|
استفسار عن استقبال الطير عن طريق الشحن
السلام عليكم ورحمة الله وبركاته مساكم الله بالخير يااخوان ان شاء الله في اليومين المقبلين احتمال كبير أني استقبل طير جاي شحن عن طريق الشرقيه وانا من جدة , وبصراحه ماعندي أي معلومه عن طريقة الاستقبال وهل اذهب للمطار نفسه أو قبل ذهابي للمطار يوجد لافته مكتوب عليها ( الشحن الجوي ) لفه على اليمين هل اذهب اليها ؟ ياليت اهل الخبره يفيدوني وهل يوجد اجراءات لابد اتباعها ؟ |
رد: استفسار عن استقبال الطير عن طريق الشحن
.. صــرااحهـ ماالــي خبــرهـ كبيــرهـ بـ هـ الموضــووع !! أنــت رووح المطــاار .. أكيــد التسليــم بيكــوون هنــااكـ !! وآســأل آيــ أحــد !! .. .. وبـ التووفيــق لكـ يــآرب .. ^_^ .. .. آنآستــآزيآ .. |
رد: استفسار عن استقبال الطير عن طريق الشحن
شاكر مرورك
|
رد: استفسار عن استقبال الطير عن طريق الشحن
ماشاءالله الف مبروك اولا على طيرك الجديد وانشاءالله يتربى بعزك اعوام عديده
بالنسبه للشحن تروح لقسم الشحن الجوي عاده وهناك يكون في قسم مخصص عندهم للحيوانات الي جايه بالشحن ويجيبوا طيرك بناءا على رقم مسجل يكون معاك بالتوفيق |
رد: استفسار عن استقبال الطير عن طريق الشحن
اخي اذا عديت نقطة التفتيش تجيك لوحه الشحن الجوي تتجه معاها يمين وتمشي الي اخر الخط وتلف يسار مبنى الشحن الجوي
وعساه مبروك الطير ان شاء الله |
رد: استفسار عن استقبال الطير عن طريق الشحن
بيض الله وجيهكم على المعلومات القيمه وانا كنت افكر اني ادخل نفس المطار , تخيلوا الناس تستقبل اوادم وانا احط صورة الببغاء اذا دخل من صالة القدوم .
|
رد: استفسار عن استقبال الطير عن طريق الشحن
لا تتاخر على طيورك
نسق موعد ارسالها ووقت استقبالها لان قسم الشحن يعاني من اهمال الموظفين |
رد: استفسار عن استقبال الطير عن طريق الشحن
اولا مبروك الطير الجديد يتربى في عزك
ثانيا انا ما عندي خبرة بالنسبة للشحن وا شاء الله يجيك الطير سالم وسليم ولو ما عرفت اسال في المطار وهم راح يقلون لك موفق |
رد: استفسار عن استقبال الطير عن طريق الشحن
اولا مبروك الطير الجديد يتربى في عزك
ثانيا انا ما عندي خبرة بالنسبة للشحن وا شاء الله يجيك الطير سالم وسليم ولو ما عرفت اسال في المطار وهم راح يقلون لك موفق |
رد: استفسار عن استقبال الطير عن طريق الشحن
شف اخوي
المرسل لك يسجل اسمك ورقم جوالك ويرسل لك رقم البوليصه شركة الشحن بدورها تتصل عليك تاخذ الاذن والموافقه منك ويعلمونك متى وصول الرحله تروح لشحن الجوي في المطار تقولهم جايه لي ارساليه يسجلون معلومات بطاقه الاحوال وتدخل تحصل مكتب تتاكد من وصول الرحله انه بنفس الوقت وتعلمهم ان الإرسالية عباره عن طير لانهم تنزل الطياره ويأخذون اكثر من ساعتين ما جابووو الإرساليات كذا هم اذا عرفووو انه طير يتصلون بالمسؤلين لاحضار الطير بشكل سريع عاد انت بهرررر الامور ان الطير غالي جداً ههههههههه وانا كثرت بربره وبالتفصيل الممل لكن عشان تروح وانت على بينه الله يحفظك ويحفظ طيرك ومبروووك مقدما |
رد: استفسار عن استقبال الطير عن طريق الشحن
قسم الشحن الجوي وتقدر تتصل عليهم وتستفسر قبل لا تشحن الطير افضل تكون عارف كل شي قبل يوصل الطير وقول للي بيرسل لك الطير خليه يختار رحله فيها اوكسجين ترا يفطس لو ما قال لهم
|
رد: استفسار عن استقبال الطير عن طريق الشحن
الله يعطيكم العافية جميعاً , تم ولله الحمد استقبال الطير من الشحن سالماً غانماً . بيض الله وجيهكم . تسلمون كلاً باسمه .
|
رد: استفسار عن استقبال الطير عن طريق الشحن
الحمدالله على سلامته الف مبروك
|
رد: استفسار عن استقبال الطير عن طريق الشحن
الله يبارك فيك
|
رد: استفسار عن استقبال الطير عن طريق الشحن
طيب اخوي انا زيك بستقبل طير من جده وانا في الرياض
تقدر تفيدني وش اللي سويت وياليت اذا كان عندك رقم لهم ومن يعرف مكانهم في مطار الملك خالد |
رد: استفسار عن استقبال الطير عن طريق الشحن
السلام عليكم اخوي وحيد الجزيرة
رح مطار الملك خالد واتجه مع طريق الصالات وتعدها تجبك المواقف خلك على طول لا يمين ولا يسار حتى تجيك اشاره وتشوف قبلها لوحه الشحن الجوي تروح يمين بعدها يجيك دوار رح يمين مع طريق مزدوج استمر حتى تجي على يسارك بوابه الشحن الجوي الله يوفقك |
رد: استفسار عن استقبال الطير عن طريق الشحن
السلام عليكم ورحمة الله وبركته
أشكركم على الموضوع المفيد جدا |
رد: استفسار عن استقبال الطير عن طريق الشحن
صحيح كلام بكاتشو انا شحنت اكثر من طير على هاذي الطريقه
|
رد: استفسار عن استقبال الطير عن طريق الشحن
لا هنتوا يا بكاتشو ويا ابو عمر
امس استلمت الطير والوصف ميه الميه يسلموووو |
رد: استفسار عن استقبال الطير عن طريق الشحن
حياك اخوي واديم بالخدمه
والف مبروووك الطير والله يحفظك ويحفظ لك طيرك |
رد: استفسار عن استقبال الطير عن طريق الشحن
الف مبروك وصول الطير بسلامه
|
رد: استفسار عن استقبال الطير عن طريق الشحن
الله يسلمك يالغالي ويعطيكم العافيه جميعاً على ردودكم . دمتم بخير .
|
رد: استفسار عن استقبال الطير عن طريق الشحن
الف مبروك اخوي
|
رد: استفسار عن استقبال الطير عن طريق الشحن
اسعد الله اوقاتك بكل خير
يالغالي انا استلمت طير قبل اسبوعين من الشحن الجوي طريقة الشحن كالتالي اللي بيشحن الطير يروح للشحن الجوي ويعطيهم تفاصيل الطرد بياخذو منه الاسم ورقم الجوال وكذلك اسم المستقبل ورقم جواله بعدها بيرسلو برقيه لجهة الوصول ( الشحن الجوي ) الشحن الجوي اللي في منطقة الوصول راح يكلمو المستقبل او المستلم يبلغوه بالطرد اذا اعطاهم الموافقه على الاستلام يرسلو ( الشحن الجوي ) برقية بالمرافقه على الشحن بعدها يتم تحديد موعد الرحله والاستلام بالاسم ورقم الجوال ارجو اني افدتك ودي وتقديري |
رد: استفسار عن استقبال الطير عن طريق الشحن
المعذره ردي جاي متأخر بس لاتلومني
الطير اللي عندي خوفني عليه اليوم ولكن ابشركم حالته تحسنت ولله الحمد والفضل الاول لله ثم لهذا المنتدى بإدارته ومشرفيه واعضائه |
| جميع الأوقات بتوقيت GMT +3. الساعة الآن 08:51 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو