|
مشكلة في عين الأمازوني
السلام عليكم بالأمس إشتريت حجر كلس لأني لاحظت إنه يحاول حك منقاره بأي شيء " وأعتد إني أخطأت" المهم اليوم لاحظت انه خامل لايتحرك حتى لو إقتربت منه وحاط راسه في ظهره وكانت عينه اليمين نص مفتوحه http://www.2zoo.org/uploads/13452987302.jpg وهذه صورة للحجر http://www.2zoo.org/uploads/13452987313.jpg لكن كل ما حاولت اصور عينه اليمين من مسافه قريبه يخاف فما قدرت أصوره لكن لما اصور عينه اليسار يثبت http://www.2zoo.org/uploads/13452993581.jpg فأرجوا المساعدة وشكرا |
رد: مشكلة في عين الأمازوني
اخوي طيرك خامل ياليت تقولنا ايش اخبار اكله وشربه ونشاطه وبرازه وتنفسه
|
رد: مشكلة في عين الأمازوني
أخوي طيرك في حالة مرضية .. كيف براز الطير وكيف أكله وأي شئ باعتقادك أنه يكون مشكلة ..
|
رد: مشكلة في عين الأمازوني
الأكل اللي اعطيه
الحب الشمسي - تفاح - وبعض الأحيان جوز و فول سوداني بشكل قليل و اللب الأبيض من زمان الأكل نفسه يعني ما أضفت شي في الأكل جديد النفس اول ما جاني كان يطلع صوت لما يتنفس بس الحين خف عن اول بكثير أما برازه الظاهر عنده اسهال و نشاطه خااااااامل اليوم بوديه البيطري أعتقد المشكله انه حك عينه على الحجر و هذا اللي أتوقعه |
رد: مشكلة في عين الأمازوني
ما اعتقد حك عينه اخوي اظن عنده اسهال لأنه لو حك عينه ما بيصير له خمول اضافه انه ريش الطير شوي متعب
شوف البيطري وبلغنا بالعلاجات والتشخيص موفق |
رد: مشكلة في عين الأمازوني
بخصوص الريش أول ما جاني كان الريش قليل وكان الجلد ظاهر بس مع الإستحمام و شامبو حق الفطريات ظهر تحسن
وإن شاء الله برد لكم خبر بعد ما ما أوديه للبيطري |
رد: مشكلة في عين الأمازوني
صحيح أمس قمت بعد ما قمت بترويشه خليته تقريبا ربع ساعه في الشمس تقريبا الساعه 10 الظهر هل ممكن يكون السبب ؟
طبعا ماكان فيه رياح وقتها |
رد: مشكلة في عين الأمازوني
لا اخوي ليس هو السبب
وده لبيطري موثوق يشخص حالت الطيرر ~تقبل مروري~ |
رد: مشكلة في عين الأمازوني
من الأفضل تشخيص الطير وإخبارنا بالعلاج الموصوف .. ما يشوف شر ,,
|
رد: مشكلة في عين الأمازوني
لايوجد علاقه علميه بين الترويش وبين التشميس وبين المرد في حال غياب التيار الهوائي او المكيف
تحياتي |
رد: مشكلة في عين الأمازوني
الحمدلله وديته البيطري بعد مالفت ساعه كاملة أدور على بيطيري الأغلب مأجزيين بسبب العيد
لقيت واحد وقالي انه في التهاب في الجهاز الهضمي طلع السبب من الثوم اللي حطيته في الماء مع الليمون وسببله اسهال و اعطاني بودره أحطها في المويه لمده اسبوع أما بالنسبة للعين حط عليها مرهم وقال السبب الجو وكانت حممرا لما فتح عينه وقال راح تخف ان شاء الله والحمدلله على كل حال |
رد: مشكلة في عين الأمازوني
الحمد لله
بس غريبه وش دخل الثوم واليمون شكلك حطيت الوصفه غلط او خليته في المويه اكثر من 5ساعات الله يشافي طيرك وستمر على العلاج الي وصفه الدكتور وبتوفيق... ~تقبل مروري~ |
رد: مشكلة في عين الأمازوني
لا خليتها تقريبا حوالي الـ 6 ساعات لكن 3 ايام ورى بعض
قالي الدكتور الثوم كثرته تحرق كنت أحط فص ثوم و ربع ليمونه اعصرها وشكرا على المرور |
رد: مشكلة في عين الأمازوني
الله يهديك الوصفه غلط ونت مكثر بلكميه
ولاكن قدر الله وما شاء فعل ~تقبل مروري~ |
رد: مشكلة في عين الأمازوني
اقتباس:
اخي الكريم ممكن توضح لي فص ثوم وربع ليمونه كم كميه الماء اللي تحطها عليها؟ ومايشوف شر طيرك ان شاء الله |
رد: مشكلة في عين الأمازوني
ثلاث أرباع الوعاء اللي مثل اللي في الصوره الأولى
|
رد: مشكلة في عين الأمازوني
اخوي محمد
خلطه الثوم بالليمون تكون كالتالي يهرس فص ثوم واحد ويعصر عليه نصف ليمونه وتخلط جيدا وتضاف الى لتر واحد من الماء وبعدها ترج الخليط وتصب منه للطير ويحفظ الباقي في الثلاجه او ييخلص منه براحتك واللي حطيته للطير تشيله بعد ثلاث ساعات كحد اقصى والافضل انك تعطش الطير قبلها بثلاث ساعات او اربع مع العلم اخوي اني اعطي طيوري فص الثوم كما هو بدون هرس او خلط وتأكله الطيور والحمد لله مايضر بالعكس مفيد جداا ويقوي المناعه وحتى الريش له تأثير عليه يعني ما اتوقع سبب مرض طيرك من الثوم الا اذا كان طول عنده الخليط و تأكسد (فسد) |
رد: مشكلة في عين الأمازوني
إذا كانت المدة 3 ساعات انا كنت أحطه 6 ساعات فهذا هو السبب
وشكرا على الطريقه |
رد: مشكلة في عين الأمازوني
أخوي 6 ساعات من وضع خلطة الثوم والليمون لا تضر ..
|
رد: مشكلة في عين الأمازوني
اقتباس:
اخوي الضرر الي سويته لطيرك انك زيدت من الجرعه ~تقبل مروري~ |
| جميع الأوقات بتوقيت GMT +3. الساعة الآن 04:37 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو