منتديات تو زوو - تجربتي أرجو ان يستفيد منها الأخوان

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - تجربتي أرجو ان يستفيد منها الأخوان (http://www.2zoo.com/vb/showthread.php?t=66141)

تجربتي أرجو ان يستفيد منها الأخوان

هذه تجربتي أرجو من الله أن تكون لها فائدة وأن يقوم أهل الخبرة بتحليل ما حدث لكي لا يقع أحد من الأعضاء في نفس المشكلة لا سمح الله ...

ببغائي الافريقي عمره اربع شهور ونصف تقريباً والطير نشيط ما شاء الله وشهيته للأكل ممتازة وامس الظهر روشته بالماء والجو حار وبعدين قدمتله في الليل الأكل وكان يأكل كل اللي احطه له تقريباً بس هالمرة ترك الأكل والحين له تقريباً 13 ساعة ما أكل بس يشرب ماء لاحظت انه فيه بياض في واحد من فتحات الأنف وأنه شيء أبيض متجمع وهذي صور أنفه

صورة
http://www.pusup.com/up/get-7-2008-r1x17s3x.jpg

زادة الحالة بعد خمس ساعات شوفوا الصور عينه صارت كذا وفيه مادة لزجة تطلع من أنفه الأيمن فقط وإحمرار حوله والجهه اليسرى تقريباً عادية واذا اعطيته الفلميسين رجع مرتين او ثلاث ويطلع مع الترجيع حب تباع الشمس اللي قبل يومين أكله ودايم نافش ريشه وخامل وبالنسبة لبرازة أكرمكم الله لونه أخضر غامق ونسبة الماء فيه كثيرة .. وانا أعطيه بيالة ماء مخلوطة مع ملعقة سيرلاك . المرض قاعد يزداد

صورة

http://www.pusup.com/up/get-7-2008-5rh4ghgq.jpg

وانا وديته للبيطري وأعطاه إبره في صدره مضاد حيوي ومرهم للعيون .. وقام وخز الطير من بين أنفه وعينه بالإبره وطلع منها سائل .. يقول عنده زكام وإلتهاب حاد وإحتمال يكون فيه تجبن .. والعلاج اللي أعطاني إياه للزكام والإلتهاب وبعد ما أعطيه العلاج راح يشوف التجبن كمرحلة ثانية .

وقال إبرة المضاد لمدة ثلاثة أيام وأعطاني كبسولات فيتامين ..

لكن سرعان ما تطور المرض بعد ساعة ونصف تقريبا أنتفخ الحلق اللي تحت المنقار بالضبط وانتفخ الجانب الأيمن للوجه وبعدها بأربع أو خمس ساعات مات الطير .. كل هذا خلال يومين ونصف تقريبا

الصور
http://www.pusup.com/up/get-7-2008-f2v0415w.jpg

http://www.pusup.com/up/get-7-2008-88uj7ejx.jpg