منتديات تو زوو - متوووحشه

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - متوووحشه (http://www.2zoo.com/vb/showthread.php?t=232570)

متوووحشه

قطوتي قامت تتوحش امسحها على راسها تشرمخني وتعظني
وماتسمع الكلام يوم اناديها ولا يوم تركب عالغنفة
تعبتني !!

شو اسوي عشان اخليها تسمع كلامي
حتى يوم اسبحها تطلع عيني:mad::mad::mad:

تعبت

رد: متوووحشه

مرحبآ الساع أخت هنوش :D

كم عمر القطه الآن ؟؟ وبعدين هي ما تتوحش إلا فيها شي يمكن متنرفزهـ أو ماهي مرتاحه للمكان اللي هي فيه ..

نصيحتي لك هالفترهـ تتجاهلينها :64: .. يعني لا تحاولين تمسكينها أو تلاعبينها .. طنشيها فترهـ وتصرفي كأنها مهي موجودهـ .. ويفضل لو تخليها داخل الغرفه عشان ما تأذي أهل بيتكم ..

وطنشيها بحيث أنك حتى لو شفتي صحن الأكل حقها فاضي .. حطي لها شووويه بس ;) .. حطي وروحي يعني حتى لا تراقبينها وهي تاكل .. واذا خلصت ومشت بعيد عن الصحن خذيه غسليه رجعيه مكانه ولا كأن فيه شي صاير حتى لا تطالعين فيها :eek: .. وهي بتشوف أن أنتي اللي تهتمين فيها بالأكل والشرب .. وبتحن عليك بإذن الله :12: ..

الشي الثاني إذا شفتيها تتوحش عليك وأنتي مطنشتها خلي عندك بخاخ مآي :mad: .. نفس علبة منظف الزجاج خذيها وعبيها ماي فقط لا غير :D .. وإذا قامت تتوحش عليك بخي شووووووي بس على وجهها وقولي (لآء) بنبرهـ حادهـ .. أو ( نو ) .. يعني حسسيها أنها تسوي شي غلط

لكن أوعي تضربيها أو تدفيها بعيد .. بخة ماي بس وبتهجد .. ولو تحطين شوية قطرات ليمون في البخاخ بيكون مفعوله أكبر :88:

آخر ملاحظه .. حاولي ما تكثرين استخدام البخاخ عشان لا تكرهك :mad: ... يعني مرهـ أو مرتين باليوم يكون زين :88: ..
استعملي أسلوب الصوت العالي أفضل ..

وطمنينا على النتايج ..

آسف عالإطاله .. وتحياتي

رد: متوووحشه

سلــــام

هي القطة لسا شارياها ؟؟

يمكن عصبتي عليها شي يوم او ضربتيها او واحدمن العلة او الاطفال ضرها حاولي تحددي الاسباب

رد: متوووحشه

القطوة عمرها سنة وكمن شهر وعندي من 5 شهور تقريبا
الفتره اللي سافرت فيها وايد تعلقت بالبشكاره :S تلحقها في كل مكااان لييش انا لاااا :'(
المهم انا يوم تسوي شي ينرفزني اظربها على راسها ظربة خفيفه ويوم تخليني اعصب واااايد ادزها بعيد
مافيها شي مب مريضه ولا شي بس قطوتي طبعها غريب وايد هاديه مووول ما تمووء من اول ما استريتها.. مب حنونه و ما تحب وايد تيلس في حظني :(

رد: متوووحشه

ممكن أول شي نعرف وش هي "البشكاره" :confused: ؟؟
عشان تحاولين تخلينها بعيد عنها :mad:

ثاني شي دام ما فيها شي .. تطمني الحمدلله أهم شي مب مريضه :freind: .. اقري ردي اللي فوق ونفذي اللي فيه أفضل من انك تضربينها على راسها أو تدزينها :p ..

وإذا مرهـ دمك حار وكنتي بتضربينها .. استخدمي اصبعين بس :88: .. ووجههيها جهة راسها من فوق العيون يعني بحركه خطافيه .. حاولي ما تضربينها لكن قربي منها على أساس تخاف .. بس بالآخير ضروري هي تعرف أنك ما رح تضربينها .. حاولي تسوين هالحركه وأنتي تقولين "لآء" أو "نو" ..

وعشان تكسبينها .. إذا شفتيها جاعت .. امسكي الكيس لكن لا تصبين الآكل بالصحن :12: ... حطي شوووويه منه بيدك اليسار وخليها تقرب وتآكل من يدك أول دفعه ... ولما تخلصها خذي من الكيس مره ثانيه بيدك نفس الشي .. وخليها تاكل وبيدك اليمين امسحي على راسها :rolleyes: .. وحاولي تكلمينها بدلع وتقولين لها يالله حبيبتي يالله يا شاطرهـ كلي من يدي عشان تصيرين أحلآ قطوآ بالحياهـ ونصير نحب بعض حييييييييييل .. ومن هالكلام وانتي تمسحين على راسها :88: ... عاد المرهـ الثالثه خليها ثابته :12: .. خذي اكل من الكيس حطيه بيدك اليسار وتربعي على الأرض .. وإذا جت بتآكل شيليها وحطيها بحضنك وخليها تآكل من يدك وأنتي تمسحينها بيدك اليمين من جهة ظهرها وراسها من الخلف بين أذونها .. وبنفس كلام الدلع راح تحن لك ..

وبلغيها تحياتي :D .. وطمنينا على النتيجه ..

رد: متوووحشه

ان شاااا الله مشكوور ما قصرت والله

رد: متوووحشه

اقتباس:

المشاركة الأصلية كتبت بواسطة هنوش (المشاركة 2244793)

ياعسوله القطوه حساسه ماينفع تضربيها او تدزيها بعيد عنك شي طبيعي ماراح تحبك
بعكس لو دلعتيها واكلتيها من يدك ومسحتي على راسها بتتعلق فيك واهم شي صوتك لاترفعينه عليها

رد: متوووحشه

ولو .. حاضرين متى ما قدرنا .. والكل هنا متساعد ما شاء الله ..

عمومآ أنتي طمنينا باللي يصير معك عاد :88:

رد: متوووحشه

اتوقع البشكاره يعني الخدامه او المربيه

رد: متوووحشه

صحيح أخوي محماس .. أتوقع معك حق لأن القطط أحيان تروح للمطبخ فـ تجد الخادمه ويتعودون على بعض .. بس مشكله كذآ القط يخونك بعدين ههههههه :D

رد: متوووحشه

هيه البشكاره يعني شغاله :) !
شكرا للكل