|
خايفه عليه اوووى
السلام عليكم
الاول احب اشكركم لانكم ساعدونى قبل كده لما كانت القط تعبان والحمد لله بقي كويس بس المشكله بقي المرة دى جديدة هو ذكر شيرازى حوالى 8 او 9 شهور من امبارح بالليل لاحظت عليه انه بيحفر كأنه هيعمل حمام بس مش بيعمل وبيطلع على طول بعدها ينضف نفسه كأنه عمل بس النهارده بقي يعمل كده كتيركل شوية كل عشر دقائق تقريبا واوقات اكتر وبيعمل صوت مواء وقتها انا قلقانه عليه ياريت حد يجاوبنى من فضلكم |
رد: خايفه عليه اوووى
اهلين
قصدك عنده امساك؟ لو يحاول يتبرز ومو قادر اعطيه شوية زيت زيتون واكليه جبن او خليه يشرب حليب |
رد: خايفه عليه اوووى
هو مش بيعمل ولا بول ولا براز علشان كده مش قادرة أأكد انه عنده امساك فعلا
انا قلقانة عليه اووى ومش في مستشفى بطرى دلوقتى فاتحة عندنا كلهم ببيفتحوا الصبح بس انا عايزة اعرف في حاجة خطر لو استنيت لحد بكرة ووديته الدكتور وايه اللى اقدر اعمله دلوقتى علشانه وهو تقريبا رافض ياكل واكل جبنه بسيط ومش عايز يشرب لبن وبرضه كل شويه يحفر ويحاول ومش في فايدة بجد انا خايفة اووى ياريت حد يطمنى |
رد: خايفه عليه اوووى
القط طلع عنده انسداد في مجرى البول وروحت لدكتور بطري وعمله اسطرة
وهو لحد دلوقتى لسة مفعول البنج فيه ونايم بس قام وتقيئ مرتين الدكتور قالتلى ان ال 3 ايام دولو يارب يعدوا على خير ويارب يتبول بكره انا دلوقتى عايزة حد يكون عمل لقطه العملية دى ويقولى ايه اخبارها وياترى قطى هيكون كويس بعد كده ولا لا ياريت حد يطمنى وادعوا له انه يبقي كويس |
رد: خايفه عليه اوووى
:( ربنا يشفيه يارب ويبقى كويس |
رد: خايفه عليه اوووى
ربنا يخليكى يارب
|
رد: خايفه عليه اوووى
غالبا احتباس البول يصيب الذكور اغلب شي ..
ويوجد علاج امن وافضل من القسطره وهو دوا تركيبته ALVERINE BASE 40MG/ 2/10 من ابرة الانسولين مرة ويتبول .. ودااائما اكثري له من السوائل ..ماء _ مرقه سلق الدجاج _ حليب وبخصوص العمليه ماانصحك فيها الا اذا البيطري شايف حالته تستدعي عمها له .. اتمنى له الشفاء العاجل |
رد: خايفه عليه اوووى
انا خايفة اوى عليه
الدكتور عملت له امباح قسطرة واخد بنج كلى ومش عمل بعدها بول وروحت لها النهارده الظهر قامت عملت له قسطرة تانىوبرضه بنج كلى ونزل منه دم وقالت لى ان حالته وحشه وادتنى فوار فوار يروكسيمول وقالتلى اعملى كمدات ماء دافي عند المثانة بعدها لاحظت وانا بعمله الكمدات ان في نقاط دم مخطلتة ببول وبيرجع اوقات ومش راضي ياكل وانا بأكله زبادى بالعسل زى ما قالتلى بس بالسرنجة وبالعافية وبديلوا الدوا انا بجد مرعوبة عليه وبعيط على طول ووالله اعصابي بايظة والدكتور قالتلى لو مش عمل توليت تانى ممكن بكرة تعمله قسطرة وهتكون تالت مرة انا مش نمت من امبارح وسهرانه معاه كمان النهارده بس انا عايزة اعرف هو كده مش في امل يعيش ولا ايه ؟ ولو لاقدر الله هيموت قدامه قد ايه ؟ وهل هيتألم جامد ولا ايه؟ ارجوكى طمنينى |
رد: خايفه عليه اوووى
متقوليش كدة خلى عندك امل
ان شاء الله مش هيموت وهايبقى زى الفل خليكى معاه اتعبى معاه شويه وبأذن الله هايخف ويبقى كويس |
رد: خايفه عليه اوووى
ربنا يخليكى يارب
انا بجد اعصابي باظت ومحتاجة حد يطمنى على حالته ويقولى بصراحة ايه اللى يحصل معاه |
رد: خايفه عليه اوووى
لاحول ولاقوه الا بالله واضح انه في مراحله الاخيره من المرض.
والدواء فوار يروكسيمول فيه منه حبوب ومفعولها اقوى ..لاكنها تعطى للقط قبل اصابته باحتباس البول لانه فقط يساعد على منع الاصابه وليس بعلاج كامل للحاله.. اتمنى انك تغيرين البيطري..لان كثره استخدام القسطره ..ممكن تسبب له جروح داخل الانابيب وبعدها يتبول القط دماء نتيجه لذلك. واحتباس البول اذا عولج في وقت مبكر يشفى القط منه باذن الله.. انتي توكلي على رب العباد وباذن الله يتشافى.. فيه طريقه عمل قسطره في المنزل وذلك بالضغط الخفيف على المثانه حتى يخرج البول منها وعندي فيديو يشرح لك الطريقه: هنا الطريقه لجعل القط او الكلب يتبول بدون استخدام القسطره وهي مساعده منك للحيوان.. |
رد: خايفه عليه اوووى
النهارده روحت للدكتور تانى
قالتلى ان حالته وحشه وان عنده فشل كلوى سببله بولينا وده اللى عامل الاحتباس كده وهو النهارده طول اليوم يعمل بول مختلط بدم وفضلت هى تعمله ضغط على المثانة زى الفيديو بس كان بيصرخ جامد من الوجع وقالتلى اضغط عليها برضه في البيت و اديله الدوا وأأكله بالسرنجة وربنا يلطف بيه وان مش بأيدها حاجه واكتر من كده وهو مش بياكل غير قليل اوى يعنى ممكن على مدار اليرم ياكل ملعقة زبادى صغيرة بالعسل وبالسرنجة كمان انا مرعوبة اوى واعصابي باظت خالص انا والبيت كله ومش ببطل عياط عليه انا ينفسي ربنا يرحمه من اللى هو فيه ده هو نايم دايما على بطنه وبيتبول لا ارادى ساعات كتير انا عايزة حد بس يطمنى ويقولى وهو ايه حالته وبصراحة من غير تجميل للكلام ولو هيموت قدامه بالتقريب قد ايه انا عارفة انى بطول عليكم بس بجد انا حاسة انى هموت من الخوف وطول النهار ببقي بتكلم مع الدكتور في التلفون كتير لكن بالليل مش ليا غيركم اعزونى |
رد: خايفه عليه اوووى
مش عارفه اقولك ايه انا بجد زعلت واتنكدت جدا عليه يارب ربنا يشفيه
ان شاء الله هايبقى كويس يارب يخف بسرعه يارب |
رد: خايفه عليه اوووى
امين يارب
ياريت كل اللى يدخل يدعيله والله انا مش عارفة اعمل ايه ومش قادره حتى احتمل اشوفة كده بعد ماكان بيلعب ويجرى شكله اتغير ورفع ووزنه قل وبيترعش دايما حاسة انه بيموت بالبطئ وانا مش بيأدى حاجة وبنهار جمبه |
رد: خايفه عليه اوووى
صعب مرة تشوفي حيوانك المدلل يموت قدام عيونك ببطئ
الله يعينك حبيبتي ويشفي بستك وتقوم احسن من اول ^^ |
رد: خايفه عليه اوووى
انا النهارده ماما افتكرت ان قريبتها دكتورة بيطرية وقالتلى اكلمها
وكلمتها وقالتلى انى لازم علشتن اتأكد انه عنده فشل كلوى اكون حللت له دم الاول وان مينفعش الدكتور تشخص كده من غير تحليل الدم وقالتلى اديله اسبرين علشان يعمل كله سيوله في الدم فالتجلط الدموى اللى عند المثانة يروح تانى حاجة قالت لى انى اديله كل ربع ساعة مرة عصير قصب ومرة ماء شعير وعملت كده وبعدها بساعة تقريبا رجع اللى اخده ورجع معاه كرة شعر تعتبر كبيرة ودى اول مرة في حياته يرجع كرة شعر وبعدها كلمت قريبتى تانى قالتلى ان كويس اوى انى رجعها لانها كانت قافلة معدته وانى اتابع معاه كده لحد بكرة واكلمها تانى ادعولى ربنا يوفقنى واقدر اعالجة ويكون كويس وينفع العلاج ده معاه |
رد: خايفه عليه اوووى
ياااااااااااااااااااااااارب تخف يا قطها ياااااااااااااااااارب
ان شاء الله هيخف بان الله انا بدعيله على طول والله وقولت لماما كمان تدعيله ربنا معاكى ومعاه |
رد: خايفه عليه اوووى
ميرسي اووى ليكى
ربنا يخليكى يارب |
رد: خايفه عليه اوووى
رغم كل اللى حصل وكنت عندى امل انه يرجع تانى زى الاول لكن ربنا مش اراد كده
مات خلاص |
رد: خايفه عليه اوووى
اللهم لا حول ولا قوة الا بالله
مش عارفه اقولك ايه ربنا يصبرك ويعوض عليكى خير انتى عملتى الى عليكى بس خلاص مقدر ومكتوب ربنا يصبرك ويعوض عليكى يارب |
رد: خايفه عليه اوووى
الله يعوضك ان شاء الله
والقط من اول رد كنت اقولك انه في المرحله الاخيره من المرض ولاكن انتي حاولتي مساعدته وانقاذ حياته .. كل شي بامر الله ولابد اننا نكون متوكلين على رب العباد دائما . صدقيني انتي انسانه عظيمه لانك بذلتي كل جهدك لانقاذه .. ودائما افتكري كلامي ..القط اذا كان في مرحلته الاخيره من المرض بيكون صعب جدا علاجه.. تقبلي مروري |
رد: خايفه عليه اوووى
انا النهارده نزلت وجيت لقيت اخويا جابلى قطة هدية علشان كنت على طول بعيط
بس القطة دى صغيرة بس انا معرفش عندها قد ايه هى شيرازى وفي زى حرف m في راسه هى مش عندها اسنان مش في غير النابين اللى فوق والنابين اللى تحت بس وصغيرين اوى دلوقتى انا عايزة اعرف هى عمرها قد ايه تانى حاجة عايزة اعرف أأكلها ايه انا بشربها لبن بالسرنجة لان حطيتلها ماء ومش شربت وكمان عايزة اعرف لو هتستمر على اللبن يبقي اشربها كل قد ايه |
رد: خايفه عليه اوووى
مبروك على القطه وربنا يخليها ليكى
صورى سنان القطه عشان نعرف نقولك عمرها اد ايه لو اضعر من شهرين يبقى لازم ترضعيها لو اكبر يبقى تاكل عادى |
رد: خايفه عليه اوووى
وياريت تنزلى الصور فى موضوع جديد عشان الاعضاء يفيدوكى
|
رد: خايفه عليه اوووى
ربنا يخليكى حبيبتى
هو تقريبا عمره 45 يوم انا هحاول اصوره وانزل الصورة هو بيعرف يشرب لبن لوحده بس مش شرب ماء من اول ما جة وانا بشربه لبن بالسرنجة دايما وأكلته جبنة مثلثات بس مش عرف ياكلها لوحده أكلتهاله في بقه كأنى بديله برشام ومش قدر يكملها اكل اقل من نصها انا عايزة اعرف أأكله كام مرة ومقدار الاكل يكون قد ايه |
رد: خايفه عليه اوووى
انتى بتشربيه لبن ايه ؟ خلى بالك اللبن والجبنه هيعملوله اسهال
متشربهوش بالسرنجه تانى وكان الافضل لو اشتراه وهو عندة شهرين بس الى حصل اكليه دراى فود فراخ مسلوقه مفتته من غير دهون ولا بهارات لحمه مفرومه بردو من غير دهون ولا بهارات ولا ملح اكليه رز مسلوق معاه كوسه وجزر وبطاطس وفراخ او لحمه مرة فى اليوم وخلى الجبنه مرة فى اليوم بردو عشان ميتعبش واكليه بيض ملسوق زبادى ممكن هيحبه ـ سيريلاك بالرز او المقح وتعمليه بمايه مش بلبن ولو بتشربيه لبن غير لبن الكيتن او لبن مخفف وقفيه والمايه مبيشربوش مايه كتير فى العمر دة واكلتهم بتبقى ضعيفه بس بيجوعوا بسرعه |
رد: خايفه عليه اوووى
ميرسي شاهستا ربنا يخليكى يارب
تعبتك معايا انا امبارح روحت بيها الدكتور علشان تطمنى عليها وعلى صحتها قالتلى انها كويسة الحمد لله وقالت لى أأكلها نفس الاكل اللى انتى قولتيه تقريبا بس انا لاحظت انها مش بتعرف تاكل لوحدها بقيت أأكلها بالسرنجة والنهارده اول مرة تشرب ماية لوحدها انا أكلتها زبادى بالسعل وسريلاك بس كنت بعمله باللبن بعد كده هعمله بالماية وكمان هى جالها اسهال النهارده وسألت الدكتور قالتلى علشان بأكلها كتير وقالت لى انى مش اكتر لها في الاكل واقرب الاوقات فيه |
رد: خايفه عليه اوووى
الله يشفيه يارب
|
رد: خايفه عليه اوووى
افظل شي لا تضعي صور ل اسانها لان هناك طريقية تسطيعين فيها معرفة عمر اسنان القطط على حسب عمرها في الرابط جوابي و المهم الله يعوضك
http://www.2zoo.com/vb/showthread.php?t=170323 |
| جميع الأوقات بتوقيت GMT +3. الساعة الآن 03:14 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو