قصتي مع حصاني
 

سلام عليكم

عندي حصان من يوم عمره سنة والحين عمره 7 سنوات وطوال هالمده انا اكثر واحد اعتني فيه مع انه ربعي بعد يعتنون فيه وانا اسمح لاي واحد انه يركبه ما عندي مانع بس في هالفترة خلال شهرين صديقي اتشرى له فلو عمره سنتين لاحظة انه حصاني مقهور منه من يمر صوبه يبي يرفسه و ساعات من يسمعه يصهل بعد حصاني دائما يحب يكون راعي المكان وهذا شي عاجبني فيه المهم لما كمل عمر الفلو سنتين وشهرين بدأت اروضه وصار اهتمامي بي اكثر من حصاني لمدة شهر والحين صار لي سبوع من ركبت الفلو لاحظ اني من امر على حصاني يهجم يبي يعضني بس من اكلمه يهدأ ومر مريت خلفه رفسني بس ما كانت قوية وادري انه قاصدها كان بس حاب ينبهني انه هو للحين موجود ولما سألت القادمه بالخيل قالوا لي انه الحصان يغار عليك والفلو سرقني عنه وهذا شي فرحني كثير لانه حسيت انه تعبي معاه كل هالسنين ما راح هدر والله يخلي لي انشاء الله

اتمنى قصتي تعجبكم وهذا طبعا دليل على ولاء الخيل لصاحبه وللاسف ظهر حاليا الكثير من المربين الي يعتمدون على العمال في كل شي

وسامحوني على الاطالة

ولا تحرموني من ردودكم

رد: قصتي مع حصاني
 

ماشاءالله عليه شطووور ..!

لا تغيب عنه مرة ثانية..ولا تنساه ..!


يتربى في عزززك ..!

رد: قصتي مع حصاني
 

تسلم على الرد الحلو

رد: قصتي مع حصاني
 

حلوة القصة تسلم بس لا تنساه مرة ثانية ....

تقبل تحياتي

رد: قصتي مع حصاني
 

منور عشق الببغاء تسلم

لا ماراح اغيب عنه

رد: قصتي مع حصاني
 

رد: قصتي مع حصاني
 

لا انشاء الله ما راح ينقهر لاني رجعت اهتم فيه

وشكرا سكر بنات

رد: قصتي مع حصاني
 

السلام عليكم ورحمة الله وبركاته

الله يعطيك العافيه ياروك و الله يسلمك ويعوذك من كل سوء زقطه او عضه انا اوافقك بالرأي باللي تقوله مع اني احس ان بعض الردود مستهزئة او ماهي مصدقه القصه أو شايفتها قصه مالها اي معنى انا ازيدك من الشعر ابيات بكذى قصه سمعتها وصارتلي.
* ذكر لي قصه من قبل لا ابلش بإهتمامي بالخيل عن فرس رباها صاحبها وهي فلوه لين ماكبرت فدربها على الريس ( السباق ) ففي احد السباقات اللي كان يخوضها فيها كان يجري فيها وتعدو نقطة الإنطلاق بمسافة 100 أو 150 متر تقريبا يعني بعز جريانها فانقطع حزام الركاب فيه وطاح لي قدام بالقرب من راسها من جهة اليمين تعرفون الفرس شنو سوت مدت ايدها اليمن حقه علشان مايطيح رواسي على الأرض وضلت تركض على ثلث رجول لين خففت سرعتها فكانت النتيجه انه طاح بإصابات طفيفيه ماتذكر وخوينا كان ناوي يبيعها بعد الريس فمن بعد هالسالفه ماباعها وقال تموت عندي الفرس ولا أبيعها.
*واللي صار معاي اني كنت اروح مربط عندنا أأجر خيل اركبها وكان عندهم فحل شرس لي ابعد الحدود لدرجت لو تمر من جمبه يترصدك علشان يعضك ويهاجمك بشراسه السباع ومحد يدخله إللا السايس لما يبي يحطله الأكل وانا كل ما أروح اجيب جزر او سكر وأعطي الخيل كلها بما فيهم هذا الفحل طبعا من بعد وبحذر لين ما الله وفقني اني اقدر المسه وابوسه حتى على خشمه وكان ينتظرني لما أجي يصهلي ويناديني فجيت بيوم من الأيام ومعاي صاحبي فقلتله خلنى نجرب شغله ابي اشوف الفحل شنو يسوي فقلتله ابيك ترفعني عن الأرض وتضغط على ظهري وابي اناديه واستغيث فيه فلما صرخت طالعني الفحل وناديته بأسمه بإستغاثه والله فكاد يكسر الباب ويصاهل ويطامر داخل غرفته لين ما نزلني وخويي طبعا خلاني وهج وكان ينتضره يمر جمبه علشان يهجم عليه لين ما قلت له ان يمدله بجزر وسكر بعدها عفى عنه.
فأنا امد ايدي بايدك بصدق ولاء الخيل لصاحبها ووفاءها له ، وآسف على الإيطاله ولا يزعل مني من قصدته بالردود ولكن كلمة الحق تقال
(( والرسول عليه افضل الصلاة والسلام قال: الساكت عن الحق شيطان أخرس ))

رد: قصتي مع حصاني
 

تسلم تسلم بس الحمد الله انشاء الله ما في رد استهزاء

وقصة عن جد روعة

بس للاسف في الوقت هذا صار الاهتمام بالخيل مو مثل قبل

رد: قصتي مع حصاني
 

ما شاء الله اصيل

رد: قصتي مع حصاني
 

تسلم اخوي غسان

رد: قصتي مع حصاني
 

ما شاء الله

رد: قصتي مع حصاني
 

رد: قصتي مع حصاني
 

يسلمممممووووو منورين

رد: قصتي مع حصاني
 

هي والله ياخويه صدقك..

الخيل يوفي لصاحبه..

وصدقك اللي الحين صاير انه كل واحد عنده حصان سار ويابله عامل..

والله يخليه لك..

ونتريا يديدك..

رد: قصتي مع حصاني
 

حياك الله اخوي بوذيب وتسلم على مرورك