|
ارجوكم الحقوني
قطتي ولده ليلة العيد والحمد لله كانت كويسه بس كانت ضعيفه جدا جدا جدااااااااااااااااااااااااا وانهارده الصبح اكتشفت انها من تحت رقبتها مفيش شعر معرفش راح فين حته مدوره كبيره كده خاليه تمام من الشعر زي الثعلبه ارجوكم الحقوني اعمل ايه بسرعه
وهيه ضعيفه جدا نفسي في حاجه تضخنها وتقويها بعطيها فيتامين شراب اطفال سانستول بس مش حاسه بنتيجه ونسيت اقولكم انها في العيد لحمه نيه وقعت على الارض كالتها وفضلت فتره غضبانه وعايزه اكل ني لحوم وكانت ساعات تسرق كبدة الفرخه نيه او حتة لحمه صغيره كده بس منعتها تماما اصلها والده في درج كده في مطبخ فتحته ودخلت ولدت فيه وقعدت من ساعتها في المطبخ ودلوقتي بتاكل داري فود وسمك مسلوق ولبن الكلام ده من يوميين قمت محمياها بشامبو نيزورال وسبته خمس دقايق وشطفتها بخل وبيتادين وكل 8 ساعات بطهر بالبيتادين وادهن مرهم كيناكومب الكلام ده امبارح وانهارده دلوقتي فوجئت ان الشعر وقع كمان من جنب ودنها ومش عارفه اعمل ايه المنطقه بيضا خاليه تماما من الشعر بيضاء ملساء بدون قشور او اي حاجه شكل الثعلبه كده عند الانسان اعمل ايه خصوصا انها بترضع بالله عليكم افيدوني |
رد: ارجوكم الحقوني
ملحزظه هيه عندها اسهال مش عارفه علشين لبن بتشرب لبن كثير واصلا بيعملها اسهال ولا الاسهال له علاقه بالمشكله العندها
|
رد: ارجوكم الحقوني
اهلا بيكى هانم
ياريت صوره للمكان الى مفهوش شعر بس من كلامك دى فطريات هتغسلى المكان الخالى من الشعر دة بشامبو نيزورال وتنشفيها كويس جدا جدا وبعدين تحطى عليها بيتادين وتسيبيه خمس دقايق ينشف بعدين تحطى مرهم اسمه ( بنزانيل ) دة من الصيدليه البشريه او مرهم ديكتارين بس انصحك ببنزانيل لانى جربته والحمدلله عمل نتائج جميله جدا هتمشى على النظام دة مرتين فى اليوم مرة الصبح ومرة بالليل بس الغسيل بالشامبو مرة واحدة فى اليوم والمشكله انها كدة هتعدى الكيتن لو اتفطموا افصليهم عنها وانتى البسى فى ايدك جونتى لان الفطريات بتعدى الانسان وخلى دايما المكان الى هى فيه نضيف وطهريه بالديتول بس متكنش هى موجودة لانه سام للقطط واغسلى الفرش الى بتنام عليه بردو بالديتول وعرضيه للشمس باستمرار والاسهال وقفى اللبن والسمك اكليها دراى فود بطاطس مسلوقه رز مسلوق سيريلاك بالارز وممكن تديها 2 سم انتينال لاطفال |
رد: ارجوكم الحقوني
مشكوره جدا لردك وهصورها وهوريكي الصور بس القطط لسه متفطمتش وبترضع وحاولت اعودهم على لبن رفضيين وينفع انتينال وهي بترضع وانا جبت شامبو نيزورال من الصيدليه البشريه مكتوب عليه لعلاج القشره والتهاب الجلد الدهني
طيب زمفيش دواء لعلاج الفطريات حبوب او شراب ولا العلاج دهان بس معليشي اسئلتي كثير بس انا زعلانه جدا عليها |
رد: ارجوكم الحقوني
المشكله فى الكيتن هما عمرهم اد ايه دلوقتى ؟
اه ينفع الانتينال عادى مالوش تاثير على الرضاعه لا الافضل انك تستخدمى علاج خارجى بس ولو مشيتى على العلاج الى قولتلهولك دة قطتى خفت فى 7 ايام بالظببببط ايون هو دة النيزورال انا كمان زعلانه معلشى ان شاء الله تخف بسرعه |
رد: ارجوكم الحقوني
ربنا يخليكي ومشكووووووووووووووره كثير انا طلبت البنزانيل من الصيدليه بس هوه جل ولا كريم لان الدكتور قالي جل
القطط عمرهم حوالي شهر دلوقتي |
رد: ارجوكم الحقوني
اه جيل
وهتلاقى ريحته وحشه اوى .. لا حرام لسه بدرى على فطامهم ومتشربهمش لبن عشان ميحصلهمش اسهال اكليهم بيض مسلوق فراخ مسلوقه خضار مع لحمه مفرومه مثلا جبنه مثلثات |
رد: ارجوكم الحقوني
طيب هحاول افطمهم بس القطه الام رافضه تسيبهم وكمان ربنا يستر على القط الكبير الاب بحاول امنعهم عن بعض
وهحاول اكل الصغيريين جبنه مثلثات ويارب تخف لان لاحظت ان وقوع الشعر بقى تحت الرقبه كلها وطالع من فوق على شكل طوق كده |
رد: ارجوكم الحقوني
لا متحاوليش تفطميهم غلط جدا
لما يتموا شهرين افطميهم بس اكليهم الاكل دة مع رضاعتهم من الام ايوة الفطريات بتنتشر بسرعه جدا ان شاء الله خير وهتخف بسرعه باذن الله |
رد: ارجوكم الحقوني
طيب معليشي طلباتي كثير نفسي في فيتامين يفتح الشهيه ويخليهم ياكلوا اي حاجه لحسن القطط بتاكل سمك وداري فود فقط اي اكل ثاني بيرفضوه حتى بيض ولحمه مستويه وفراخ والخضار بجد فظاع جداااااااااا ويارب يخليلك قططتك ويكرمك بجد مشكورررره كثير جدا انا عملت للقطه الانتي قلتيه ودهنت مرهم ويارب الاحظ نتيجه بسرعه
|
رد: ارجوكم الحقوني
ولا يهمك يا قمر اسالى براحتك ..
بصى هقولك على طريقه احسن عشان تعوديهم على الاكل مادام هما بيحبو الدراى فود اطحنيه واخلطيه مع الاكل وكل مرة نقصى فيها كميه الدراى فود لحد مايتعودوا ياكلوا اكل البيت لان دة الاساس |
رد: ارجوكم الحقوني
خلاص هجرب كده انهارده ويارب يخليكي بجد مش عارفه اشكرك ازاي ربنا يبارك فيكي وتحققي كل احلامك وطموحك
|
رد: ارجوكم الحقوني
شكرا على دعوتك يا قمر
وابقى طمنينى عليها واى سؤال اتفضلى |
رد: ارجوكم الحقوني
ربنا يخليكي ده من ذوقك والله وباذن لله هقولك على النتيجه بكره عالطول بس الشعر بيطلع عالطول ولا بياخد وقت هعرف انها خفت لما شعر يبدا في نمو
وسؤال ثاني عندي في منصوره تطعيم الرباعي ب 80جنيه وانا عندي 4قطط فبدل ما اطعمهم عند دكتور كان نفسي اشتري تطعيم بسعر حلو واطعمهم انا بس معرفش من بيبيع التطعيمات لان مش عندنا صيدليه بيطريه للاسف |
رد: ارجوكم الحقوني
وسؤال كمان برده معليشي شكلي طماعه جدا
انا من يوم ما جبت قطتي من اربع سنين مش بتنونو ولا لها صوت ولا بتعيط خالص حتى لو مضايقه او بحميها بس ممكن تطلع صوت ضعيف جدا جدا مثلا لو اخدت ابنها منها او محبوسه باب اتقفل عيها وعايزه حد يفتح كده بس طبعا ده كل فين وفين وبحس ان صوتها بيطلع باجهاد وصعوبه نفسي اعرف السبب بجد وميرسي لكي |
رد: ارجوكم الحقوني
اقتباس:
الشعر بيطلع متقلقيش اول ماتحسى ان فى نمو فى الشعر هنا يبقى هى خفت الحمدلله التطعيمات انا مش عارفه والله بس اسمع ان تبع الكليات بيبقى ارخص كتير يعنى مثلا لو فى عندك فى المنصورة كليه طب بيطرى التطعيمات فيها بتبقى بمبالغ رمزيه |
رد: ارجوكم الحقوني
اقتباس:
لا ياحبيبتى اسالى براحتك ^ ^ فى قطط طبيعتها كدة كيتى قطتى كدة بطلع الصوت بالعافيه على عكس سوسو طبعا :D خليه صوتها ضعيف احسن مايكون صوت دوووووشه :p |
رد: ارجوكم الحقوني
بارك الله فيكي انتي بجد ممتازه احسن من لف الاطباء ولخبطتهم الحمد لله الشعر معدتش بيقع والمناطق الصغيره الكان واقع فيها الشعر تحت ودان وجنبها بدا ينبت اما منطقة الرقبه حاسه انها نشفت كده وبدات تستجيب للعلاج طبعا هتاخد وقت لحد شعر ما ينبت لانها منطقه كبيره جدا الرقبه كلها بس حاسه ان فيه استجابه حلوه للدوا والحمد لله معدتش فيه مناطق جديده يارب يبارك فيكي ويكرمك ميرسيييييييييييي كثير جدا لكي انتي هديه بجد لينا ولقططنا ويارب تحققي كل احلامك
|
رد: ارجوكم الحقوني
اقتباس:
|
رد: ارجوكم الحقوني
المهم الاخت شاهستا تساهل كل خير
و المهم خليهم لين يوصل عمرهم شهرين و بعدها انفطميهم و في انتظار صور العائلة الكريمة و عساء الله ان تشوفين عيال الكيتز و احفاد الكيتز :) و عسى الله ان ينصركم يا اهالي مصر :) و المهم لو في اي سوال نحن في الخدمة دايما |
رد: ارجوكم الحقوني
اقتباس:
|
| جميع الأوقات بتوقيت GMT +3. الساعة الآن 02:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو