|
وانسرقت بنتي الوحيده
اهلييين
اخباركم يا حلوين؟اشتقت لكم.... وانسرقت بنتي الوحيده:( اييه اليكس انسرقت:( والمصيبه ان اخوي اللي سرقها والله لو تشوفون حالتي وانا كل يوم اصيح عليها كان تقولون ذي ميت عليها انسان لكن اللي صار له ذا الموقف من قبل اكيد بيفهم والله اني من جد مفتقدتها وما غير اطالع صورها فالموبايل ولا عندي لها الا4 صور لان الموبايل جديد والقديم اللي كان فيه اكثر من 100 صوره ما تبون تدرون شصار فيه انا الحين مصممه اجيب بسه ثانيه مع اني ادري ان امي معارضه بس انا صممت اجيب لي بسه ان شاالله من تحت الارض ولو يصير اللي يصير ما رح اخلي اي احد يلمسها او يقرب يمها بس المكله اني ما عرف محلات بالشرقيه تبيع بسس اللي يعرف اي محل باشرقيه يبيع بسس يعلمني تكفووووووون انا لازم اجيب لي بسه الله لا يوفق اللي كان السبب في تفريقها عني |
رد: وانسرقت بنتي الوحيده
الله يكون في عونك
وليش اخوكي سرقها شنو السبب ؟ |
رد: وانسرقت بنتي الوحيده
اخوكي سرقها؟
كيف كلمية يرجعها لك والله يعينك |
رد: وانسرقت بنتي الوحيده
صدق كلميييه وقولي له وش السبب؟؟؟
واذا عالمحلات فيه الكروان وبنده ومحلات كثيره بس هذا اللي انا شخصيا رحتهم وخذت قطوتي من الكروان |
رد: وانسرقت بنتي الوحيده
كلميه وحالي تريدنها ....هذا تعبك لا تردي على حد يبيها منه...صراحة انا عايش في الامارات لذا ما عندي اي معلومة على الاماكن في الرقية واسمحولي
|
رد: وانسرقت بنتي الوحيده
ماله حق ياخذها ويسرقها منك !!
والاعضاء ماقصرو معاج |
رد: وانسرقت بنتي الوحيده
شلون سرقها ؟؟؟
اخوج ويسوي هذا معاج شلون يعني ؟ |
رد: وانسرقت بنتي الوحيده
وووووووووووووووووووووايد غمضتيني
. . . انا باباتي يبغي يشلها عني ..............لكن يعرف اني صياحة و ما بيقدر علي ههههههه |
رد: وانسرقت بنتي الوحيده
الله يعينك
بس وشلون اخوك يسرقها.. كيف؟؟ ودي اعرف<<<<ملقووووووووفه |
رد: وانسرقت بنتي الوحيده
الله يعينك من جد .. :(
|
رد: وانسرقت بنتي الوحيده
غاليتي أميرة.. أحزنني جداً ماقرأته:( ، صحيح أنني لم أفهم كيف سرقها أخوكِ..!! لكن أفهم جيداً ألمك ومشاعرك.. فلا يوجد مايضاهي ألم الإبتعادعن قطة كنا متعلقين بها و نغليها كثيراً. فـعـلا.. قـمـة القـهـر:( ! لا فرقكِ الله عمن تحبين و رد لكِ قطتك وعوضكِ خيراً. |
رد: وانسرقت بنتي الوحيده
والله العظيم
واحلف انه نفس مشكلتي الله يصبرك ويصبرني ..... ...... مستحييييييييييل مشمش تروووووح عني :( لاااااا انا في حلم ولا في علم يارب ساعدني وساعد كل عضو راحت قطوته وصبره :( |
رد: وانسرقت بنتي الوحيده
يوووووووووووه اله يعينك يارب
انا الحين اوريو متعلمه كل ماينفتح باب الفيلا تتلقف وتبي تطلع الله يعيننا عليهم وشكرا |
رد: وانسرقت بنتي الوحيده
الله يعينك
|
رد: وانسرقت بنتي الوحيده
ميرسي على الردود
اما شلون سرقها فهاذي القصه<<<<انا كنت بنام يوم الاربعا واول مره بحياتي انام بعد مااجي من المدرسه وتوني حاطه راسي الا يجي اخوي الصغير ويقول لي ترى الضب عض اليكس انا فزعت ورحت ولا اشوف المصيبه اخوي الكبير السراق اللي ما عنده احساس الملعون حاط السكس في زاوية الصاله الفوقيه ومخلي الصقر يهجم عليها واليكس قاعده فالزاويه ولامه نفسها من الخوف انا لما شفت المنظر رحت ووخرت اخوي قاموضحك وقعد يتطنز ويقولي وخري انا عصبت حدي وجبت نعله وكفخته على وجهه باقوى ما عندي قاو وضربني ضرب كني موته واحد وشال اليكس وموبايلي الجديد و طلع من البيت الموبايل رجعه لكن بدون شريحه واليكس ما رجعها وكل ما اقول لبابا يقول امك بتجيبها وكل مااقول لماما تقول ابوك بجيبها لين راح شهر ومليت منهم ومن وعودهم لكني ما رح اسكت وبحتقر الكلب هذا لين يوم القيامه ولا رح اسامحه او اكلمه واذا سامحته وكلمته هذا دليل على اني ما احب اليكس ولا ابيها لكن والله ما اسامحه |
رد: وانسرقت بنتي الوحيده
انا عانيت من المشكله نفسها مع وحيدي سيزر:( الله يشيل اللي شاله بس وش نسوي غير نقول اللهم آجرني في مصيبتي واخلف لي خيرا منها ولا تنسي ان هذا ابتلاء من الله واصبري مثلي (ان الله مع الصابرين) حسبي الله ونعم الوكيل |
رد: وانسرقت بنتي الوحيده
صدقت
يا cover cat والله يصبرني ويصبر كل الي اخوانهم شلو قطوتهم :(:( |
رد: وانسرقت بنتي الوحيده
الله يعيني ويصبرني انا وكل الي انسرقت اقطاوتهم من قبل ناس يعرفونهم
لاني خلاص كرهت اخوي الله ياخذه ويفكني منه |
| جميع الأوقات بتوقيت GMT +3. الساعة الآن 05:04 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو