|
بنتي تبي قطه وأنا محتار
السلام عليكم ,,
عندي بنت عمرها 8 سنوات وصار لها شهر تزن تبيني اشتري لها قطه وأنا كل مره أقول لها يصير خير ... الى أن جت في يوم وقالتلي متى الخير بيصير :D الصراحه أنا خايف من 5 أشياء قالولي عنها في القطاو: 1- خايف من الحساسيه والأمراض اذا بتسببها لأهل البيت. 2- مادري أي نوع قطه أجيب لها والعمر وشنو نوع الأكل. 3- طريقة ألله يعزكم الحمام للقط والروايح .:confused: 4- تخريب الأثاث ومن راح يقص أظافرها كل مره. :eek: 5- وأذا جيه وقت التزاوج وين أوديه .......... أتمنى الاقي رد على هذي الأمور وبعدين يصير خير :D مشكورين أخوكم قطو عود |
رد: بنتي تبي قطه وأنا محتار
هلا والله اخوي
بالنسبه للقطط صراحه تربيتها صعبه للي ما يحبها اما الي يحبها كل شي يهون البسس للصغار انصح انك تقتني وحده كبيره عمرها على الاقل 8 شهور مطعمه لانها اكثر تحمل وتعتمد على نفسها وان شالله تكبر بنتك وتكتسب الخبره وبيصير عندها صغار من البسه الكبيره وتقدر تربيهم اما عن الاظافر في مقصات خاصه سهل تسهل قص اظافرها وبالنسبه للحمام حط كم حوض فيه تراب في جهات مختلفه عشان القطوه تاخذ راحتها وبالنسبه للنوع مو مشكله اي شي يصلح وهذا الي عندي :) |
رد: بنتي تبي قطه وأنا محتار
اقتباس:
|
رد: بنتي تبي قطه وأنا محتار
- خايف من الحساسيه والأمراض اذا بتسببها لأهل البيت. فى تطعيم مخصص لهذه الاشياء بخمسه وعشرون جنيه مصرى 2- مادري أي نوع قطه أجيب لها والعمر وشنو نوع الأكل. تجيب لها احلى شئ قطه شيرازى مون فيس بيضاء او ابيض فى مشمشى هذا الى تحيه البنات عمرها لا يزيد اطلاقا عن الخمس شهور والافضل انه يكون شهر ونصف بالظبط3 - طريقة ألله يعزكم الحمام للقط والروايح . تعودها على الحمام او تجيب لها الى يقولون عليه الرمل الصحى بس غالى شوى ممكن تجيب بداله رمل عادى وتحط عليه بيكربونات 4- تخريب الأثاث ومن راح يقص أظافرها كل مره. ممكن تجيب لها قصافه مخصصه بالقطط لقص اظافرها او ممكن تسوى لها عمليه نزع اظافر ما تطلع اظافرها ابدا 5- وأذا جيه وقت التزاوج وين أوديه .......... جيب قطو ذكر ما يتزاوج الانثى فقط هى الى تتزاوج |
رد: بنتي تبي قطه وأنا محتار
اقتباس:
|
رد: بنتي تبي قطه وأنا محتار
يا أخي الكريم بقولك نصيحة
اذا أنت فعلا ناوي انك تجيب قط لبنتك فلازم أحد كبير يتحمل المسئولية معاها لان البنت لسه صغيره وما بتقدر تتحمل مسئولية قطه لحالها يعني اذا كنت انت مستعد للمسئولية أو أمها فجيب القطه أما اذا بتخلون المسئولية على البنت فلا تجيب لها بسه لان اهي طفله راح تفرح فيها اول الايام بس بعدين وخاصة مع المدارس وهي قريبة وعلى الابواب فما اظن ان بيصير عندها وقت للقطه اقترح تجيب لها طيور على الاقل مسئوليتهم اقل وبيكونون بالقفص |
رد: بنتي تبي قطه وأنا محتار
انا راي من راي (غزل);)
|
رد: بنتي تبي قطه وأنا محتار
اقتباس:
شكرا لك |
رد: بنتي تبي قطه وأنا محتار
هلا اخوي انشالله تييب قطوة وتصير من ربع هالقسم :p ;) وهي صاجة مسكينة متى الخير بيصير:p قولها يبا الخير باقبال ييب لها قطوة مون فيس لو اهيا تبي قطوة شعرها طويل وكثيف او ييبلها سيامية لو اهيا تبي قطوة تلعب وماتوقف لعب ;) بالنسبة للامراض لاتحاتي تطعيم منتظم بالبيطري تسبحها مرة كل اسبوعين بشامبو خاص ماتخليها تخطي عتبة الباب يعني لو ماتبيها تنعدي من قطاوة الشوارع وتييبلكم امراض وبلاوي لاتخليها تطلع من البيت تتمشى وترجعلك خلها محبوسة بالبيت وهذا اللي صاير مع دمدم قلبي والحمدلله مافيه الا العافية بالنسبة للحمام لازم صندوق خاص تلقاه بمركز سلطان وتراب خاص مو تراب الشارع العادي ( لأن هذا يكون فيه دود وحشرات ) وتنظف التراب كل يومين مرة بشبل خاص يكون مع الصندوق وقت التزاوج يعتمد على القطوة اللي بتييبها نثية ولا ذكر الذكر وقت التزاوج لو مالقى نثية يمشي ويبول بالبيت كله ( يعني يحدد منطقة التزاوج مالته ) النثية تماوي طول الليل وماتسكت الحل انك تتفق مع احد عنده قطوة ووقت التزاوج توديها وتتزاوج وتريح عمرك وبالنسبة لبنتك اخذلها قطوة عمرها 4 او 5 اشهر اولا تكون بعدها موبالغة ولا راح تأذيكم بالتزاوج ثانية لابنات يحبون القطاوة الصغار ثالثا سهل تعلمها على الحمام رابعا تكون توها صغيرونة يعني ماتكون فيها فطريات او مرض خطير او كآبة ( طبعا يعتمد من وين بتشتري القطوة يعني من محل ولا من احد يربي قطاوة ) بالتوفيق انشالله ونبي نسمع عن الخير جريب;) ميرسي . . . |
رد: بنتي تبي قطه وأنا محتار
السلام عليكم و رحمة الله و بركاته ,,
عن الأمراض التي تسببها القطط إضغط على الرابطيين التاليين http://www.2zoo.com/vb/showthread.php?t=11224 http://www.bintnet.com/club/showthread.php?t=144471 لكن لا تخاف يوجد ناس عاشوا مع القطط لأكثر من عشرين سنة و لم يصبهم أي مرض . عن نوع القطة ممكن اتجيبلها سيامي أو شيرازي. والعمرشهريين و نصف إلى ثلاثة أشهر . الأكل اشترلها أكل مخصص للقطط نوع ويسكاس ,بورينا Purina , ناين لايفز Nine Lives .......... أكل جاف و تعطيها من 3-4 وجبات بمقدار ربع كوب يومياً. إلى أن يكون عمرها 6شهور 2-3 وجبات بمقدار ثلث كوب يومياً . و عندما يكون عمرها سنة 1-2 وجبة بمقدار نص كوب يومياً . أما عن الحمام اتجيب طاسة و تحط فيها رمل أو نشارة خشب ( اتجيبا من النجار ببلاش ) و أحسن شيء هو الرمل الصحي المخصص للقطط وتغير الرمل مرة في الأسبوع وتشيل الفضلات كل يوم و لكي اتدرب القطة عليه بعد الأكل و قبل النوم حطها داخل الطاسة و هي تفهم و إذا ما فهمت خربش في الرمل اشوي و تعرف شتسوي وإذا سويت في مكان ثاني لا تضربها و أكرر لا تضربها لإنك إن ضربتها فسوف تخاف منك و لن تفهم و ينبقي أن تشيل إلي عملته بشيء و اتحطه بالطاسة و تخليها تشمى و إن شاء الله تتعلم . و عن تخريب الأثاث يمكنك أن تشتري عامود للخربشة واتعودها عليه . ويبقي على أحد أن يقص أظافر القطة لكن عندما تقص الأظافر إنتبه أن لا تقص عند المكان إلي لونه أحمر فقط عند الحافة لإنك إن قصيته راح يطلع دم من الظفر و راح تتعور القطوة . و في وقت الزواج يمكنك أن تتفق مع أحد نفس ما قالت Dominouqe أو تعرض القط أو القطة هنا و تلقالك أحد من نفس الدولة . |
رد: بنتي تبي قطه وأنا محتار
السلام عليك
انا صج اني ماعرف شئ بس انا من قبل ربيت 4قطاو 2شردو 2ماتو احسلك اشتر من القطاو اللي فيهم شوي فرو عشان اللي عندهم وايدفرو اذا دخلت شعره من القطه فالفم او الأنف تسبب الحساسية والربو والقطط الشيرازيه تنقل بعض الأمراض اذا بتاخذ شيرازيه احرص على ان تكون صحة جيده والقطط القليلين فرو ماعرف شو نوعهم بس انا احب اربيهم لأنهم 1- سعرها رخيص 2- تحب اللعب 3- نظيفة 4- نادرا ماتنقل الأمراض واتمنى اني افدتك |
رد: بنتي تبي قطه وأنا محتار
مشكورين جدا دومينيك وقطوطه وقطوطه العيناويه على المعلومات المفيده :)
بالفعل اليوم رحت اشوف محل قطاو بس لللأسف البياع شكله موظفينه بالمحل بالغلط :D لا يعرف شي وهباب يفهم علي . المهم قلتله عن شيرازي مون فيس مافهم وبعد مجهود قالي عندهم -بيرشن :confused:- هل يقصد الشيرازي ولا نوع ثاني وعنده همالايا صغار حلوين أبيض وبيج عمرهم شهرين .... بس ما أعرف اذا كانو بيور أو مخلطين. وقلتله أبيها تكون نثيه قالي الحين مايبين توهم صغار وكان يقصد البيرشن أم شهر تقريبا... معقوله مايبين :eek: قلت المره اليايه بودي كاميره معاي وبصورهم وبحط صورهم لكم وانتو تنقون لي أي وحده أشتري على ذوقكم ...... اشرايكم :D |
رد: بنتي تبي قطه وأنا محتار
انزين ليش ماتشتريلها قطه سياميه ع ما اظن المهم مثل اللي فالصورة
واكيد بتعجب بنتك وانا جربت من قبل تربية هاي النوع من القطط وهو مب متعب ونظيف وحبووب وهاي القطط طبعا مب مالتي الصور من النت http://alsmoo.com/up/uploads/605212dd5f.jpg http://alsmoo.com/up/uploads/374231d7ce.jpg http://alsmoo.com/up/uploads/5111529f71.jpg http://alsmoo.com/up/uploads/b7ee08df86.jpg http://alsmoo.com/up/uploads/09dd70d2a8.jpg http://alsmoo.com/up/uploads/3aca9a1212.jpg http://alsmoo.com/up/uploads/50b44b9381.jpg واتمنى ان يعجبك هذا النوع |
رد: بنتي تبي قطه وأنا محتار
على قولتك موظفينه بالغلط اكو قطوة مايبين انها ذكر ولا نثية :eek: البيرشيان اهيا الشيرازي الهيمالايا بعد حلوة في هني بالمنتدى مواضيع للاخت leo75 توضح الذكر عن النثية بالقطاوة لو تحب تتطلع لاتاخذها شهرين ترى لابياعين بس يبون يبيعون شهرين تكون مو في سن تطعيم اقل شي تاخذها 3 اشهر يعني مفطومة من الرضاعة من امها ولما بتشتريها تشرط عليه شرط ان تعطيه نص الفلوس اول وتوديها البيطري تفحصها لو طلعت مريضة ولا فيها شي تردها وتاخذ فلوسك او تعالجها وتخصم فلوس العلاج من باجي السعر ولو طلعت فعلا مريضة ومارضى يرجع فلوسك او يخصم سعر العلاج تفهمه انك بتشتكي عليه لأن كان بينكم اتفاق من البداية في بعضهم نصابين ولازم تتبع معاهم هالطريقة بالتوفيق . . . |
رد: بنتي تبي قطه وأنا محتار
اقتباس:
|
رد: بنتي تبي قطه وأنا محتار
اقتباس:
مادري شنو سبب حركاتها ذي .... فخايف أجيب سياميه تطلع مجنونه مثلها :D:D |
رد: بنتي تبي قطه وأنا محتار
اقتباس:
اقتباس:
_الشيرازى المون فيس أجمل و أفضل نوع _و أنصحك لازم تكون القطة مفطومة عشان القطط بتموت لو بعدت عن أمها ....لازم تكون شهرين عـ الأقل _و مش من الضرورى أنك تشترى لها الأكل ...ممكن تعمل لها طبق لبن بالخبز الفينو\ الخبز الطرى أو ممكن تعمل لها بقايا الدجاج \الفراخ مسلوقة اقتباس:
_حضرتك ممكن تحط لها رمل فى الشرفة أو بالقرب من الحمام _و عشان الروائح ضع على الرمل بيكربونات الصوديوم و إن شاء الله مش هيكون فيه روائح اقتباس:
_أنا أعرف أن فيه منتج لكن مش عارفة نوعه بيقولوا أن القطط بتقوى أظافرها فيه.....بصراحة أنا مش بعرف فى الموضوع لأن قطى مبيلاقيش حاجة فى البيت يقوى بها أظافره اقتباس:
_ممكن حضرتك تتبنى لها قط أو تشتريه لأن القطط لازم تتزاوج أو ممكن تشوف أحد من أصدقائك أو أقاربك عنده قط أو ممكن خضرتك تعمل أعلان فى توزو أنك تريد قط للتزاوج ===== و إن شاء الله يصير خير :D أتمنى أكون أفدت حضرتك و أشترى لأبنتك قطة لأن أنا كمان زنيت على بابا كتير و مكنش عاوز يجيبلى قطة تحياتى |
رد: بنتي تبي قطه وأنا محتار
يمكن القطوه اللي عندك كانت مريضة انا القطوه السياميه اللي كانت عندي حبوبة وتحب تلعب وتنام معاي وتلحقني دايماً وتحب تلعب معاي
|
| جميع الأوقات بتوقيت GMT +3. الساعة الآن 08:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو