اكيد كلنا مرينا في تجارب عن اراء الناس بالقطط من ناحية الامراض و العقم .. وفي ناس تعدو المرحلة الطبيعة وصارو يحكو انها بتموت .. :to1 (162):





والحمدلله كان فيها نجاح كبير بس انا برأيي هالحملة لازم تكون ناجحة اكتر وعليها اقبال اكتر

لأنو في ناس عنجد عنجد لازم تتغير افكارهم .. وخصوصاً عنا احنا المربيين !!

شوفو الناس شو بتحكي .. عن القطط والاشخاص الي بربوها :

1- القطط بتجيب امراض .. يعني لو ما في قطط بالعالم كان الان حنا ما شاء الله علينا ما فينا ولا مرض .. اذا واحد صار معاه زكام .. اكيد من القطط !! طيب ليش ؟؟ يعني القطط صارت سبب المشاكل ؟؟!!

http://farm4.static.flickr.com/3386/...cf2a7d76c4.jpg



2- القطط بتجيب العقم للبنات .. واجهاض و اعقات .. طيب ماشي احنا راح نكون موافقين على جزء من هالنقطة .. ولما حد يحكيلنا اياه .. لازم نرد عليها ونشرحلو داء التكسوبلازما بشكل مبسط .. وبمشي مع عقولهم !! احكولو القطط بتجيب المرض اذا اكلت فار او اكل قذر .. او اذا ما نظفنا الليتر بوكس .. شوفو سبحان الله القطط بالشارع ما بتقضي حاجتها غير على تراب .. لأنو التراب بعمل زي واقي وحافظ للتلوث .. واحكولهم كمان انو هالمرض الي عاملين حالكم فيه اذكياء وفهمانين بيجي كمان من اللحوم و الدجاج النيء والخضراوات الغير مغسولة .. يعني مش بس القطط .. والقطط هي اصلاً مش سبب .. هي تعتبر بس ناقل للمرض اذا اصيبت فيه .. والاصابة مش هالكثرة عند القطط ..
و في علاج للحيوانات والبشر . .يعني خليهم برتاحو .. اذا لهدرجة خايفين على البشرية من الانقراض ..
و التكسوبلازما " لااااا يسبب عقم " لأن فيه ناس مفكرين
( اوكي القطط ماتسبب عقم لكن المصابه بالتكسوبلازما هي اللي تسبب ) >< وطبعاً حتى هذي المعلومه غلط لأن الفيروس يسبب اجهاض او تشوه مش عقم و اصلاً القطه المصابه بالتكسوبلازما تشفى من نفسها بعد مرور اسبوعين
(يتوقف الطور المعدي عن النزول في البراز في خلال اسبوعين من بدء اصابه القطه) < كلام دكتور
فـ الموضوع مش مستدعي هذي الدراما اللي مسوينها الناس ><

http://animal.discovery.com/tv/ameri...cat-people.jpg



3- القطط بس للطبقات البرجوازية او للفاضيين اشغال او بمعنى اخر المدلعين
طيب والله لو اعطيت بسة لشخص من هالاشخاص لمدة شهر .. لأ .. حتى ليش شهر شهر كتير عليه
اسبوع .. ما راح يتحمل العناية فيها .. ويمكن يرميها بالشارع ..!!

http://2.bp.blogspot.com/_PXz1s-ssVE...600/cat3_2.jpg


4- القطط بتخرب سمعة الانسان .. اذا كان فقير وكلنا فقراء لله او اذا كان ملياردير .. اذا كان فقير بحكو انو ما معاه ياكل بس معاه يطعمي البسة .. !!
طيب شو هالمنطق الي ماشيين عليها احنا .. يعني احنا بالعصر الحجري ولا بعصر الجاهلية !!
واذا صارو يحكو هيك احكولهم اكبر واشرف دليل .. انو الصحابي ابو هريرة
كان من مربين القطط والهريرات " الكيتنز " عشان هيك صار لقبو .. وهو اسم عبد الرحمن بن صخر الدوسي ..
واذا صارو يحكو عن الاغنياء انها بتخرب سمعتكم .. احكو انها ماري انطوانيت .. وهي ملكة فرنسا انولدت سنة 1755يعني شايفين من زمان .. كان عندها 6 قطط .. مش وحدة !! نوعهم مين كون .. هدية زواجها و لما صارت الثورة بفرنسا راحو على امريكا لأنها خافت عليهم .. وهي ملكة مش مواطنة عادية .. ولما تزوجت كان عمرها 14 سنة .. يعني تقريباً بمعظم اعمارنا احنا المسجلين بالمنتدى ..!


5- وفي واحد حكالي .. نسيت اشكرو على هالمعلومة الصراحة .. انو القطط بتطلع مادة من مكان الاخراج بتخلي الواحد يموت ..
وانا لما سمعت هيك حكيت خلص الصراحة بكفي .. يعني اعتقادات وكلام غبي وجدال عقيم وهم لا حياة لمن تنادي ..

http://farm5.static.flickr.com/4024/...074fcf3152.jpg


6-القطط ماتعود بأي فائده لصاحبها و تربيتها مضيعه للجهد و المال
الرد عليهم بيكون (لو تتكلم عن فائده ماديه فـ هذا تفكير سطحي وانا ما تعلمت افكر بسطحيه , القطط فوائدها اكبر من كذا يكفي انها تحب صاحبها حب غير مشروط وتتقبله بكل عيوبه , لكن بعيد عن هالأمور , انك تبحث عن فائده من اعتنائك بحيوان فـ هذي اسمها "انانيه" لأنه يعني انك مو مهتم فعلاً بالحيوان فقط تنتظر (جائزتك) مهما كانت ! وهالشئ غلط خلونا نفكر ولو مره وحده من غير انانيه وبنيه صافيه وبعيده كل البعد عننا "حلاوة العطاء لما تعطي وما تنتظر اي شئ بالمقابل")

http://farm3.static.flickr.com/2648/...a2087f2003.jpg


7-القطط غداره وتخون صاحبها

الرد المختصر المسكت هههه (طيب اذا هذا الكلام صحيح ليه الناس تربيها لحد الحين ؟)




8-القطط تضر الأطفال وتسبب لهم الامراض

الرد (الحقيقه العكس صحيح , ثبت علمياً ان الاطفال اللي تربوا مع قطط اصبح جهازهم المناعي اقوى و يتمتعون بصحه افضل)




طيب احنا محبين القطط و الهواة .. شو نسوي ؟؟

احنا المفروض بما انو بنعرف عن القطط ولما يحكولنا اشياء غلط × بغلط .. وما الها اي دخل بأشي اسمو منطق .. لازم نوقفهم عند حدهم !!
ونحكيلهم هاد غلط وحتى لو اكبر منا .. لأنو هالمعلومات راح تروح لأجيال .. بعدينا .. ويمكن ما يكون في عندهم معلومات زي الموجودة عنا !!


وانا ما بحكيلكم انو تحطو بالشارع بوسترات وتحكو .. هاد صح وهاد غلط لأنو هالطريقة ما راح تمشي
مع الناس الي هيك تفكيرهم او حتى بمجتمعنا



احنا لازم نبدأ بأقرب الناس النا .. الي هم اهلنا وصحابنا .. وحتى لو ما بحبو القطط .. مش شرط المهم نغير وجهة نظرهم عن القطط ..
بس لازم تتأكدو انو لما تحكو مع واحد تقنعو مش .. بس تحكو .. وهي يكون بحكيلكم ..
" اه اه خلصني احكي بسرعة " ..
لأنو بهالطريقة ابداً ما راح تمشي حملتنا .. وما يكون فيها اي فائدة ..



ولازم يكون شعارنا هو :

1- ادب في التعامل
2- احترام الغير وحتى لو كان بحكي عن غباء مش منطق .. مع احترامي للكل ..
3- معلومات اكيد + صحيحة .. حتى ما يحرجونا بأسئلتهم

و دائماً احنا بأدينا القرار لأنو احنا مربيين و عارفين شو بصير .. واذا حكو مثلاً القطط بتسوي عقم ..
بنحكيلهم طيب .ماشي .. بس اعطيني دليل ؟؟ حتى اتأكد ..

وهو اشي طبيعي ما راح يجاوب وراح يحكي .. فكني منك .. او خلص اسكت ..

واحنا هون بنعرف انو هو صار مستسلم بالمعركة وبنقدر نصحح معلوماتو ..

وعمركم بحياتكم ما تفقدو الامل انو ممكن تتغير وجهة هالنظر ..

بكرة ان شاء الله اذا انا وانتي وانت وهو وهي .. وكلكم .. قدرنا بس بأقرب الناس النا ممكن نغير كتير اشياء بمجتمعنا

يعني خلينا ناخد مثال ..

انا اقنعت امي .. انو لو ساعدنا القطط و اهتمينا فيهم .. بناخد اجر .. زي الرجل اليهودي الي دخل الجنة بسبب كلب .. وهي اقتنعت ..وصارت بصفي الان .. لما نكون كلنا جالسين .. مع بعض يعني انا واخواني و ابوي وامي
مثلاً بفتح الموضوع بطريقة غير مباشرة .. انا شفت بالشارع بسة يا حراام مسكينة وبتحزن .. طبعاً بكون الكلام بيني وبين الشخص الي اقتنع مش للعندو افكار .. جهنمية


فأنا واياه بنصير نتناقش كيف نساعدها .. وفجأة الا ما يجي واحد ويحشر حالو بالنقاش من المعارضين ..
بصير دوري ودور الي اقتنع كيف نقنع هاد الشخص ..
ولما نقنعو كمان .. بنصير 3 في البيت .. بحبو القطط .. يعني تخيلو كل مرة نزيد واحد .. ممتاز .. و هالواحد يقنع صاحبو وصاحبو يقنع اهلو واهلو يقتعو صحابهم .. يعني كتير اشياء ممكن نسويها واحنا في بيوتنا

بس لازم نخلي عنا امل و ادب ومعلومات " شعرانا " ودائماً العنف والصراخ والمشاكل اخر الحلول وحتى لو كنت عصبي لازم تمسك حالك .. مش اول الحلو .. ايدك والكف .. هيك كل البيت بصير معارض وبكرهو القطط وسيرتها ..


ونتمنى الكل يساهم بالتغيير عشان نقضي عالأفكار و المعتقدات القديمه اللي مالها اساس من الصحه , خلاص ولى عصر الجاهليه , العالم تثقف و تطور والبعض هنا لسى بياخذ مصادره من 100 سنه ورى !

مافيه اسوأ من اللي يتكلم ويذم في القطط الا اللي يسمع و ساكت >< لأن السكوت هو اللي يخليهم يتمادون

صيروا صوت لقططكم من اليوم و رايح مافيه سكووت , اللي يتكلم راح نرد عليه نثقفه و نوعيه

التغيير يبدأ فيني وفيك :)


وهون شوية شعارات عملناها انا و كاتس اوهلك ..

ارجو وضع اي واحد فيهم ..


وطبعاً في صورة عليها كتابة راح اترجملكم ايش مكتوب ..

http://img105.herosh.com/2011/07/13/232308917.jpg

الشخصية .. " قصدهم الرجل الي بطعمي البسة "

بعمل الاشي الصح .. لما ما يكون في حد شايف << لأنو خايف على سمعتو

http://img105.herosh.com/2011/07/13/532242063.jpg

عكس الخير ليس الشر .. بل عكس الخير هو عدم المبالاة

http://img102.herosh.com/2011/07/13/609563696.jpg

اسوء ذنب نفعله نحو الكائنات هو ليس كرههم بل هو عدم المبالاة بها .. هذا هو جوهر الشخص
اللاإنساني

http://img105.herosh.com/2011/07/13/372696034.png

ماذا يحتاج هذا العالم ؟؟
نوع جديد من الجيش !
- يحتاجون جيش جديد من اللطافة -



الشعارات









منقول من

CatsAholic & мЯ●Joker

في امان الله