحمة آلله وبركآته ..

2100 غآلي على قطه آمريكيّـه .. حتى لو كآنت مدرّبه ..

ألوآنهآ مآتهيئ آنهآ تكون بهذآ آلسعر :S

بعدين حتى ولو آنهآ مدربه يمكن تستجيب لـ صآحبهآ ولآ تستجيب لـ غيره ..!

خذ لك قطه نوعهآ حلو ولونهآ حلو .. هملآيآ مثلاً .!

ودربهآ آنت بنفسك .. آلتدريب مو صعب مره بس محتآج صبر ..

وآلقرآر بآلأخير لك .. وآلله يوفقك ^_^

×