مساعدة في اختيار نوع الاسماك
 

السلام عليكم وكل عام وانتم بخير.. انا صارلي 3 ايام بالمنتدى بقرأ عن اسماك الزينة.. واليوم ان شاء الله او بكرة .. بدي اشتري حوض + سمك وكل المستلزمات..
ومن وقت طويل كثير كنت حابب اشتري حوض سمك .. وللأسف ما كان عندي مجال..
وانا محتاج مساعدتكم بخصوص اني اشتري مجموعة اسماك.. بحب يكون حجم الاسماك صغير بمعدل 10 سم اكبر حجم ممكن توصله السمكة واهم شيء الهدوء مش الشراسة.. لاني ما بحب الاسماك الكبيرة.. وبنفس الوقت حابب الوان متعددة .. وشو هي الاسماك اللي بتنصحوني اشتريها .. عددها .. وألوانها.. وادا ممكن اجمع بين اكثر من نوع سمك واحد بالحوض نفسه.. وشو هي الانواع الصغيرة الهادئة اللي ممكن تتعايش مع بعضها.. لاني بشوف بمحلات الاسماك بالحوض نفسه انواع عديدة..
يا ريت الرد مع كل الشكر لجميع الأخوة .. نخوتكم يا شباب وبارك الله بكم

رد: مساعدة في اختيار نوع الاسماك
 

مساعدة في اختيار نوع الاسماك
 

بارك الله بك اخوي محمد علي علي ... سعييييييييييييييد جدا لردك .. وبتأسف على التاخير.. انا كنت موجود على المنتدى بس بشوف مواضيع ثانية وبصراحة ما توقعت حد يرد بهالسرعة :) الف الف شكر.. ورح ادخل المواضيع اللي ادرجتها بردك هس.. وان شاء الله اي استفسار رج اطرحه.. لانه ممكن كثير ناس بيفكرو يعملو احواض سمك زينة ومش عارفين من وين البداية :) مشكوووووووووووووووووووووور

طيب قرأت كل المواضيع.. بس بصراحة في اشي محيرني... انا كنت مفكر بدي اشتري حوض السمك مع المعدات كاملة والزينة والسمك مباشرة.. بس بتفاجأ بموضوع انه شهر كامل عشان يصير الحوض بيئة مناسبة للبكتيريا والسمك يعيش.. وبنفس الوقت كنت بفكر اني بدي اشتري كل اشي مع بعضه .. طبعا حوض جديد و و و و و كل المستلزمات جديدة .. مع كل الشكر اخواني الكرام .. والف شكر على الرد والنصيحة.. بالانتظار عشان اعرف اروح اشتري اليوم ولا اشتري اشي معين وبعدين اكمل.. ولا شو .. بارك الله بكم

رد: مساعدة في اختيار نوع الاسماك
 

رد: مساعدة في اختيار نوع الاسماك
 

رد: مساعدة في اختيار نوع الاسماك
 

مساعدة في اختيار نوع الاسماك
 

الف شكر اخواني محمد علي علي.. والولهاااان ... وكل الشباب اللي مرو بالموضوع .. مشكورين ..
مبارح رحت على محلات السمك.. بصراحة لقيت كل اشي حلوووو ..
بس المصيبة اسعار الاحواض الجاهزة غالية جدا... اما التجهيزات الثانية اسعارها معقول.. وعلى هالأساس أجلت الموضوع لاني ما بدي اشتري حوض بهيك سعر وحجمه مش كبير.. اليوم بدي اروح عند محل قزاز عشان اعطيه المقاسات الموجودة بالمنتدى من الشباب طول بعرض بارتفاع وعرض القزاز نفسه بالميلي.. ومن بعدها ابدأ بداية حلوة منسقة.. وبهدوء .. عشان اكمل الزينة وكل المتطلبات الثانية .. ما قصرتو يا شباب والله وعالعموم خطرتلي فكرة ثانية اسرع .. مش استبدال لفكرة الحوض لاني رح اعمل حوض بكل الاحوال ان شاء الله بس بهدوء.. والفكرة هاي اني اشتري 3 احواض براويز معلقة لغرفة الضيوف وكل حوض احط فيه سمكة مثل الفايتر وحابب يكون كل حوض فيه سمكة بتعيش مثل الفايتر بالمياه الراكدة . بس ما عرفت النوع والله لاني حابب يكون كل حوض فيه سمكة مختلفة من هالاحواض ال 3.. وبارك الله فيكم يا شباب ما قصرتو والله .. واليوم بطمنكم بدي ابدأ بموضوع الحوض الزجاجي التفصيل
اليوم ان شاء الله

باكو مان .. كل الشكر واسف على عدم ذكر الاسم سامحني خيووو نورت بوجودك ووجود الشباب

استفسار ثاني يا شباب.. بعد مراجعة احجام الاحواض.. بدي يكون طول الحوض 120 سم .. شو المفروض يكون العرض والارتفاع .. وسمكاكة الزجاج؟ مع القاعدة.. بدوووون دعامات.. غلبتكم بالاسئلة يا شباب.. بس ضروري والله

رد: مساعدة في اختيار نوع الاسماك
 

اخوي الموضوع اسهل مما تعتقد !! اذا كنت تنوي بتربيه الفايتر فالاحواض الصغيره تكفيها مثلا حوض 40*20*20 مع بعض النباتات الطبيعيه او الصناعيه وبعض الاحجار بيطلع عندك الحوض تحفه حسب فنك وذوقك في تشكيله ...

بالنسبه للتصميم الحوض اخي فيفضل ان يكون له غطاء تقليل التخبر من الحوض يفمكن ان تاخذ الحوض عند تبع الامنيوم ويضيف لك غطاء مع ايطار للزجاج فتزيد من منظره الجمالي ... كل هذا لانك طلبت حوض هادئ وجميل وتستطيع الاستغناء عن الاطار فهو للجماليه فقط

واذا كنت تستطيع الذهاب على فلسطين مناطق ال 48 تستطيع الحصول على اسعار ارخص


العرض والارتفاع انت بتحددهم فحسب الاسماك التي تريد تربيتها فانت لا تريد تربيه اسماك مفترسه كبيره فيمكن ان يكون الارتفاع 60 والعرض 40 او 50 حسب مزاجك سماكه الزجاج يفضل 10 ملم والقاعده لو تكون 12 افضل ولكن 10 بيمشي الحال

رد: مساعدة في اختيار نوع الاسماك
 

مشكور اخوي بريانا .. :) كل الشكر على تعاونك .. للاسف ما بقدر اوصل مناطق ال 48.. بس انا طرحت السؤال لاني بدي اروح عند محل زجاج خلال ساعة وحبيت استفيد من اراء الشباب وتجاربهم.. وخاصة اني قرأت انه في احواض بتنكسر بدون سبب ولهيك سألت عن طول 120 سم .. وما عرفت كم رح يكون العرض ولا الارتفاع.. :(
وبالنسبة للفايتر.. انا حابب اشتري 3 احواض معلقة صغيرة يكون فيها سمكة وحدة.. وحابب يكون كل حوض فيه نوع مختلف.. بس يكون بقوة تحمل الفايتر واسلوب معيشتها.. وما عرفت شو الانواع اللي ممكن تعيش مثل الفايتر.. بحوض صغير ومياه راكدة.. :( يا ريت المساعدة من الشباب.. والكم كل الشكر والتقدير يا اخوان .. بارك الله فيك اخوي بريانا..

رد: مساعدة في اختيار نوع الاسماك
 

العفو اخوي بريانا... الفايتر احواض3 منفصلة تماما.. والحوض اللي بحكي عنه .. رح يكون للاسماك الشرسة بعد ما شفتها مبارح بالمحلات مثل السكيلد والانواع هاي.. "عجبوني اكثر من المسالم..." يعني مقاسات الخوض رح تكون لأسماك شرسة..
وبالنسبة للفايتر .. انا اليوم بدي اشتري 3 احواض برواز معلق على الحائط.. وحابب يكون 3 انوع سمك بكل حوض برواز .. سمكة وحدة... واحد من هالاحواض رح يكون فيه فايتر.. وال 2 الباقيين مش عارف شو احط فيهم اسماك.. بنفس قدرة الفايتر وتحملها ومعيشتها..
الله يسعدك خيوو بريانا.. وكل الشباب الموجودين والمارين بالموضوع .. الكل منوووووووووووور :)

رد: مساعدة في اختيار نوع الاسماك
 

اختلفت النية .. :) سامحوني.. بس والله ما كنت متوقع .. الجوبي مثلا طلعت صغيييييييييييييرة كثير كثير.. ما حبيتها هالقد صغيرة.. عشان هيك عجبني السمك الشرس اكبر وأوضح بالحوض.. وبنفس الوقت متعة بتجنن.. بتحس السمكة بتسبح بالحوض وكلها فخر وثقة .. زي العسسسسسسل :)

رد: مساعدة في اختيار نوع الاسماك
 

رد: مساعدة في اختيار نوع الاسماك
 

حتى لو كانت للاسماك الشرسه اخي فالمقاسات التي وضعتها لك مناسبه 120*60*50 بالنسبه للاحواض المعلقه فهناك اسماك بقدره تحمل الفايتر وهي الاسماك الولوده ولكنها سريعه التكاثر وتحتاج حوض تفريخ وحاضنات وما الى ذلك لذا لن تصلح للاحواض المعلقه

هذه طريقتك ولكن ليس شرط ان تكون الطريقه الصحيح !!
وقد نجحت معك وهذا صحيح ولكن الاسماك في الايام الاولى تعرضت لاجهاد كبير
ولو شاهدت جميع المواقع الاكترونيه المتخصصه في الاسماك والمشهوره .. كلها تقول ان الدوره النيتروجينيه مهمه جدا قبل البدا في التربيه

انجل مان .. مشكوووور خيووو جدا عالرد .. وعجبني ردك لاني برضو مستعجل :) ويا ريت تعطيني نصيحتك بباقي الاسئلة .. وممنونك خيووو :) اسعدني ردك جداااااااااااااااا طمني وريحني.. الله يريح بالك ويسعدك

بريانا .. المقاسات حلوة 120 طول... عرض 60 ... ارتفاع 50 ... وسمك الزجاج اكيد من 8 الى 10 مل ... الف شكر خيووو ان شاء الله اقل من 20 دقيقة وطالع من البيت وبرجع بحكيلكم شو بيصير معي .. عالعموم ان شاء الله خير يا رب.. ومشكور على الرد

شكرا جدا يا شباب.. واخي بريانا.. المفروض حتى لو اصيبت السمكات بالاجهاد بالايام الاولى.. وحتى لو ماتت هالسمكات.. رح يكون عالأقل صارت بكتيريا موجودة في الحوض من السمكات اللي عاشو بيه .. ومن بعد هيك بتوقع ممكن الواحد يشتري اسماك جديدة وتعيش من اول يوم بشكل طبيعي بعد الدورة البيولوجية الاولى.. لنفرض الموضوع هيك :) بتصوري طبعا.. ومشكورين اخواني..

رد: مساعدة في اختيار نوع الاسماك
 

رد: مساعدة في اختيار نوع الاسماك
 

بارك الله بيكم يا شباب ما قصرتو الجميع... اليوم رحت اشتريت 4 احواض.. صغيرة جدارية "برواز معلق..
والسمك اللي اشتريته ... 1 مولي انثى
1 انجل فيش انثى
2 فايتر .. وللاسف وحدة منهن ماتت . كنت شايفها بالحوض ضعيفة حركتها ولما غيرت المية توفت ولكن ما تأسفت عليها.. لانه اصلا صاحب المحل نفسه ماكان عارف شو جنس الفايتر ال2
الله يعوضنا .. عالعموووم
كمان اشتريت لوبستر واحد أزرق.. ان شاء الله بكرة بنزل الصور ..
سألت صاحب المحل شو ممكن احط اسماك مع بعض.. حكالي المولي والانجل بيتعايشو مع بعض وبرضو انا كنت شايف هيك من جدول التوافق..بس للأسف لقيت المولي بتعض وبتنتف ذيل الانجل من اول 5 ساعات .. رحت فصلت كل وحدة كمان مرة لحال.. وحتى بصراحة انا خايف من اللوبستر هاد يطلع من الحوض او يقرص او يعض ... :( العفو يا شباب ما بعرف بأموره.. بس شفته بالمحل عجبني كثييييير ..
وان شاء الله رب العالمين رح افصل حوض تفصيل احسن الي وارخص .. لاني اخدت مقاسات الحوض المعروضة فيه الاسماك وكثييييييير عجبني فيه اسماك شرسة .. والتوفيق من الله .. الف شكر الكم يا شباب والله ما قصرتو وكل احترام لكل الاخوان في المنتدى والمارين بالموضوع

رد: مساعدة في اختيار نوع الاسماك
 

رد: مساعدة في اختيار نوع الاسماك
 

شباب يلي عندو تجربة غير مرتكزة على اساس علمي

يحتفط فيها لنفسو او يطرحها كموضوع للمناقشة مهما كان محترف ونحن نكن له الاحترام

لانو كل جبل وفي جبل اعلى منو عمالقة الهواية يوصون بالدورة النيتروجينية لانها بمثابة السحر الذي ينجيك من الامراض وتوتر الاسماك واجهادها وبالتالي فقدان اللون

اتمنى تكون وضحت الصورة يا شباب