|
قطتي تعسرت ولادتها ،، ساعدوني
السلام عليكم ..
قطوتي امس المغرب ولدت وجابت واحد ،، وظلت تعبانه وبطنها منفوخ وبعدها بساعتين حاولت أضغط على بطنها بشويش وطلع الثاني بس ظلت تعبانه وفي بطنها غيرهم والصباح وديتها إلى بيطري وسوى الها الترا ساوند وقال إنه فيها اثنين كبار ويمكن أكثر بس الكبار مغطين عليهم وعطاها إبرتين طلق وانتظرنا بس للحين ما ولدت وهي تعباانه كثيير وهذي أول ولاده الها .. الله يعطيكم العافية خبروني وش اسوي أعصابي متوتره كثيير وخايفه عليها كثير .. |
رد: قطتي تعسرت ولادتها ،، ساعدوني
الله يسهل لها ان شاء الله
ما لك الا البيطري |
رد: قطتي تعسرت ولادتها ،، ساعدوني
القيصرية انشالله تنفع اختي اذا تعسرت تعسرت وحاولي تصرين ع البيطري اذا تعسرت انه يسوي القيصريه راح يريحها احسن لانها ممكن تتعب هذا الحل الوحيد اما تولد طبيعي او تعسر يعني قيصرية
وانشالله تنجح >>>>>>>>>>>>> ماتجوفون شر انشالله وبشرينه بالاخبار :) |
رد: قطتي تعسرت ولادتها ،، ساعدوني
خليها عند البيطري لانه اذا تعسرت لازم عمليه والله يسهل عليها ويقومها بالسلامه طمنينا عنها
|
رد: قطتي تعسرت ولادتها ،، ساعدوني
وديتها البيطري اليوم المغرب وسوى الها عملية
بس مررره تعبااانه والمخدر ماراح منها إلى بعد 4 ساعات والحين مو قادره تمشي ،، كل ماتحاول تطيح ومو راضيه تاكل شي من أول أمس ،، ولما نحط الأكل بفمها تطلعه تعور القلب :( :( :( الله يعافيها يارب |
رد: قطتي تعسرت ولادتها ،، ساعدوني
الله يشفيها ويحفظها لك
اذا مااكلت وديها تاخذ مغذي او حاولي اخلطي الاكل بالخلاط وبالسرينج ودخليه بفمها وربي يحميها ويشفيها |
رد: قطتي تعسرت ولادتها ،، ساعدوني
اقتباس:
المهم اخبار الكتيز شلون اوكي ولا ماتوا ؟؟ |
رد: قطتي تعسرت ولادتها ،، ساعدوني
مثل مااقاااالوووووووووووووووووو الاخووان الي فوق وسلامتها الف سلامه
|
رد: قطتي تعسرت ولادتها ،، ساعدوني
الله يسهل عليها مالك إلا البيطري
|
رد: قطتي تعسرت ولادتها ،، ساعدوني
كيفها الحين؟ ان شاءالله تحسنت
|
رد: قطتي تعسرت ولادتها ،، ساعدوني
كيفها الحين
بشرينا عنها |
رد: قطتي تعسرت ولادتها ،، ساعدوني
الحمدلله صارت أحسن ..
بس لسى لما تحاول تمشي تطيح .. وصارت تبي تاكل بس مو قادره ، بس تحط راسها بالصحن وتحاول تاكل وما تقدر .. والأولاد طلعهم الدكتور ميتين .. بس احس انها ما تشوف لأن عيونها من أول ما طلعت من العمليه مفتوحه ،، وحتى بعد ما صحت ظلت مفتوحه وعدستها ما تتغير .. هذا الشي طبيعي أو لا ؟؟ شكراً للجميع ع المواساه .. يعطيكم العافية .. |
رد: قطتي تعسرت ولادتها ،، ساعدوني
عيونها طبيعي حتى وهي مخدره تصير مفتوحه ان شاءالله تتحسن بس حاولي تاكلينها اخلطي الاكل وبالملعقه او السرينج لازم تتغذى وربي يشفيها لك ويعوضك عن الكيتز خير هي اهم منهم
وان شاءالله ربي يشفيها طمنينا عنها بين فتره وفتره وانتبهي للجرح عطاك الدكتور دواء؟؟ |
رد: قطتي تعسرت ولادتها ،، ساعدوني
الله يعوضك خيير عن الكتنز
هي كيفها الحين ان شاءالله احسن |
رد: قطتي تعسرت ولادتها ،، ساعدوني
طمنينا عنها
الحمدلله على سلامتها وربي يعوضها |
رد: قطتي تعسرت ولادتها ،، ساعدوني
يالله عقبال المواليد الجداد انشالله ويتعوضون بولادة طبيعية
|
رد: قطتي تعسرت ولادتها ،، ساعدوني
امس تحسنت وارتحت وانبسطت كثيير
واليوم صارت تعباانه وبطنها انتفخ مع إنها بس تشرب ماي وتاكل خفيييف ،، وصار يطلع لعاب من فمها ومو قادره ترضع أولادها .. قلبي مو متطمن أبداً .. وش اسوي ؟؟ ساعدوني الله يعطيكم العافية .. |
رد: قطتي تعسرت ولادتها ،، ساعدوني
اولادها رضعيهم انتي بحليب القطط واذا ماعندك خففي الحليب العادي بمويه ورضعيهم
هي لازم توديها للدكتور لان انتفاخ البطن واللعاب يبي له دكتور وسلامتها ماتشوف شر انتي الدكتور ماعطاك لها مضاد بعد العمليه؟؟؟؟ |
رد: قطتي تعسرت ولادتها ،، ساعدوني
من تشوف ماي تحط راسها فيه ..
يعني ايش هذا ؟؟ ولسى مره تعبانه وما تاكل |
رد: قطتي تعسرت ولادتها ،، ساعدوني
غريبه اول مره تصير كذا , انتى مزاوجتها وهى صغيره؟
كم عمرها القطوه؟ |
رد: قطتي تعسرت ولادتها ،، ساعدوني
تبي تشرب وراسها يطيح وماتشرب المويه؟؟ولعابها كثير وبطنها منفووخ؟؟
طيب تاكل او رافضه الاكل؟؟ وانتي مطعمتها عن الفيروسات او لا؟؟ ومارديتي علي الدكتور مااعطاك مضاد الكيتز رضعيهم وابعديهم عنها وحاول تعطين الام محلول الجفاف بيبي لايت عالفكره نزووول اللعاب يافايروووس يا تسمم فالحقي عليها |
رد: قطتي تعسرت ولادتها ،، ساعدوني
الله يحفظها لك
وما تشوف شر ها كيف الكيتز حلوين وكيف صحتهم ؟؟ ^ـــــــ^ |
رد: قطتي تعسرت ولادتها ،، ساعدوني
كل يوم اوديها إلى الدكتور ويعطيها المضاد ..
كلما يجي حالتها تزداد سوء ،، وبطنها منفوخ وهي ما تاكل أصلا وكله ترجع اليوم الددكتور عطاها إبرة المضاد وإبرة مغذي وإبرة عن الترجيع ،، ولما رجعتها البيت صارت ترجف بقوه .. وأولادها أنا أرضعهم .. وأي مكان فيه ماي تروح تجلس فيه ،، البارحه لقيتها في المغسل واليوم في الحمام ،، مع إن المكان اللي أخليها فيه موجود فيه مكيف .. |
رد: قطتي تعسرت ولادتها ،، ساعدوني
ياعمري ربي يشفيها زي لوني:( كانت كذا
انتي ماقصرتي اللي تسوينه صح وربي يشفيها ان شاءالله طيب انتي بالرياض؟؟لانه في عيادة مره كويسه لو تبين رقمها |
رد: قطتي تعسرت ولادتها ،، ساعدوني
لا أنا في الشرقيه ،،
الدكتور اللي اوديها عنده مره زين وفاهم .. بس هذا قضاء الله .. وبطنها يزيد في الانتفاخ .. وأنا بس أصييح الله يشافيها يارب |
رد: قطتي تعسرت ولادتها ،، ساعدوني
امين وربي يصبرك ويشفيها ماراح يصيبها الا اللي ربي كاتبه لها
|
رد: قطتي تعسرت ولادتها ،، ساعدوني
لك كم يوم مادخلتي كيف قطوتك طمنيني
|
| جميع الأوقات بتوقيت GMT +3. الساعة الآن 09:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو