منتديات تو زوو - رجاء خاص من زولكم... لخبراء الجيرمن جميعا بلا استثناء

منتديات تو زوو (http://www.2zoo.com/vb/index.php)

- قسم هواة الكلاب (http://www.2zoo.com/vb/forumdisplay.php?f=26)

رجاء خاص من زولكم... لخبراء الجيرمن جميعا بلا استثناء

اخواني اخواتي طبعا انا من عشاق الجيرمن شيبرد للنخاع يعني بشكل غير طبيعي اهواة هوايه وتقدرو تقولو ادرسو كمان عموما كان عندي فكرت تهجين الجيرمن وارجو ان يكون الجميع يعرف معنى كلمة تهجين بالشكل الصحيح عموما كنت حابي اطلع كلب بصفات الجيرمن العقليه والجسديه مع اختلاف الشكل الخارجي للشكل العام للكب (((طريقة العظام او الالوان)) الفكره كانت في راسي من زمان بس ما كان عندي وقت عموما الاقدار مشت معاي واتنفذت خطتي بلا تكتيك مسبق وبفعل تقدير الخلاق وسبحان الله نجح كل شي وها القصه اسمعوني:::

في البيت عند قرايبي مربين كلبه جيرمن نسبت اصالتها على حسب توقعي 95% حجمها ضخم واذانها واقفه ولا في جيرمن بيور 100% عموما موصفاتها بشكل عام قويه شخصيتها قويه جدا وليست شرسه لكنها حارسه بمعنى الكلمه في الليل وتكون شرسه عند التعدي على ممتلكاتنا بس خلال اليوم طبيعتها روعه ما تأزي احد الا اذا تعدى عليها هذي قصت الكلبه((الانثى))

اما عن الذكر فلديهم في البيت ذكر اسمو ميشو قد ما اوصفلكم كيف هي شراسته هذا الكلب ما راح تصدقو شرس لدرجت لما يكون مربوط وبالليل يجي ضيف البيت ويمر من عندو يهيج وينبح وينتل الحبل المربوط فيه لحدي ما يقرب بنخنق واذا وقف الضيف يتفرج عليها وهو يعرف انو مافي امل ينفك ويروح له اتوقعو ايش يسوي يقعد يعض في الجدار اذا جيتو شفتو الجدار راح تستغربو تقولو مكسر بشاكوش عموما الكلب مطيع لافراد المنزل بشكل غريب وذكي لدرجه غير طبيعيه فوق الخيال____اتوقع الكل قاعد يسأل مانوع كلب الاحلام هذا!!!!

تصدقو انو هذا الكلب ناتج عن انثى جيرمن شيبرد يملكها قريب اقاربي مع كلب مجهول !!!!!!!!!!

وايضا عملية ولادته جائت بدون تكتيك مسبق الاقدار شائت ان تكون معي.... في يوم من الايام كانت كلبة قريب اقاربي حائل اي جاهزه للعشار (التزاوج) فبكل بساطه حملها صاحبها في السياره عشان يوديها لكلب جيرمن اخر عند صديقي للزواج ففجأه قفزت الكلبه من السياره وجرت بسرعه جدا حتى اختفت عن الانظار اكييد عرفتو احساس صاحبها في هذيك اللحظه يسب ويصارح بس عارفين له موب عشان الكلبه راحت هو ضامن انها راح ترجع بس عشان كانت حائل وراح يطلعها اي كلب من الشارع........

عموما بعد ساعات رجعت الكلبه وصار الي صار جات وفي بطنها نطف لكن من مييييييييين من المجهووووووول؟؟؟

انتظروا الولاده بفارغ الصبر عشان يشوف المصيبه الي راح تجيهم المهم ولدت الكلبه جابت خمسه انثى وحده جيرمن شكلا وجسما واما الاربعه الباقين جو ذكوووووور كلهم الوانهم بنيييييي فاتح نفس لون الابينو شيبرد بالضبط وبنيتهم عضليه تلاته طلعت اذانهم مرفوعه الذكر الرابع اذاني كانت غير مرفوعه رافعه فقط الي المنتصف لكن راسها ساقط.....

عموما هذا الكلب الاخير كان من نصيب قريبي فأخذه منهم من عمر شهرين وطلع الكلب الوحش الي قلت لكم عليه فوووووووق ميشوووووووووو...

عموما كبر ميشو وكل ما يكبر نكتشف ميزه فيه ونتمنا كان نشوف كيف كان ابوه طلع طلب قوي جدا تصدقو انو ينط الحيط بكل سلاسه عموام انا شرحت لكم عموما كثير فوق.......

طبعا في بيت قرايبي صار في كلبين الانثى(ايدي) والذكر الي قلت عليه(ميشووو) ايدي هذي الي كانت قايلكم ما كانت تحمل مع انها حملت مره قبل كدا من كلب تابع للشرطه اسمو(سيزر) وجابت اقو نتاج معاه.....

ودايما كنا نفصلهم من بعض عشان ما يطلعها تععرفو الفهم العام قريبي قال ما يبغى احد يطلعها غير جيرمن وهذا الكلب تعرفو امو جيرمن وابوه مجهول فما حب انها تشيل منو فكان وقت الحيال يفصلهم وكنا نوديها عند كلاب جيرمن بيور بس سبحان الله الكلبه صار فيها مشكله ابد ماشالت خمست دورات جات والكلبه ما تبغى تشيل.....

في يوم من الايام نسو الكلب ميشو مفكوك وعندهم فهم انو لسه ما راح يقدر يطلعها لانو يادوبك كمل سنه فجا بالليل عشان يديهم الاكل لقى الكلب مقرووووووووووووون معاها قام يصارح ونصب فيه مووووووويه بس ما في امل بعدين قلنا خلا ص صار الي صار وخلينها يطلعها لمدت تلا ت ايام متفاوته وفي اليوم الرابع تصدقو ايش صااااااااار

للاسف الكلب ميشو supermesho مااااااااات بدون مقدمات تصدقو انو الكل زعل عليه لانو كان كلب قوي والجميع يسأل من وين جايبين الوحش ده عموما مات بعد عمر سنه بس الي مفرحنننننننننننا وخلى زعلتنا بسيطه انو ايدي الكلبه شالت منو وبطنها انتفخت مع ان في البدايه زعلنا عشان طلعها بس سبحان الله مات بعد ما طلعها عشان ربنا يعوضنا بأولادو ....

وفعلا عوضنا تخيلو الكلبه ولدت 8 كلاب في عين العدو من تلات طلعات بس واتخيلو كيف كانت اشكالهم::::

اول شي احجامهم ضخمه بالنسبه لولدات ايدي الاولى من ابناء فصيلتها الجيرمن هذي كانت اول ملاحظه عموما الجراء الان عمرهم تلات اسابيع وفي غايت الجمال تلاته طلعو الوانه لون الجيرمن بشكل عام بس صفاتهم لسه ما انعرف(ذكرين وانثى) والباقيييييييييييين طلعو كلهم اناث واحده اندمجت اندماج غريب بين لون الاب والام طلع لونه صفه نادره والباقين طلعو لون ابوهم.....بنزلكم الصور ان شاء الله .......

عموما كل الي صار هذا انا اقدر اسميه عباره عن التجربه الي كنت ناوي اسويها بفعل الطبيعه يعني في الاخير الكلاب الي نتجت عباره عن:::

ابوهم (من ام جيرمن اصيل مع كلب مجهول) والام (جيرمن اصيل) وكلهم من نوع الجيرمن الكلاسيك حتى الان كانت التجارب بفعل الطبيعه بعد كدا اذا طلع واحد من الجراء بذكاء وعقلية الجيرمن مع اختلاف الشكل فهذا هو المطلوب راح ابدا عمية تثبيت الجنس جينيا للسلاله الي اتمنى انتجها من الجيرمن شيبرد......

الغرض من الجيرمن الي اتمنا انتجو هو انو الجيرمن عرف بشكلو للجميع فحاب اطلع روح وعقل جيرمن وشكل مختلف نوعا ما حتى لا يتعرف عليه الجميع ((((على بلاطه استخبارااااااااااات))

عموما انا اتمنى انو واحد من الجراء يأخذ رأس الجيرمن العريض ويكون لونه لون بني فاتح كامل وتكون اذانيه واقفه ولونها اسود وبوزه يكون اسود هذي هي الصفات الي ابغا انتجها.....

احس اني طووووووووووووولت عليكم اخواني بس الموضوع محتاج دراسه جماعيه مفصله....

في انتظار اراء الجميع .....

طلب الي ما عجبتو الفكره بس يكرمنا بعدم الرد والخروج مباشره عشان ما نبغى نقلبها ساحت عراك مع احترامي لاراء الجميع