|
ارجوا المساعده القط له خمس ايام ماكل شيء ..!!
السلام عليكم ..
ماطول عليكم انا وصلني قط من برا ( عمره ثلاث شهور تقريبا ) ، واول ماوصل طلبت من اللي وصله لي اننا نتقابل عند محل قطط اخذت القط وكان هزيل بس قلت يمكن ماكل بحكم السفر وكذا فطلبت من الدكتور يعطيه تطعيمه ويجلس عنده كم يوم ( اربع ايام تقريبا ) اخذت القط منه ورجعت للبيت بعد مانتهت المده وتفاجآت ان القط الصغير ماياكل ابد جربت معاه دراي فود ويكساس الدجاج الطري ،الحليب كلهم مانفعوا وكان معاه الله يكرمكم حاله زي الاسهال ، وجسمه هزل مره لانه ماياخذ اي شي غير يادوب يشرب مويه شويا وبس ، طبعا المدينه اللي انا فيها مافيها بيطري للقطط فاتصلت اليوم عالدكتور وشرحت له الوضع قالي عطه دواء مضاد حيوي اسمه ( اقومنتين ) من صيدليه بشريه ... لكني ماعرف المقاس اللي اعطيه بالبرواز .. فمليت البرواز للاخر ( خمسه ملم ) تقريبا واعطيته كل الجرعه بالتعب والمجاهد يالله اخذها ( وقالي عطه مرتين باليوم الصباح والمساء ) فهل النسبه تكفي .. والا زياده والا ناقصه ..؟؟ + انا قلت للدكتور عيونه احسها عيون التعبان المنهك قالي عطه قطره عيون مطهر مرتين في اليوم فهل القطره تضره والا عادي ..؟ وهل العلاج يصلح لمثل حالاته بانتظاركم الله يخليكم لان القط وضعه محرج للغايه وجزاكم الله كل خير |
رد: ارجوا المساعده القط له خمس ايام ماكل شيء ..!!
انصحك بعياده بيطريه خمس ايام مو شي بسيط يمكن يسبب للجفاف وغيرها من الأمراض
او انتضر( الأخت ناديا ) او الأخت ( دلوعة قطوتي ) بيفدونك اكثر لنهم ماشاالله عليهم خبراء با الحلات هذي انا مقدر اكون سبب في القط حقك الله يشفيه ويقومه بسلامه تحياااتي ألك خمسه ملي << احسها كثيره على القط التوقع من 1مل الى 2 مل |
رد: ارجوا المساعده القط له خمس ايام ماكل شيء ..!!
السلام عليكم ..
اقتباس:
اقتباس:
هو المضاد اسمه (اجمنتين) او ( اقومنتين ) اكتبي اسمه باللغة الاجنبية افضل ... المفروض ما تعطيه الجرعة على كيفك يمكن يسببلوا تسمم المفروض تسالي الطبيب قبل لا تعطيه الجرععة... اقتباس:
هل اعطاك الطبيب قطرة معينه ؟؟ |
رد: ارجوا المساعده القط له خمس ايام ماكل شيء ..!!
وعليكم السلام ورحمه الله وبركاته
الجرعه مره زايده لانو صغيررررر فانتبه انا ماعرف الجرعه بالضبط الخبيره تفيدك لاني مااستعمل العلاجات البشريه بس هو الدوا اللي كرتونه فيه بنفسجي صح؟ لو هو يكون مضاد لو عندك بيتاموكس اعطيه منه والجرعه اقل من نص القطاره بشوي كل 12 ساعه اما الاسهال لازم توقفه ياتاكله طول اليوم مهلبيه بدون سكر ا وسيريلاك بالقمح وقف الحليب والجبن والتونه لانها تزيد الاسهال وضروري يشرب سوائل عشان مايسبب له الاسهال جفاف روح للصيدليه واطل محلول بيبي لايت وشربه كل شوي او اخلطه مع المويه عيونه شي اكيد بما انو تعبان وكمان تاكد من الحراره لاتكون مرتفعه وفيه قطره بروزالين مجرد معقمه وماتضر امسح كل عين بقطنه لحالها وبعدين قطر قطره وحده اما الاكل بعض القطط لما تغير مكانها ماتاكل بس انت حاول تخلط الخلاط بالاكل وتاكلها بالسرينج بما انها تعبانه وابتعد عن الاكل المعلب ولو عندك فيتامين اخلطه مع الاكل او ذوبه بمويه وبالسرينج اعطيها اياه والله يشفيه لك |
رد: ارجوا المساعده القط له خمس ايام ماكل شيء ..!!
الله يعطيكم .. جميعاً ..
دلوعه قطوتي .. العلاج اللي عندي اسمه ( Augmentin ) ، اللي لونه بنفسجي .. ينفع والا لا ..؟؟؟؟؟ والا لازم اللي قلتي عليه ،، ؟؟ وان شاء الله راح اشتري اللبيبي لايت واعمل اللي قلتي عليه وان شاء الله ينفع ويرتاح المشكله ياخوان انا ببالقصيم ( بالرس ) ماعندنا بالرس طبيب بيطري اللي يعرف بعنيزه ياليت ياليت ياليت يقولي علشان اوديه وارتاح القط حالته مره الله يشفيه :( |
رد: ارجوا المساعده القط له خمس ايام ماكل شيء ..!!
اقتباس:
البيتاموكس على اساس انو خاص للقطط ومجربته فاعرف جرعته تلاقيه باي صيدليه بيطريه ان شاءالله اهل القصيم مايقصروا معاك وربي يشفيه لك |
رد: ارجوا المساعده القط له خمس ايام ماكل شيء ..!!
الله يعطيك العافيه اختي دلوعتي قطوتي
... ننتظر الخبيره وان شاء الله تدخل وتساعدنا ..!! وبحاول ادور بالمحلات البيطريه لعلي القى العلاج ..!!!! |
رد: ارجوا المساعده القط له خمس ايام ماكل شيء ..!!
إذا كان القط لم يتلقى جرعة مضادة للديدان فمن الضروري أن تعطى له في هذا العمر ولكن لا أنصح بإعطاءه هذه الجرعة وهو هزيل ولا يتناول الطعام بشكل طبيعي بداية عليك أن تشتري علاج (فلاجيل) - الذي ذكره الأخر هشام البورسعيدي - وهو مطهر معوي للأطفال بعد تحسن حال القط تذهب به لطبيب بيطري ليتلقى جرعة مضادة للديدان ومن عنيزة أنصحك بالدكتور عبدالعزيز في صيدلية المشاكل المعوية من الطبيعي أن تؤدي إلى فقدان الشهية بل حتى عدم تقبل رائحة الطعام لذا عليك بأخذ كمية بسيطة في طرف اصبعك ووضعها في سقف حلق القط ليشعر بطعم الأكل المقدم أما بالنسبة لمشاكل العيون فهناك نوعان من القطرات أياً كان اسم المركب نوع مطهر فقط ونوع مطهر ومضاد حيوي للعيون وهذا ما انصح به وهو موجود لدى الصيدليات البشرية أيضاً |
رد: ارجوا المساعده القط له خمس ايام ماكل شيء ..!!
اقتباس:
اجمنتين: [URL=http://www.2zoo.org]http://www.2zoo.org/get-7-2011-2zoo_org_sj2kl0rm.png[/URL مضاد حيوي من الصيدليه البشريه يعالج الحالات الشديده ولايمكن اعطاء الحوامل او المرضع منه والجرعه على حسب عمر القط. ما سبق لي استعملته وانشاء الله اللي استعملوه يعطوك الجرعة.. وانا انصحك تستعملي بيتاموكس http://www.2zoo.org/get-7-2011-2zoo_org_ls0edv97.png والجرعة اعطتهالك دلوعة.... موفقه |
رد: ارجوا المساعده القط له خمس ايام ماكل شيء ..!!
اخوي هتان ممكن تدلين عالوصف حق الدكتور ..؟؟؟
ثانيا ياخوان وياخوات انا عطيته اقومنتين .. هل ينفع معاه والا لا ؟؟ علشان اعرف هل استمر اعطيه او لا ..؟ عطيته اقومنتين .. وقبل شوي عطيته علاج للجفاف اسمه ( R.O.S ) لان البيبي لايت مقطوع من السوق عندنا فهل ينفع ذا برضوه والا لا ؟؟؟ وطبعا عطيته ثلاثه ملم تقريبا من سيرلاك بالقمح يعني علشان بس بطنه مايبقى فاضي عالاقل بعطيه منه دامه مايضره ان شاء الله تكفون محتاج ردودكم والله القط وده يلعب ويتحرك ( غريزه القطط الصغار ) بس الالم طارحه يتحرك خطوتين ويوقف ويرجع لمكانه وياليت خبيرتا ناديا تسعفنا بردها ان امكن اخوي هتان انتظر منك الصوف تحيتي |
رد: ارجوا المساعده القط له خمس ايام ماكل شيء ..!!
اقتباس:
يعطيك العافيه ارسلت له العنوان عالخاص |
رد: ارجوا المساعده القط له خمس ايام ماكل شيء ..!!
خليك خلاص عال اجمنيتن بس استنى الجرعه مضبوطه
تيب ممكن تنزل صوره لبديل البيبي لايت لو مافيه نكهات ونفس البيبي لايت استعمله حلو اكلها سيريلاك وكمان مرق دجاج يقويه واخلط دجاج بالخلاط مع زبادي او مرقته وخليه شبه سايل واكله عشان يتقوى وايوه لو تعطيه كمان شويه زبادي مع عسل مره مفيد ان شاءالله يقوم ويلعب وتفرح فيه |
رد: ارجوا المساعده القط له خمس ايام ماكل شيء ..!!
اقتباس:
ياويلي ياويلي ..ليه مااحد قالي على موضوعك ؟ انا اسفه جدا بس كان ارسلت لي رساله على الاقل حتى اعرف موضوعك .. الجرعه كبيره كبيره جدا على القط ( 5 مل ) والمضاد جدا قوي وتركيزه عالي واحتمال يسبب للقط تسمم اذا زادت الجرعه وخصوصا انو صغير 3 شهور .... اذا ماعندك بيطري الافضل تعالجه انت في البيت وراح اقولك على الخطوات ..بس ان شاء الله يكون بخير الان وماصار فيه شي .. المضاد الاقمنتين اعطيه 1 سم فقط مره في اليوم ..وضروري ياخذه بعد الاكل حتى مايرجع وتلتهب معدته . واستمر عليه الى اربع ايام بالضبط . وحاول تامله بالسرنجه زبادي مع عسل ضرروري ياكل اي شي .حتى مايضعف. واشتري له شراب موتيليوم من الصيدليه البشريه لو القط يستفرغ ..واعطيه منه فقط 1 سم مره في اليوم وقبل الاكل بربع ساعه . والاسهال لازم تعالجه كمان بالاكل مثل مهلبيه بدون سكر او سيريلاك بالارز .. ولازم تشوف كم مره يسهل في اليوم ..مثلا لو كان اربع مرات ..هنا ضروري ياخذ علاج لوقف الاسهال ..وراح اقولك عليه بس الاول راقبه وقولي . والله يشافيه لك . |
رد: ارجوا المساعده القط له خمس ايام ماكل شيء ..!!
اقتباس:
هلا بالخبيره .. جيتي بوقتك .. لا الحمدلله عدت سليمه هالمره وماجاه شي وطبعا بالليل ماعطيته لان الجرعه كانت كبيره لكن ربي ستر لكن عطيته اليوم عالصباح الساعه 6 ( زبادي )وعطيته بعدها على طول المضاد ( Augmentin ) .. 1 سم طبعا لكن الدكتور اللي كلمته قالي اعطيه مرتين باليووم ..؟ وشلون اعطيه مره والا مرتين ؟؟؟ وشربته بعدها محلول الـ ROS واكلته الساعه 11 تقريبا الزبادي بالعسل عبيت له السرنج بالكامل الاسهال بصراحه ماعرف كيف لكن احس حالته خفت شوي لان يظهر لي من ذيله ان المنطقه من الخلف نظيفه شوي الاستفراغ الحمدلله مامعاه لكن ودي اعرف كل كم ساعه اعطيه الزبادي بالعسل ..؟؟ والى متى ..؟ ودي اعطيه دجاج بس خايف على حالته تكفين ياخبيرتنا تابعي معاي الموضوع لاني محتاج لاراءك ... |
رد: ارجوا المساعده القط له خمس ايام ماكل شيء ..!!
اقتباس:
عليكي عدم اعطاء القط اى منتجات البان او زبادى بالعسل ( روب بالعسل ) وقت الاسهال ابداا ابدا ابدا سواء كان اسهال مذمن او طارىء فانت بتلك الطريقه تزيد الاسهال عنده علاج الاسهال الطبيعى هو عمل مهلبيه ( 4 ملاعق نشا على ثلاث ارباع كوب ماء وربع كوب حليب ) ويحلى ويرفع على النار حتى تمام النضج وياكل القط ولو بالغصب فتلك الطريقه توقف الاسهال ولا يأكل القط الا المهلبيه تلك مره كل يوم فقط ولا ياكل غيرها فى حاله الاسهال الطارىء فقط يعطى للقط مهلبيه ايضا ومعها فلاجيل اقراص نصف قرص للقط البالغ اقل من الربع للقط فى عمر شهرين او اعطاءهم الفلاجيل السائل وكثري له سوائل لتفادي الجفاف |
رد: ارجوا المساعده القط له خمس ايام ماكل شيء ..!!
هلا اخوي
الحمدلله على سلامته.. الزبادي اعطيه كل 4 ساعات ملي السرنجه كامله .. لاكن اعطيه بالراحه حتى مايشرق او يدخل لرئتيه. المضاد مره في اليوم لانه قوي عليه والقط لسى صغير جدا .. اعطيه دجاج مسلوق وان شاء الله ياكل .. لاتخاف عليه ان شاء الله يتحسن اكثر ,,لاكن اتمنى تنفذ كل اللي اقولك بالحرف. وطمني عليه |
رد: ارجوا المساعده القط له خمس ايام ماكل شيء ..!!
اقتباس:
اخي الكريم الزبادي في حالته مايضر لانه يحتوي على بكتيريا مفيده للمعده والزبادي مايسبب اســــــــــهال ابدا ابدا انما مفيد للامعاء ومطهر للمعده بشكل عام . وشراب الفلاجيل لايعطى للقط الان لان الاسهال عنده خفيف والافضل يترك ويعطى اكل منوع من مهلبيه وسيريلاك ورز .. |
رد: ارجوا المساعده القط له خمس ايام ماكل شيء ..!!
اقتباس:
وشراب الفلاجيل لايعطى للقط الان لان الاسهال عنده خفيف والافضل يترك ويعطى نعم لو كان عندوا اسهال بمعنى الكلمة و شكرا دمت بود |
رد: ارجوا المساعده القط له خمس ايام ماكل شيء ..!!
الخبيره ناديا ...
ارجوا المساعده .. عطيته البارح واليوم مهلبيه من اللي تباع بالبقاله ( مهلبية داناو ) البارح اخذ منها شوي واليوم عطيته بالسبرنجه بالكامل وللاسف لازالت حاله الاسهال معاه ولا اعرف كم مره تجي معاه الحاله لان معاي قط ثاني بالبيت لكن ياليت اذا فيه دواء لحاله الاسهال تعطيني اسمه وياليت يكون بالصيدليه البشريه لاني بمكان الصيدليات البيطريه قليل ولايوجد فيها الا علاجات البهائم والاغنام وهل اعطيه اكل ثاني غير الزبادي ..؟؟؟ |
رد: ارجوا المساعده القط له خمس ايام ماكل شيء ..!!
اخلط مع مرق الدجاج نشا وقطع دجاج وحركها عالنار شوي واكله منها بيمسك البطن
او اخلط سيريلاك بالرز او القمح وخليه شبه سايل وبالسرينج |
رد: ارجوا المساعده القط له خمس ايام ماكل شيء ..!!
اقتباس:
هلا اخوي اسفه للتاخير عليك بالرد لعلاج الاسهال اشتري شراب كابتين من الصيدليه البشريه واعطيه منه 1مل مره في اليوم ولمده 4 ايام . وضروري تعطيه مهلبيه بدووون سكر ..والمهلبيات الجاهزه ابدا ماتنفع .. اشتري سيريلاك بالارز ( تبع الاطفال) من الصيدليه البشريه .. وضع قليل منه في صحن واخلطه بماء دافي حتى يتجانس ويصبح قوامه غليظ. وقدمه للقط بشكل يومي مرتين الى ثلاث مرات في اليوم ..كوجبات اساسيه مع الزبادي حتى يتوقف الاسهال نهائي عنه . وباذن الله يتشافى ..عليك بالصبر والتركيز على الانتظام بالعلاج حتى يتشافى . وطمني عنه . |
رد: ارجوا المساعده القط له خمس ايام ماكل شيء ..!!
حبيت اعطيك طريقة المهلبية
4 ملاعق نشا على ثلاث ارباع كوب ماء وربع كوب حليب ويحلى ويرفع على النار حتى تمام النضج وياكل القط ولو بالغصب وباذن الله يتشافى |
| جميع الأوقات بتوقيت GMT +3. الساعة الآن 07:49 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو