|
أستفسار بخصوص الكاسكو , حيرني ما عرفت شو اسويله .
السلام عليكم , عندي موضوع محيرني وعجزت من كثر ما حصلت حلول لكن ما فادة
عندي كاسكو من 4 شهور تقريبا عمره من 6 ل 7 شهور الطير ما شاء الله عليه , صحتة 100 من 100 , المشكله انه اللحين مكمل ما بين اسبوع ل 10 أيام ساكت ما ينطق ابدا خير شر ما العلم انه من قبل اول ما يشوفني بجعد يصفر ويصارخ ويسوي حفله لين اجي عنده ويطلع على كتفي او على يدي , اللحين ابد ما يي على يدي ولا يصفر ولا يسوي حفله , قلت ممكن يكون فيه دود بطن ولا بكتريا وديته العياده قبل 3أيام , قالولي مافيه شي ابدا صحته الحمد لله زينه , قلت اخليه على هواه كم يوم ما المسه ولا اي شي غير اني انظفه واغيرله الاكل والماي وانظف القفص . بس ما فاد شي ابدا حيرني , بس يوم اقرب عنده امدله يدي ينزل راسه وامسحه عليه ,واجعد اكلمه يشوفني اكلمه بس ابدا خير شر . شو الحل وياه عجزت معاه اول مره اعجز معا طيور . يا ريت اهل الخبره يفيدوني في الموضوع . |
رد: أستفسار بخصوص الكاسكو , حيرني ما عرفت شو اسويله .
بيفدوك اهل الخبرة
|
رد: أستفسار بخصوص الكاسكو , حيرني ما عرفت شو اسويله .
ياحليله اكيد فيه شي مضايقه
حاول تسولف له كثير وتصلح له الالعاب وتمسح عليه ............. الله يحفظه لك |
رد: أستفسار بخصوص الكاسكو , حيرني ما عرفت شو اسويله .
شغل التلفزيوون أي صوووت عالي .. وشووف ايش يسوي وقتها .. ع الاقل بيصفر ان شاء الله .. |
رد: أستفسار بخصوص الكاسكو , حيرني ما عرفت شو اسويله .
لاتخليه لحاله العب معاه سولف معاه طلع برى خليه يتمشى
تلاقيه طفشااان |
رد: أستفسار بخصوص الكاسكو , حيرني ما عرفت شو اسويله .
انا متأكد انك تحط له مكان واحد للنوم واللعب وهذا خطأ عشان ما يصير كئيب
اقعد معه وقت كثير وحسسه انك تحبه والعب معه واشتري له العاب ولا انت سوي |
رد: أستفسار بخصوص الكاسكو , حيرني ما عرفت شو اسويله .
m;2055447]انا متأكد انك تحط له مكان واحد للنوم واللعب وهذا خطأ عشان يصير كئيب حط له مكان مخصص لنوم ومكان مخصص للعب
اقعد معه وقت كثير وحسسه انك تحبه والعب معه واشتري له العاب ولا انت سوي[/QUOTE] |
رد: أستفسار بخصوص الكاسكو , حيرني ما عرفت شو اسويله .
تسلمون على الرد كلكم , كل هالكلام مسويله , مقضي وقتي وياه مب لوحده ابد , واللعاب عنده , كل شي عنده . بس ما اعرف شو فيه
|
رد: أستفسار بخصوص الكاسكو , حيرني ما عرفت شو اسويله .
وين اهل الخبره
|
رد: أستفسار بخصوص الكاسكو , حيرني ما عرفت شو اسويله .
نصيحه يا اخوان لا تعتمدوا على كلام الدكاتره مع احترامي لهم , ولكن افضل اللي بيودي طيره يتعالج يوديه عند عياده مختصه في الطيور , لانه البعض من الدكاتره ما يعرفون يتعاملون معا الطيور من كثر ما يتعاملون ويا الكلاب والقطاو .
وشكرا لاني مجرب هذا الشي . |
رد: أستفسار بخصوص الكاسكو , حيرني ما عرفت شو اسويله .
طيب بشرنا وش صار على طيرك
كيف برازه الله يكرمك اذا كان جسمه نحيف او اي شيء ممكن عنده دوووودد انا كان الكاسكو عندي نحيف طلع عنده دووود بس سويتله تحليل عن طريق برازه الله يكرمك افضلك اذا كنت شاك بطيرك انه مريض سوله تحليل ثاني شيء نصيحه لك اذا قال الدكتور اضربه ابره قله لا واطلع من عنده او قله عطني دواء حبوب افضلك لانه الدكتور اللي سويت عنده تحليل لطيري قالي بالحرف الواحد الابره تموت الكاسكو خلال يومين اتمنى افدتك اخوي وان شاء الله طيرك مايشوف شر اخوك المتألق - محمد |
رد: أستفسار بخصوص الكاسكو , حيرني ما عرفت شو اسويله .
أخوي محمد , الطير مات من يومين , والسبب لاني وديته لعياده عالميه من غير ذكر اسماء , والدكتور مب عارف يتعامل معا طيور , كله يتعامل معا الله يعزك مقدارك كلاب وقطاو , عطاني مضاد حيوي , والطير من قبل كان مريض
بس يوم كشف عليه قالي انه الطير ما فيه عله , قلتله متأكد قالي نعم ممكن حاله نفسيه , بس ابد الدكتور هو زاد الطين بله , يوم وديته للمستشفى اللي اتعامل معاهم سويتله فحص من الألف الى الياء . كان وضع طيري في حالة خطره , عطوني ادويه وقالوا اللي يكون في عونك . و طيري مات بسبب خطأ الدكتور اللي في العياده العالميه على اساس انه فاهم , حتى كلامه مب منطقي ما اعرف شو يخربط و علاجهم غالي على الفاضي . عسب جي انا انصح انه الواحد يتأكد من دكتورين على الاقل واذا اختلفت الأراء روح للثالث , في النهايه هذي روح والواحد محاسب عليها عند الله , والحمد لله من جهتي ما قصرت من جهة طيري سويت اللي على وازود . ان شاء الله تستفيدون من هالنصائح . |
| جميع الأوقات بتوقيت GMT +3. الساعة الآن 08:52 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو