|
شريت قطه وجديد ع التربيه أبي كم شغله
السلام عليكم ورحمة الله وبركاته كيفكمـ ؟؟ اليوم جبت قطوهـ ماشاءا لله حلوه عمرها شهرين .. اول شي جبت لها كريستال وحطيته .. الحين كيف اعلمها تسويها ع البوكس حقهآ وانتم بكرامه . ثاني شي .. الاكل .. جبت لها شوي من الرويال كلين اعتقد اسمه حق الكيتن لونه وردي يجي حبوب كذا حطيته مع مويه مثل ما قال البيطري لكنها ما اكلت وشربت شوي مويه بسسسسسسس قالي البيطري انه ما احط لها حليب .. وكيف اعودها تاكل او اعرف انها تبي اكل .. لانها ما اكلت للحين .. وكيف احميها من الامراض ؟ + وش فيه شي ممكن اسويه لها في الانتظار .. |
رد: شريت قطه وجديد ع التربيه أبي كم شغله
وعليكم السلام ورحمه الله وبركاته
الف مبروك تتربى بعزك بالنسبه لليتربوكس هذا رابط بيفيدك كيف تعلمها http://www.2zoo.com/vb/showthread.php?t=107465 اماالرويال تعطيها اياه لحاله او مع زبادي عشان تطريه شوي او مرق دجاج اما الاكل الاساسي يكون دجاج مسلوق ومفتت حاب تضيف له خضار مسلوقه ومهروسه زي الجزر والبطاطا بكميه قليله او ساده زبادي قليل دسم جبن مثلث اوكيري بيض مقلي او مسلوق سيريلاك بالقمح وفيه اكلات كثيره بس الاهم ماتكون دسمه وابتعد عن المرتديلا والهوت دوغ وهالاشياء هي بالبدايه ماراح تاكل مستغربه المكان حاول تاكلها من يدك بعدين نظم لها اوقات وجباتها تقريبا كل 4او5 ساعات وجبه لانها صغيره والكميه جدا بسيطه كل ماتكبر تقلل الوجبات وتزيد الكميه ولاتنسى التطعيمات ولاتخليها تنام بمكان بارد او عالسيراميك والشور لاتحممها بالشتاء نظفها بالبودره والمويه خليها على طول قدامها |
رد: شريت قطه وجديد ع التربيه أبي كم شغله
اذا كنت تبغا تدربها على الليتر بوكس
اذا سوتها بياي مكان شل النجائس بالمجرف وحطه باليتر بوكس وجبها وخلها تشمه وخذ يدها بشويش واحفر بخفيف وش النجاسه واحطها بالحفره وخذ يدها بشويش وادفنه لاكن مهب كل النجاسه لانه اول تدريب لاكن نضف اذا سوتها في الارض نظف المكان وحاول تخر الريحه لنها لو شمتها تبي تسوي بنفس المكان |
رد: شريت قطه وجديد ع التربيه أبي كم شغله
حلو يعطيك العافيه
طيب الحين اطعميها ولا وش اسوي فيها ؟ لانها قاعده تلف بالبيت تستكشف البيت كله .. وش الي اسويها معاها ؟ |
رد: شريت قطه وجديد ع التربيه أبي كم شغله
ايه لازم تتعرف على البيت
اما عن التطعيم اذا كانت عمرها اقل من شهرين فما يصلح اما اذا كانت اكبر اسأل الخبراء عن اسامي التطعيمات ولا البيطري |
رد: شريت قطه وجديد ع التربيه أبي كم شغله
^
لبى قلبك والله لكن انا قصدي أطعميها أكل :D التطعيم سألت البيطري قالي لسا بعد 15 يوم .. ماهو الحين ، |
رد: شريت قطه وجديد ع التربيه أبي كم شغله
يعني كم عمرها الحين اذا قلك الطبيب بعد 15 يوم يعني كبيره شوي يعني
تقدر تأكلها من عمر شهر الى شهر ونصف وقطوتك باقيلها 15 يوم وتكمل شهرين لأنه شهرين هو سن التطعيم او نقدر نقول التحصين اذن تقدر تأكلها :D |
رد: شريت قطه وجديد ع التربيه أبي كم شغله
اعتقد الاخت دلوعة قطوتي ما فصرت و خبرتك شو تطعيها من الاكل
|
رد: شريت قطه وجديد ع التربيه أبي كم شغله
اما بخصوص الاكل الي تطعمه للقطه فهذا الجواب :
تنوع وزياده عدد الوجبات تبداء من شهر ونصف لتكن 5 وجبات فهنا يحتاج جسم القط الى الغذاء بشكل كبير ويجوع بشكل اكبر وهنا يمكن تقديم شربه دجاج بهرس دجاج مسحوب ( بانيه ) يكون سابق سلقه جيدا جدا بملح بسيط ثم يهرس جيدا جدااا ويضرب بالخلاط ويضاف على خبز صامولى ( فينو ) وبعد تكراره مرتين اعطاء القطط دجاج مسلوق ومسحوب من العظم ومقطع قط صغيره بالاضافه لسمك مسلوق او مشوى( على ان يكون فيليه فقط ) وفى هذا العمر يسطيع القط اكل معلبات الاسماك ولكن على ان تكون مصفاه جيدا من الماء او الزيت ويمكنه اكل الدجاج المشوى واللحم الاحمر على ان يكون مفروم فقط كل ذلك بجانب الرضاعه من الام لا تنسى وكل الاطعمه يكون مضافا لها خبز الا الجبن فقط |
رد: شريت قطه وجديد ع التربيه أبي كم شغله
يعطيكم العافيه
هي الحين نامت تقريبا ساعه وصحت الحين .. وقاعده تنوي شوي على خفيف ، والحين قاعده تلعب بالسلكـ قربتها عند المويه وماشربت حطيت لها الحبوب هذي حقت الكيتن شمتها وما اكلتها .. والصحن الثاني فيه الحبوب هذي مع المويه .. وبرضوا ما اكلت شي .. طلعت ع الليتر بوكس واكلت الكريستال وحده :S وقلت لها لاا وبعدها طلعتهآ .. ابيها بس تاكل اي ششي حرام كذا .. |
رد: شريت قطه وجديد ع التربيه أبي كم شغله
حاول ان تعطيها الاكل بالغصب يمكن هي ما تعرف تتعود على الاكل:)
|
رد: شريت قطه وجديد ع التربيه أبي كم شغله
انت جوعها بستثناء المويه وبعدين بأذن الله بتاكله
|
رد: شريت قطه وجديد ع التربيه أبي كم شغله
الحين رجعت تنام
بس حاولت اقرب راسها من الاكل ماجاب نتيجه تبعد راسها ، حتى المويه بعد .. ، الحين فيه شي غريب صار امي صحت من النوم وقاعده تحتحك جسسسسسسسمها ×_× شكلها حساسيه مع العلم كان عندها قطط زمان ، وقد جبنا قط السنه الماضيه وما صار شي .. بس مادري هل فيه حل ؟ أو هل سبب الحكحكه من القطه هذي ؟؟ و وش الحل ؟ |
رد: شريت قطه وجديد ع التربيه أبي كم شغله
اي شخص قد يصاب بالحساسيه من القطط
والتي تنتج عن سقوط شعر القطط ونَفس القط ايضا ويسببوا العطس و سيلان الأنف و إحمرارها و الحكة بها و احمرار العين، واحيانا الي الاحتكاريا ولكن ليس هناك حل الي تجنب اعراض هذه الحساسيه وبالنسبة للعلاج الذي يمنع حدوث هذه الحاله فللأسف لا يوجد ( هناك ما يعرف بجلسات التحصين المناعي و يتم فيه تعريض الشخص لكميات متدرجة من المسبب على جلسات و لكن لم يثبت فعالية حاسمة حتى الاّن ) ولكن عندما تشعر امك بالاحتكاك فالحل هو تناول مضادات الهيستامين وترى في تحصينات لتساقط شعر القط او الاحتكاك |
رد: شريت قطه وجديد ع التربيه أبي كم شغله
^
افا :( لان صدق لما احملها الاقي فيه الوبر حقهآ ع التي شيرت .. يافرحه ماتمت :( |
رد: شريت قطه وجديد ع التربيه أبي كم شغله
اقتباس:
طيب حاول تبدالها ب اخرى قبل ما تزعل امك منها:) |
رد: شريت قطه وجديد ع التربيه أبي كم شغله
المبادله صعب ، يالله يالله لقيت وحده اصلا :S
وسعرها مناسب جدا لشكلها ولله الحمد وهذي هي صحت الحين ، ماهي راضيه تشرب من البوكس حق الاكل والشرب ، بليت يدي مويه وقعدت تلحس اصابعي حطيت لها اكل قدامها ماتبي تاكل حق الكيتن هذا الحبوب ، وصار طري مره لان حاط فيه مويه .. مادري وش اخليها تاكل .. |
رد: شريت قطه وجديد ع التربيه أبي كم شغله
ترى تقدر تعزلها يعني تجيب لها غرفه لوحدها
وماتطلعها لبرى عشان امك وعاد قفل الباب وحط لها موي واكل ولما ترجع من العمل او المدرسه افتح لها الباب واقعد معاها وبخصوص الاكل فهذه الاطعمه موجوده هنا اقرئها : http://im13.gulfup.com/2011-11-27/1322443422241.png وكل الاطعمه يكون مضاف لها خبز الا الجبن |
رد: شريت قطه وجديد ع التربيه أبي كم شغله
الحين اول وجبه شوربة دجاج :S
طيب والي متوهق ما يعرف يسويها خخخخخخ ، اممم الحين ع الغدا رح نجيب كبسه ، عادي نعطيها من الدجاح هذا ولا لازم مسسسسسلوق .. ؟ |
رد: شريت قطه وجديد ع التربيه أبي كم شغله
اقتباس:
الافضل مسلوق لان الدجاج الذي في الكبسه يحتوي على البهارات خاصة البزار وغيره و هذا ضار للقطط بوجه عام و حاول توخر الشعر من مكان الشيرت و غيره |
| جميع الأوقات بتوقيت GMT +3. الساعة الآن 12:17 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو