|
كل المواضيع عن الشراسه وانا ابي كلبي يكون هادي و فرندلي
السلام عليكم ورحمة الله وبركاته
اليوم اول يوم لي مع كــلبي الهاسكي عمره 6 اسابيع فقط و ذكر بس عين لونها ازرق وعين لونها بني ؟؟؟ هذا مرض ولا عادي ؟ ابي نصايحكم -- كيف اعلمة يروح للحمام برى ؟ -- كيف اعلمة اسمه ؟ -- كيف اعلمة بعض الشغلات الحلوه ( اجلس - نام - روح - تعال - وكذا يعني ) -- كيف اخليه يمشي و اسحبه بالليش لاني ربطت عليه الليش بس ما يرضى يمشي -- كيف -- كيف والله عندي استفسارات الين الصباح ياريت الاقي المساعده انا ابي الكلب يكون فرندلي وطيب و يلعب وكذا ما ابيه عصبي وراعي مشاكل |
رد: كل المواضيع عن الشراسه وانا ابي كلبي يكون هادي و فرندلي
وعليكم السلام ورحمة الله وبركاته تفضل هذي روابط لمواضيعي الخاصه راح تحصل فيها كل ماتبي هذا الموضوع راح يفيدك (( التبرز + عدم العض + القواعد الاساسيه )) http://www.2zoo.com/vb/showthread.php?t=238139 كتاب مفصل للتدريبات + مدعم بالشرح والفيديوات + معلومات مهمه للمدرب والكلب http://www.2zoo.com/vb/showthread.php?t=227887 فيديوات بتصويري الشخصي لبعض التدريبات + شرح http://www.2zoo.com/vb/showthread.php?t=232832 موضوع يتكم عن الكليكر وكيفيه عملها http://www.2zoo.com/vb/showthread.php?t=250648 الهاسكي بالاصل فريندلي مع البشر لكن اهم شي التاسيس الصحيح والمعامله الحسنه حتى يكون كلب محبوب ومقبول لدى الجميع تحياتي لك أبوفهد |
رد: كل المواضيع عن الشراسه وانا ابي كلبي يكون هادي و فرندلي
الله يجزاك خير والله ما قصرت
اليوم اول يوم له عندي وهذا اول pet والصراحه عضضني لين قال امين :( وانا افكره يلعب ههههههههه قلت اخليه يعضني علشان يتعود انه يعض بألفه ههههه طلع غلط و الحين حطيته بالكريت بس يصايح كأنه انسان ويكسر خاطري الحين هو يبول على النيوزبيبرز بس الشغله الثانيه ينتظرني الين اطلعه الباكيارد و يسويها و الحين عمره 6 اسابيع هل بيفهم ولا لازم اخليه لين يصير عمره 5 او 6 شهور وابداء اعلمة |
رد: كل المواضيع عن الشراسه وانا ابي كلبي يكون هادي و فرندلي
6 اسابيع صغير حيل
باشر معاه مابعد شهرين ونصف وركز على اول رابط |
رد: كل المواضيع عن الشراسه وانا ابي كلبي يكون هادي و فرندلي
ماقدرت انام من صياحه بالقفص
|
رد: كل المواضيع عن الشراسه وانا ابي كلبي يكون هادي و فرندلي
شيء طبيعي جداً
المفروض مايكون لحاله وقت الليل خله قريب منك أو داخل البيت اترك عنده بعض الألعاب تلهيه والماء لازم دائم عنده والمكان لازم يتنظف على طول خصوصاً أن الهاسكي من الصعب جداً أن يوصخ مكان نومه لذا يجب الحرص على هذه النقطة المسألة وقت وتحتاج صبر الجرو مازال يخاف من الوحدة |
رد: كل المواضيع عن الشراسه وانا ابي كلبي يكون هادي و فرندلي
هو داخل البيت في قفص ومعه العاب
ما وصخ القفص بس ازعااااااااج كبير افكر ابيعه واشتري واحد عمره فوق الثلاث الشهو ر او 4 شهور وش رايك |
رد: كل المواضيع عن الشراسه وانا ابي كلبي يكون هادي و فرندلي
حتى لو جبت الجرو
بعمر 3 الى 4 شهور راح يحصل معاك نفس الحالة هذا شي طبيعي ووارد خصوصاً ان المكان + البيئة + المخلوقات الي حوله كلها جديده عليه نصيحتي أنك تتحمل وتصبر واذا كبر معاك واهو في هذا العمر بيكون حبه لك أكبر بكثير خصوصاً انه فتح على الدنيا عليكم الجرو صغير جداً على القفص فأنت مو عارضه في محل ولاتنسى انه لحاله وفر له غرفة وسيعة شوي واذا كمل الـشهرين ونص شوف هذا الرابط راح يفيدك بخصوص القفص وأمور كثيرة تحتاجها http://www.2zoo.com/vb/showthread.php?t=238139 الــصــبر ثم الــصــبر ثم الــصــبر |
رد: كل المواضيع عن الشراسه وانا ابي كلبي يكون هادي و فرندلي
اوكي راح امشي على نصايحك و الصبر
شكرا لك |
رد: كل المواضيع عن الشراسه وانا ابي كلبي يكون هادي و فرندلي
وش اسوي معه كل ماحطيته بالقفص صار يصارخ ويتسلق القفص ويرمي نفسه بالارض ويعض القفص اخاف يضر نفسه يجيه جنوووووووووووووووووووووووووووووووووووووووووووووووووووووووووووووووووون من ادخله القفص وطول النهار نايم و اذا جاء الليل صحى وازعجني
|
رد: كل المواضيع عن الشراسه وانا ابي كلبي يكون هادي و فرندلي
الجرو عمره 6 أسابيع
ماينفع تخليه في قفص ضبط له غرفة واسعة شوي واذا كمل الشهرين تقدر تدربه شوي شوي علي القفص بهذي الطريقة 1 - وضع الجرو داخل القفص بهدوء والجلوس بجانبه 2 - أعطه بعض المكافئات من وراء القفص أو جعله يعض بعض العضاضات 3 - بعد التأكد من راحة الجرو داخل القفص اترك الغرفة 4 - بعد دقائق ستجد الجرو سـ يئن أو ينبح أو يعوي اتركه حتى يهدأ 5- بعد هدوء الجرو اذهب اليه وسيكون بالتاكيد عطشان قدم له بعض الماء داخل القفص 6 - اخرج الجرو خارج القفص واحمله والعب معاه حتى يفهم انك موجود 7 - بعد هدوء الجرو والتاكد من استرخاؤه نضعه مرة أخرى داخل القفص بهدوء واجلس بجانبه قليلآ الصبر مهم خصوصاً مع الجراء |
رد: كل المواضيع عن الشراسه وانا ابي كلبي يكون هادي و فرندلي
تم الحفظ في المفضله
|
رد: كل المواضيع عن الشراسه وانا ابي كلبي يكون هادي و فرندلي
تم بيع الهاسكي والحمدلله
اخ ابو فهد ابي المشوره ابي كلب سهل التدريب ذكي حق حمايه للبيت ولي مع العلم انا ساكن في منطقة لك عليها يعني يحتاج كلب للحمايه والحامي رب العباد سبحانه وتعالى اولا واخيرا وش ترشح لي طبعا افكر اخذه اما مدرب جاهز او بعمر بين 5 الى 9 شهور ابي مشورتك |
رد: كل المواضيع عن الشراسه وانا ابي كلبي يكون هادي و فرندلي
اذا لم يكن صبر يالغالي ماينفع انك تشتري لكن اذا تبي مشورتي اشترلك جيرمن شيبرد ابحث عن سلالة نقيه وطيبه اشتر الجرو بحدود عمر ٤ شهور واهتم بمواضيع التأسيس وتدريبات الطاعه الموجوده بقسم التدريبات * |
رد: كل المواضيع عن الشراسه وانا ابي كلبي يكون هادي و فرندلي
سبب البيع مو مسأله صبر
بس انا اللي فهمته منك ان عمر 6 اسابيع غير كافي للتعليم اي شي يعني يحتاج الى شهرين دون اي نوع من انواع التعليم فقط اكل ولعب ونوم وتوسيخ البيت :( طيب الان اللي معروض امامي وابي رايك جيرمن شيبرد اسود كامل عمره 24 اسبوع بــ 500 دولار ميليميوت هاسكي عمره 34 اسبوع هاوس ترينيد ( يعمل حاجته برى ) بــ 930 دولار الان ياعزيزي هل الهاسكي كفو بالحمايه للبيت اهم شي لان انا اطلع من البيت اوقات وارجع الاقي الحوش اللي ورى معبوث فيه او الجيرمن افضل او الــ Great Dane |
رد: كل المواضيع عن الشراسه وانا ابي كلبي يكون هادي و فرندلي
السلام عليكم اخي الكريم
جزا الله خير اخوي بوفهد ماقصر ولكن بخصوص نباح وازعاج كلبك الهاسكي وذلك غير صغره الا ان الهاسكي من الكلاب المشهوره بالعواء وازعاجها المستمر ولذلك يتم النصح عند شراء هاسكي ان يتم شراء اثنين عشان يقل الازعاج وغيرها ان الهاسكي مايحب يجلس لوحده بمكان ضيق و عنيد نوعاً ما بالنسبه للمعروض عليك ابتعد عن المالموت كونه نفس طبع الهاسكي " يعني ماراح تستفيد شي " انصحك بالجيرمن شبيرد ( مطيع ، حراسه ممتازه لصاحب الكلب والمنزل ، ذكي ، ..الخ ) يفضل شراء جرو بعمر ٢-٤ شهور مافوق وما اقل يفضل الابتعاد عنه الاقل من شهرين يحتاج عنايه فائقه ويفضل بقائه عند امه ومااكبر صعب السيطره عليه كونه تعود على طبع صاحبه الاول وتمت بناء شخصيته على اللي تدرب عليه ،، ---------------- الهاسكي لا يعتبر من كلاب الحراسه وهي من الكلاب المستخدم اكثر بالشغل مثل جر الزلاجات وغيرها .. القريت دان من الكلاب الممتازه " لا استطيع افادتك بها لقلة خبرتي بها " ولكن انصحك بالجيرمن من كلاب الحراسه الاولى ويفضل اقتناء ذا الدم والسلاله النقيه " نستطيع افادتك بنقاء الكلب اذا تم تصويره " واي مساعده اخرى نحن بالخدمه موفق |
رد: كل المواضيع عن الشراسه وانا ابي كلبي يكون هادي و فرندلي
شكرا على الرد
طيب الحين الميلميوت عمره 9 شهور يعتبر صعب تدريبه ؟ |
رد: كل المواضيع عن الشراسه وانا ابي كلبي يكون هادي و فرندلي
مايعتبر صعب تدريبه ولكنه عنيد نوعاً ما مو مثل الجيرمن سهل و مطيع
المالموت كلب قطبي يحب اللعب اكثر من الحراسه والجديه الجيرمن كلب حراسه والجيرمن افضل لك لانك من كلامك محتاج كلب حراسه موفق |
رد: كل المواضيع عن الشراسه وانا ابي كلبي يكون هادي و فرندلي
شكرا لك
طيب بالنسبة للجيرمن هل يختلف اذا كان لونه بالكامل ابيض لاني شفت بعض الجيرمن ابيض كامل وهل عادي لو اخذ جيرمن مهجن مع لاب او مع رتوايلر ؟ |
رد: كل المواضيع عن الشراسه وانا ابي كلبي يكون هادي و فرندلي
اخوي لايختلف الجيرمن بحسب الوانه حتى لو كان ابيض بالكامل " وايت جيرمن " يظل بالاخير جيرمن كلب حراسه :)
والتهجين انصحك بالابتعاد عنه انا عارفه انك تعتقد اذا كان هجين جرمن و روت بيكون اقوى واشرس ولكن بالحقيقه فهو غير ذلك التهجين يشمل تهجين صفات ، اطباع ،. شخصيه ، الامراض الوراثيه ،..الخ لذلك ننصح بقتناء النقي " بيور " لتستطيع التعامل معه ك كلب جيرمن " الراعي الالماني " لا ك كلب جيرمن + روت ( هذا اذا كان الابوين بيور بعد ) يعني اذا كان الاب روت هجين " مو بيور " والام جيرمن هجين " مو بيور " ~> الابناء =؟!! كوكتيل مشاءالله مدري كيف بتطلع اشكالهم وصفاتهم .. وبأمكانك تشوف كيف اشكال البيور واشكال الهجينات .. واسعار البيور غاليه كثير بالخارج ولكن سعره وسعر ابناءه بالمستقبل يظل بمكانته وخاصه اذا تم تدريبه بالشكل الصحيح " بيطلع كلب ماله حل " ~> هذا اذا كنت تفكر بالبيع مستقبلاً وموفق |
رد: كل المواضيع عن الشراسه وانا ابي كلبي يكون هادي و فرندلي
Nona999
لك أجمل تحية وشكر كلام ولا أروع نابع من خبرة كفيتي ووفيتي وأنا ادعم كلام مشرفتنا وبشدة بإختيار جيرمن شيبرد >> بيووووووور فقط وابحث عن الوورك لاين |
رد: كل المواضيع عن الشراسه وانا ابي كلبي يكون هادي و فرندلي
طيب الان اخر سوال لو تكرمتوا واعرف اني اكثرت بالاسئله ولكم كل الدعاء والشكر
هل اخذ ميل او فيميل ؟ و ايش الفرق |
رد: كل المواضيع عن الشراسه وانا ابي كلبي يكون هادي و فرندلي
في حالتك أنصحك تاخذ ذكر
لان الأنثى تحتاج عناية خصوصاً بعد البلوغ وأنت ماشالله صبرك طويل:D فأخذ ذكر أحسن |
رد: كل المواضيع عن الشراسه وانا ابي كلبي يكون هادي و فرندلي
يالغلا اخوي ابو فهد قالك درر اممممم اصبري عليه وطبيعي يصايح لانو بيبي
بعدين اصبري عليه ولما تدخليه القفص خليك عنده انا من ناحيتي الهسكي حقي كنت انومو على يدي لحدماكبر وبعدها ربطتو جلس يصايح لحد ماشبع وتعود |
رد: كل المواضيع عن الشراسه وانا ابي كلبي يكون هادي و فرندلي
السلام وعليكم ورحمة الله وبركاته
مساء الخير بنسبه لردود الجميله اللي وضعها لك الاخ ما شالله عليها وهي الاساسيات للمبتداين اخي من صعب انه راح ترتاح بتربية الكلب لانه الكلب صغير ويحتاج الى عنايه واهتمام فاذا كان عندك صبر لتربيه فراح تلقى الصوره اللي انت تتمناها من الكلب بس اذا ما فضيت له راح تلقاه عكس الصوره اللي انت تبيها واذا كان لك خاطر في بيع الكلب ...... |
| جميع الأوقات بتوقيت GMT +3. الساعة الآن 04:26 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو