|
محتار واحتاج لمشورتكم
السلام عليكم فاتح لكم هالموضوع من منطلق ان ماخاب من استشار وانا جاي استشيركم واتمنى تقضون على حيرتي ادش لكم علطول بالموضوع انا ناوي اربي طيور بسطح بيتنا وبحط جبرة مساحتها 3 متر في 6 متر المهم ان في ناس قالولي ربي حمام فيها وطبعا عذرهم ان الحمام نظيف وتربيته سهلة وانسب شي للتربية في سطح البيت لكن في ناس ثانيين قالولي لاتربي حمام ماتسوى ربي دجاج عربي مكسبه اكثر بوايد ويتكاثر بسرعه حيل وفيه ربح وتعبه فيه بس عقب ماعزمت اربي دجاج ( عربي طبعا ) خوفوني وقالولي ترى مايصلح بالبيت لانه - مزعج - وصخ - ريحتهم راح تأذي الجيران - اذا مرض ممكن يفتك بنص الحلال فانا محتار اربي بسطح بيتنا حمام ؟ ولا دجاج ؟ واذا عندكم اقتراح ثالث لاتبخلون فيه عليي . ترى الهدف من التربية هو تسلية وتقضية وقت فراغ وايضا تحقيق دخل اضاافي ياليت تفيدونا من تجاربكم وماتبخلون علينا اخوكم / فواز |
رد: محتار واحتاج لمشورتكم
والله يا أخوي انا بربي دجاج وحمام هو صحيح الدجاج بوصخ بس مع التنظيف بكون أفضل وانا بفضل انوا الدجاج يتربا بالحوش مو على السطح عشان يوخذ حريته والتربة مفيدة اله أما الحمام أحسن تربي على السطح لانوا بحب التحليق وانتاجه ممتاز اذا جبت عدد مناسب من الازواج
انا بنصحك بالحمام لانوا أنظف من الدجاج من تجربتي ولكن الدجاج بسلي وحلو |
رد: محتار واحتاج لمشورتكم
انصحك بالدجاج لانه يسلي وفيه مكسب حلو بس يحتاج تنظيف
|
رد: محتار واحتاج لمشورتكم
انصحك تييب دجاج نظييف و تنظف له يوميا
و ما اعتقد ان الحمام ييبون بيض مثل الدجاج و الديك يمكن اذا كان صوته قوي يوعيك لصلاة الفجر و الحمام مثلا اذا نزلو ببيت ناس و يبون ياكلون فحد من اصحاب المنزل صاد الحمام شو بتسوي؟؟؟؟ ترا الراي رايك فكر زين |
رد: محتار واحتاج لمشورتكم
اتفضل هالرابط ممكن تفيدكـ الأسألهـ والأجوبهـ الموجودهـ بالموضوع :
http://www.2zoo.com/vb/showthread.php?t=174368 واذا عندكـ اسألهـ أخرى وتحب إجابهـ خاصة لها فتفضل بطرحها . تحياتي لكـ وبإنتظاركـ . http://www.2zoo.org/get-10-2010-2zoo_org_vjlpg099.gif |
رد: محتار واحتاج لمشورتكم
مشكورين اخواني واخواتي على سعة صدركم وكرمكم ونصحكم للناس اللي ماعندها خبرة مثلي
ميخالف راح اتعبكم باسالتي انا عندي توجه مع الدجاج اكثر من الحمام فعندي كم سؤال عن الدجاج اقدر احط 80 دجاجة و 20 ديك بالسطح ؟ مع العلم ان الجبرة مساحتها 3 * 6 لكن طبعا السطح اكبر يعني الجبرة بس حق النوم ؟ يعني هل في امكانية اني اربي هذا العدد من الدجاج ؟ وكيف امنع انتشار الامراض التي تفتك بهم ؟ خاصة انهم راح يكونون غير معزولين عن بعض انا اكثر شي مخوفني اني مابي أأذي الجيران فاذا احد مجرب تربيتهم بالسطح ، هل هناك امكانية لتربيتهم ؟ ام لا ؟ ومارأيكم بمشروع تربية الفري كمشروع بديل عن الدجاج ؟ وبالنسبة للتنظيف انا انظف كل يوم لاتشيلون هم التنظيف . ومشكورين مقدما اخواني واخواتي وانا واثق انكم ماراح تخلوني وراح تساعدوني |
رد: محتار واحتاج لمشورتكم
في إمكانية ولكن بدك توفرلهم أكلهم بكثرة انت إذا بدك الانتاج للمنزل 20 دجاجة بكفوا عشان أول شي تتعلم على الدجاج وتشوف إمكانياتك في تقديم الطعام لانوا حرام تجيب 80 دجاجة لانوا الاكل ما راح يكفيهم يعني بدك تسوي مزرعة على السطح بعدين بتفقد السيطرة عليهم وبالنسبة للفري تربيته جميلة ولكن اذا بدك تربيهم على السطح في الجبرة ما تطلعهم منها لانوا الفري بهرب وما برجع ولكن في طريقة وهي انك تلف على أجنحتهم (تب) لصاق عشان ما يقدرون يطيروا وأرجوا إني أفدتك
|
رد: محتار واحتاج لمشورتكم
اخ مصطفى والله انك ماقصرت كفيت ووفيت
الله يعطيك العافية بالنسبة للاكل كانت نيتي اوكلهم شعير وذرة مكسرة والزايد من اكل البيت وخبز قديم منقع بالماء مشكور عالنصيحة الحلوة |
رد: محتار واحتاج لمشورتكم
انا افضل انك تربي حماااام ترا الدجاج مايتربى في السطح لانو يحب التربه وانصحك لا تخسر فلوسك فيه لانو ماراح يتكاثر لازم حوش اما بنسبه للحمام فهو افضل شي فوق السطح وانصحك تربي حمام قلاب قطيفي او بهلواني او باكستاني اولا مسلي وثانيا تستفيد من انتاجه في البيع ومعروف بوفرة انتاجه وربي يباركلك فيه
|
رد: محتار واحتاج لمشورتكم
اقتباس:
|
رد: محتار واحتاج لمشورتكم
ياجماعة انا جربت تربية الحمام من قبل زوج الحمام يجيب كل شهرين فرخين او فرخ واحد
وتربيتهم ادري انها سهلة ونظيفة لكن تكاثرهم بطئ حييييل وتعتبر تربيتهم هواية ولكن لاتدر اي ربح او فائدة الا القليل فحبيت اجرب شي ثاني غير الحمام عالاقل الدجاج استفيد من بيضهم ويجيب بيض بشكل شبه يومي واقدر اذبح ماشئت للاستفادة من لحومهم وانا بيتي مافيه حوش تراب حوشنا كله كاشي ماعندي غير السطح لكن اكثر شي افكر فيه هو شلون امنع دجاجي من ان تفتك به الامراض وفكرتك اخ مصطفى عجبتني حيل وهي اني اشتري كمية قليلة في البداية كتجربة |
رد: محتار واحتاج لمشورتكم
هلا اخوي
جوف ادا تبي تربي دجاج مايصلح لهم البيت يبلك مزرعه وادا بل بيت بسبب لك ريحه وازعاج وممكن احد الجيران يجي وسويلك مشاكل فه مانصحك ادا تبي تربي شي رب طيور او حمام تره حته الحمام وصخ بس اهون من الدجاج ودجاج يبله علف واجد بعكس الحمام اما عن الفري (( السمان)) في ناس تقول مايفرخ الى بفقاسه وهاذي مشكله يعني لازم تخسر فلوس عشان تجيب فقاسه ومادري شنو نصيحه رب حمام او طيور وعامه الي يربي دجاج بل بيت حده 10 دجاجات معه ديج وبعد حق اكل البيض او لحم اما 80 اتوقع شي مبالغ ويمكن اهلك ماريضون الانه ريحه قويه ووصخ ماعليه سبوع سبوعين ثلاثه وانته تنضف بجيك وقت بتتعب ومالك خلق تنظف اما الحمام كل يوم خميس تنضيف وخلاص ونته براحتك ادري كثرت عليك وانته الحين محتار اكثر |
رد: محتار واحتاج لمشورتكم
هههههههههههههههه
اي صح كلمة توديني وكلمة تجيبني عيل اربي فري يعني ؟ ولا اربي فروخ دياي ؟ لين تكبر بعدين اذبحها بس يكون عمرها شهر علاقل فيهامناعة ؟ ولا اربي 10 ديايات مثل ماقلت لي والباجي فري ؟ هذي كلها خيارات واعتقد ان حيرتي ماراح تزول بسهولة |
رد: محتار واحتاج لمشورتكم
اخوي
نصيح ادا تبي تربي دجاج خذ لك 10 وبينهم ديج وخلهم عندك تستفيد منهم اكل وبيض وانا سمعة عن الفري ((السمان)) انه لازم فقاصه لا بلعكس اخوي انته شوف وش الي يريحك وله شنو تميل اكثر وحاول تبتدي شوي شوي ممكن تربي دجاج وتكرهم ويمكن لا تحبهم |
رد: محتار واحتاج لمشورتكم
اشكرك عديل الروح على سعة صدرك
والله انك ماقصرت رايتك بيضة |
رد: محتار واحتاج لمشورتكم
وإذا محتار كثيير جيب دجاج وفري وحمام ههههههههههه وبعدين يا أخ إنتاج جوز حمام مو مثل انتاج 20 جوز وفيه ربحية
|
رد: محتار واحتاج لمشورتكم
مشكور مصطفى على كرمك وسعة صدرك
انشالله بس اكمل مشروعي راح احط تقرير كامل مدعم بالصور |
رد: محتار واحتاج لمشورتكم
انا صراحه افضل الدجاج وفعلا مسأله التراب مهمه بس مو مشكله لانك فيك تطلع تراب فووق وتفرش لهن وشوف الشبك اللي سواه احد الاخوان وفرش لهن تراب في السطح بس شي فضيع جنان وغير مكلف
http://2zoo.com/vb/showthread.php?t=182676 بس حالياً دخلت عليه الصور ماهو ظاهره لاستهلاك الباندوث يعني اخر الشهر الميلادي يطلعن او راسل صاحب الموضوع يرفع الصور من جديد بتستفيد منهن كثير شي جنان |
رد: محتار واحتاج لمشورتكم
مشكور اخ ابو عزام عالموضوع الجميل فعلا الصور غير ظاهرة لكن شفت فيديو اليوتوب كان فعلا جميل
|
رد: محتار واحتاج لمشورتكم
عندي فكرة ثانية شرايك تربي بط او ديش رومي فوق البيت
الديش الرومي ماشالله ينفع للاكل اوكي يقولون لحمه و البط وناسة و ما يوصخون مثل الدياي او الحمام اعتقد و بعد لحمهم يقولون اوكي بس البط يحتاج لحوض صغير او ما يشبهه لانه يحب الماي و مادري اذا البط يستغني عن الحوض و السباحة |
رد: محتار واحتاج لمشورتكم
مشكور اخ اماراتي ومن حقك تفتخر :) طبعا من دون انتقاص من الاخرين كلهم فيهم الخير والبركة
انا اعتقد ان عديل الروح قدر يقنعني بتربية الحمام خاصة ان عندي خبرة سابقة فيه يعني راح اربيه من دون مواجهة اي مشاكل تذكر وهم راح اربي شوية فري وذلك للتعرف عليه عن قرب |
رد: محتار واحتاج لمشورتكم
خلاص انشالله فدناك
|
رد: محتار واحتاج لمشورتكم
فدتوني وزيادة رايتكم بيضة والله
|
| جميع الأوقات بتوقيت GMT +3. الساعة الآن 01:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو