|
بغيت تساعدوني في اكل قطتي الصغيرة
قووووووووة
انا اليوم بس شريت لي قطوه صغيره شيرازيه دول فيس لونها ابيض ناصع وعيونها زرقاء تينن ما شاءالله عليها وعمرها شهر ونص بس ان شاءالله اصورها جريب واحط لكم الصور بس انا خايفه عليها شوي لانها من اول ما يبتها اليوم تحب تنام في حضني وايد والحليب اللي سويته لها ما شربت منه الا شوي بس تلحسه بلسانها انا شريت لها حليب خالي الدسم وفورته لها على النار وبردته شوي وعطيته لها بس انا خايفه لانها ما شربت وايد... شربت بس قليل هل هذا طبيعي في القطط لانها صغيره ؟؟ انا يوم رحت اشتري لها حليب وهالسوالف قالي البياع اعطيها بس حليب ومكمل الحليب اللي اهوه مثل البودره اخلطه لها ويا ماي واعطيها اياه وقالي الحين في هذي السن اهي ما تاكل بس تشرب حليب لين تكمل ثلاث شهور او شهرين ونص .. بعدين اعطيها تاكل هل هذا الكلام صحيح ؟؟؟ واللي ملاحظه عليها بعد انها ماوصخت اليوم !! هل هذا شي طبيعي ؟؟ وجم مره توصخ باليوم ؟؟ وبعد بغيت اسال عن النوم شلون اخليها تنام ؟؟ ودرجه الحراره المناسبه لها ؟؟ هل اخليها في الايسي عادي ولا يضرها ؟؟؟ بلييييييييييييييز انتظر الرد |
رد: بغيت تساعدوني في اكل قطتي الصغيرة
عندي سوال لك
هل قطتك عينها مفتوحة أو لا يعني مغمظة جرب لها أكل قطط الذي يباع في الاسواقكم |
رد: بغيت تساعدوني في اكل قطتي الصغيرة
عندي سوال لك
هل قطتك عينها مفتوحة أو لا يعني مغمظة جرب لها أكل قطط الذي يباع في وهو متوافر في الاسواق أو محلات الموجدة في منطقتكم أو محلات بيع الحيوانات وسسلامي لكم أخوك أخطبوط |
رد: بغيت تساعدوني في اكل قطتي الصغيرة
قطوتي عينها مبطله كامل
وعادي تمشي وتقفز وتنظف روحها بس مادري ليش شفيها ماتبي تشرب حليب يمكن لانها شالوها من امها ؟؟؟ انتظر رد الاعضاب ليز جاوبوني على سوال سوال :( |
رد: بغيت تساعدوني في اكل قطتي الصغيرة
قطوتي عينها مبطله كامل
وعادي تمشي وتقفز وتنظف روحها بس مادري ليش شفيها ماتبي تشرب حليب يمكن لانها شالوها من امها ؟؟؟ انتظر رد الاعضاء بليز جاوبوني على سوال سوال :( |
رد: بغيت تساعدوني في اكل قطتي الصغيرة
لست املك خبرة في مجال تربية القطط
ولكن أعتقد ان قطتك في عمر تفضل فيه الطعام على الحليب |
رد: بغيت تساعدوني في اكل قطتي الصغيرة
انزين شلون اعرف انها شربت حليب كافي وخلاص شبعت ؟؟؟
لاني حاولت عطيها تلحس من صبعي واجرب يدي من الصحن اللي فيه الحليب وتلحس شوي بس مب وايد شلون اضمن انها حصلت كفايتها من الحليب ؟؟ بيليييييييييييييييييز جاوبو على اسئلتي :( |
رد: بغيت تساعدوني في اكل قطتي الصغيرة
ولله ضحكني هالبائع اللي شريتي منه لما قالك شربيها بس حليب حتى ٣ شهور
عاااااالم يااااااناس ياحبايبي لمتى نقول لاتشترون قطوه بعمر شهر ونص ولا نصين !!!!!!!!! :( يااختي ولله بتتعبين معاها مناعتها ضعيفه وحرام تنحرم من امها ثاني شي القطوه بهالعمر تاكل اسلقي لها دجاج وقطعيه قطع صغيره واضيفي عليه مرق الدجاج وعطيها بعد شوية سيرلاك ياعمري عليها بس :( |
رد: بغيت تساعدوني في اكل قطتي الصغيرة
:(
يعني شلون الحين ؟؟؟ قطوتي بتمووووت ؟؟؟ حرااااااام ليش ساعدوني تكفوووووون |
رد: بغيت تساعدوني في اكل قطتي الصغيرة
حبيبتي ماحد قال انها بتموت:)
روحي وكليها الحين وحاولي فيها وان شا الله بتاكل |
رد: بغيت تساعدوني في اكل قطتي الصغيرة
انا شاريه لها اكل kitten ماركه felix عطتها منه بس ماتبي تاكل
شربتها حليب تلحس يدي وتشرب كلش قليل من الصحن :( ياعمري عليها ... انا مادري انها باهالعمر ما تاكل بروحها انا عبالي تاكل بروحها لانه قال البائع بدت تاكل بروحها شويه ان شاءالله خير ياربي :) |
رد: بغيت تساعدوني في اكل قطتي الصغيرة
سلاام
عادي تاكل بروحها ......... بقول لك عن خبرتي لاني شريت قطوتي بعمر شهر ونص مثلج .... كنت اعطيها 1- جبن مثلثات 2- دجاج مسلوق بدون عظم 3- حليب خالي الدسم 4- اكل خاص بالكتن ( عطيت قطوتي فانسي فيست و ويسكاس للكتنز و 9 لايفز) ويكون الرطب ... وحاول تعطيها شويه دراي فود ...شويه بس 5- السيريلاك اهتمي فيها مررره لانها لسه صغيره ولا تحطينها قريب مرره من المكيف عشان لا يحوشها زكام ... واذا جاها سهال وانتي بكرامه .. استخدمي الروب "زبادي" وشوية عسل و استخدمي الماي حق الاطفال اللي يباع في الصيدليات سلااااام |
رد: بغيت تساعدوني في اكل قطتي الصغيرة
مشكووووووور اخوي nightdrive9
على ردك اللطيف :) واااااااااايد اسعدني ردك انزين جبن مثلثات اي نوع بالضبط ؟؟ ينفع اعطيها جبن شرايج شيدرز ؟؟؟ جربت اعطيها اكل الخاص بالكتن اللي يكون رطب بس ماكلت منه والسريلاك شلون اعطيها ؟؟ بالابره والحليب نفس الشي اخليها بالابره ولا تلحس من الصحن ؟ مع العلم اني عطيتها تلحس الحليب من صبعي بس ما شربت وايد يمكن لانها اليوم اول يوم لها وياي ؟؟؟؟ ان شاءالله بجرب اللي قلته لي وبدعي لك ان شاءالله في كل صلاه :) |
رد: بغيت تساعدوني في اكل قطتي الصغيرة
الاعضاء ماقصرو ممممممممممممممممممممعععععععععك
ياأختي دلع بحريني وأتمنا أعضاء القسم يسعدونك وووووووووووووووووووووووووووووووووووووووووووووووووسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسلامي لكم أخوكم أخطبوط نت من الامارات العربية المتحدة وأتمنا أن نا شاهد موضعوتك المفيدة |
رد: بغيت تساعدوني في اكل قطتي الصغيرة
هلا اختي هي ماهي راضيه تاكل لانها ماهي عارفه انو هذا اكل انا قطوتي خليتها تاكل من يوم ماصار عمرها شهر واسبوع بدات معاها بالسيريلاك اول شي تحطينه في فمها يعني ادهنيه بفمها وخليها هي تلحسه يوم تذوق طعمه رح تيجي لاصباعك وتحاول تلحس انتي اكليها باصباعك مرتين ثلاث بعدين قربيلها الصحن وهي رح تاكل وبعدين قطعيلها خبز وحطيه بصحن واخلطي معاه حليب رح تاكل وهاكذا وبعدين ابداي معاها بالبيض وبعدين الدجاج
وهذي طريقه اكيده ^_^ ولاتسبحينها الا يوم يصير عمرها شهرين بالتمام ويوم تسبحينها اشتريلها دوا اسمه كابتن ينباع في الصيدليات البشريه بعد ماتسبحينها اعطيها هو 1مل علشان ماتسهل لان القطاوه الصغار يسهلون بعد مايتسبحون وطبعا نشفيها مظبوووت وبعدين طلعيها وبالنسبه للبروده عادي تخلينها في غرفه مكيفه ماعليها شي بس ماتكون مبلله او شي اتمنى اني اكون افدتك اختي ومبروووووووووك عليكي ^_^ |
رد: بغيت تساعدوني في اكل قطتي الصغيرة
مشكور اختي فيونا اذا ماني غلطانه :)
وقطوتي مثل صوره القطوه اللي عندج بالتوقيع بالضبط ^___^ وانا اليوم وديتها البيطري يفحص عليها كامل واهي اليوم ما شاءالله شربت حليب من الابره والحمدالله وجربت اعطيها دراي فود حقت الكيتن بس ماعجبها اليوم يوم وديتها حق البيطري قالي لا تعطينها الا حليب الحين لين تكمل شهرين بعدين ابدي اعطيها اكل ثاني قالي كذا يكون احسن لانه معدتها صغيره ... وانا ملاحظه عليها اذونها شوي وصخه مب نظيفه وعيونها تدمع ... قالي البيطري هذي شي طبيعي وقالي لا تنظفين اذنها الحين لانها توها صغيره وهذي منطقه حساسه لا تلعبين فيها بعود تنظيف اذان ولا شي .. هل كلامه صحيح وانه اللي في اذونها شي طبيعي ؟؟؟ مع العلم اني ملاحظه عليها تحك اذونها يطلع منها شي بني مثل القشور !!! انتظر ردكم يالخبراء اي صح قبل لا انسى اذا شريت لها دراي فود حقت الكيتن وبطلته الكيس .. اخليه لها حق يوم واحد وبس بعدها ارميه ؟؟ ولا يصلح اخليه في الثلاجه لي يوم ثاني ؟؟؟؟ |
رد: بغيت تساعدوني في اكل قطتي الصغيرة
هلا اختي فونه مو فيونه ^_^
و اعطيها اكل عادي حرام ماتعطينها كذا تضعف ومايصير فيها فيتامينات وعلى اذونها لازم تنضفينها ليش مايصير تنضفينه :$ اذا مانضفتيه رح تصير فيها ديدان صغيره في اذنها عالاقل نضفيه بمنديل بس طبعا مو مبلل علشان مايصير فيها فطريات وهذا الشي البني مثل القشور ديدان صغيره ماتبين بالعين المجرده وموطيب مره صار لايمو مره تعبت معاها حاولي تنظفيلها اذنها كل يوم وتشيلين الاشياء السوده هذي احسه مو فاهم البيطري هذا الصراحه وعينها نضفيها بمنديل مبلل بماي دافي مسحيلها كل وجها فيه احسن وعلى الدراي فود عادي حطيه في علبه وسكريه بالنايلون وحطيه بالثلاجه ^_^ بس الافضل انك تعودينها على اكل البيت انا عودت قطوتي ايمو ام الي بالصوره^_^ على المعلبات ماصارت تاكل الى منه يعني اذا ماامداني اروح للسوبر ماركت واشتريلها رح تسوي اضراب للاكل مره جربت مااعطيها قعدت يومين ماتاكل تبي الدراي فود خخخ ولاتعطينها اكل ويسكس لانه يسويلها ديدان موطيب اعطيها اي نوع غير الويسكس واي سؤال انا حاضره ^_^ |
رد: بغيت تساعدوني في اكل قطتي الصغيرة
sallam
الاعضاء افادوج ... واذا ما رضت تاكل عطيها بالابره منزوعة الجزء الحاد ... شويه شويه ...... وعادي تاكل .... هو صحيح معدتها صغيره ولكن تاكل جزء بسيط على فترات مش كمثل البالغ على فترتين او ثلاث ... واي سؤال الاعضاء موجودين وفي الخدمه سلااام |
رد: بغيت تساعدوني في اكل قطتي الصغيرة
لازم القطوه تاكل اسلقي لها دجاج وافرميه شوي مو مره واضيفي عليه مرق الدجاج وممكن تحطينه بسرنجه كبيره
وتوكلينا وعطيها سيريلاك لأنك لو اعتمدتي على حليب فقط احتمال يصيبها اسهال الاكل المعلب ماانصح فيه بتاتا وخاصه انها صغيره وبطنها حساس يمكن يضرها بس لو بغيتي براحتك بالنسبه لعيونها مثل ماقالت founah مسحيها بمويه دافيه اما على اذنها اتوقع فيها قراد أذا بغيتي تتأكدين افحصيها بمكان اضائته قويه لو شمس احسن واعكفي اذنها على برا اذا شفتي ماده ناشفه لونها مايل للآسود و حشرات بيضا مره مره صغيره تتحرك معناته قراد وهذا مايروح الا بموية الاكسجين بس حاليا تقدرين تنظفين اذنها في قطره انا استعملها دايم لقططي من الصيدليه البشريه اسمها واكسول لو حبيتي تنظفينها خذي عود الاذن وبلليه بهالقطره وبعدها امسحي اذنها بشكل خارجي على برا ولاتدخلينه داخل وانتبهي تقطرين بأذنها شي:) وحبذا تستشيرين البيطري |
رد: بغيت تساعدوني في اكل قطتي الصغيرة
حبيبتي فووونه مشكوره على ردج اللي يوسع الصدر ^____^
وعلى سالفه اذونها ياعمري قلبي معورني عليها >___< بحاول اشوف لها بيطري ثاني يفحصها والعضور آنو مششكور على ردك الطيب :) وبخصوص هذي القطره حقت الاذن شلون شكلها ؟؟ اذا ممكن تصورها لي اذا ماعليك امر ويعني عادي انظف فيها اذن بوسي ( قطتي ) ما ياثرها ان شاءالله ؟؟؟ الحين بوسي حبيبتي نايمه لين يلست من النوم بحاول انظف اذونها بمنديل ناشف وانتظر ردك بخصوص الواكسول على فكره اهي ما فيها حشرات بيضه داخل اذنها بي فيها نوع القشور البنيه وايد داخل في اذنها من داخل >__< ياااااااااربي ان شاءالله هذا مو مرض خطير ؟؟؟ ياربي طمنوني بليييييز :( وكم شهر يستغرق العلاج ؟؟؟ وشنو السلبيات |
رد: بغيت تساعدوني في اكل قطتي الصغيرة
حاولت انظف اذنها بمنديل ناشف لكن القشور هذي داخل في اذنها ماقادر ادخل المنديل اكثر >___<
ياربي شنو الحل ؟؟؟ واليوم انا كلش ما اقدر اروح للبيطري يوم الاثنين ان شاءالله اذا الله بلغني بروح >____< |
رد: بغيت تساعدوني في اكل قطتي الصغيرة
انزين بعد عندي سوال ...
شلون افرق بين شمع الاذن والقراد مثل ما انتو تقولون ؟؟؟ واخوي آنو هذا اهوه صوره الواكسول ؟؟؟ http://www.chemistdirect.co.uk/image...drops_6051.jpg |
رد: بغيت تساعدوني في اكل قطتي الصغيرة
هلا اختي شمع الاذن يكون لونه بيج مثل شمع الانسان اما القراد يكون مثل ماوصفتيه اذا كانت تحك اذنها كثير وتهز راسها معناته قراد وانتبهي اذا ماعالجتيها رح يروح للاذن من بره ويسوي فطريات انا يوم اهملت ايمو صارتلها فطريات من برا والعلاج زيت زويتون تحطينه بقطن الاذن وتطوين اذنها وتمسحيلها بس اتدخلينه في الحفره يعني بس الي حوله ولازم تنظفين المحل الي هي فيه لان الحشرات هذي يوم تحك تطير للارض ورح تدور مره ثانيه على اذن القطه وتدخل ونظفلها اذنها مرتين باليوم واادري انا قطوتي اخذت اسبوعين بعدين راح منها
|
رد: بغيت تساعدوني في اكل قطتي الصغيرة
ايه نعم هذي القطره اللي استخدمها دايم نصحني فيها بيطري بس ماادري اذا بتضر القطط الصغير ه ولا لا
ونصحني بعد بزيت الزيتون لو بغيت الين هالقشور لأنها حيل ناشفه وحيل ماسكه باللحم القشور اللي قلتي عليها المسبب الاول فيها القراد الحشره البيضا مابتشوفينها مضبوط الا اذا دققتي بأذنها مضبوط اذا حاولت تمسحينها بمنديل ناشف او اي قطعه ناشفه راح تعورينها وتتجرح لأن مثل ماقلت هالماده ماسكه باللحم بس ان شا لله مب قراد ولاشي الافضل تودينها البيطري ينصحك ويشخص حالتها على فكره ماهو معدي للبشر مابيضرك وأنا آختك:) |
رد: بغيت تساعدوني في اكل قطتي الصغيرة
ونسيت اقول ان شمع الاذن يجي لونه بني وشبه لزج يعني به ليونه
اما القراد يجي لونه اسود وناشف وبكميه كبيره هذا غير اضافة أختي founah الحك وهز الرأس وأمالته لجهه |
رد: بغيت تساعدوني في اكل قطتي الصغيرة
واااااااااي فديتكم انتو الثنتين founah + آنو
تسلمون لي حبيباتي على نصايحكم الحلوه ^____^ مساعه نظفت اذن بوسي بعود اذان ممسوح بشويه زيت زيتون والحمدالله نظفت اذونها وطلع منها مثل القشور السوده الحين نظفت وااااااااااايد عن قبل :) حددددي مستانسه ان شاءالله بعد باليل بنظف اذنها لي يوم الاثنين اوديها البيطري ان شاءلله .. ولا ماله داعي ؟؟؟ |
رد: بغيت تساعدوني في اكل قطتي الصغيرة
دوووم الفرحه ^_^
انتضري لين اسبوع اذا ماراح منها وديها |
رد: بغيت تساعدوني في اكل قطتي الصغيرة
حاضرين للطيبين :)
|
رد: بغيت تساعدوني في اكل قطتي الصغيرة
قوووووووووووووة
توني راااااااجعه من البيطري ^____^ والحـــــــــــمدالله الحمدالله ...اللي فيها في اذونها مب قراد ولا شي هذي شمع في اذنها وايد كثير متجمع نظفه لي البيطري بعود اذان ويا مسحه فازلين خفيفه .. وقالي مافيها الا العافيه :) واليوم وانا اتعشا كنت اكل ريش مشوي ( اضلاع) وبوسي كانت جالسه جمبي .. اشتمت الريحه وعلى طول نطت في الصحن وجلست تاكل :) حدددددي استانست عليها وعطيتها ضلع بروحها تاكل ^___^ يعني ان شاءلله مافي مضره لها اذا عطيتها من اللحم اللي احنه ناكله ؟؟؟ |
رد: بغيت تساعدوني في اكل قطتي الصغيرة
محد رد على اسئلتي ؟؟؟
انزين وبعد عندي سوال يعني عادي اخلي قطوتي تاكل من اكل البيت المطبوخ اللي احنه ناكله ؟؟؟ مثل سمج مقلي ولا دجاج مطبوخ ؟؟؟ ما يضرها يعني ؟؟؟ واهي اليوم بعد الصبح اكلت سريرلاك ... عادي السريلاك ما يضرها او يسوي لها اسهال ؟؟؟ انتظر الرد |
| جميع الأوقات بتوقيت GMT +3. الساعة الآن 09:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو