|
هل هذه المعلومة صحيحة
السلام عليكم و رحمة الله و بركاته
هل صحيح ان العقرب يقدر يصوم ثلاثة سنوات متواصلة ؟؟؟ يعني عادي اوكله في الاسبوع مرة ( كم دودة ) انا اقصد الدود العملاق ؟؟ |
رد: هل هذه المعلومة صحيحة
بالنسبه للمعلومه ما أعتقد صحيحه
أذكر عـمي قالنا إن ممكن سنه بس يكون متثلج ! يعني امسك العقرب و حطه بالفريزر لين يثلج خله سنه بعدها حطه بالشمس يرجع يتحرك @@" و على حد علمي = 95% ,, مو كل العقارب لها هاذي القدره يعني تختلف من عقرب لآخر و حتى من حيث النوع ! ، يـعني ما تجمع بهالشي كل العقارب ^^" |
رد: هل هذه المعلومة صحيحة
لا حرام ما اقدر احط في الفريزر
شكرا اخي على مرورك |
رد: هل هذه المعلومة صحيحة
يعني انت مربيه ؟!
ههههههههههههههههه لا عيل لا تحطه @@" المهم دوده وحده كافيه كل اسبوع مره دام تقول عملاقه @@" ,, |
رد: هل هذه المعلومة صحيحة
لا باشتريه باقرب وقت
بس عملاقة يعني دودة كبيرة عادية ليش انت مربي عقرب ؟؟؟؟ |
رد: هل هذه المعلومة صحيحة
لا بس لي خبره كبيره حالياً بحيوانات طريقتها مشابهه للعقارب !
أو بالأخص الحيايه و مثل ما عرفت إن العقارب تقريباً تربيتها مشابهه للحيايه ، و حتى العناكب ، يعني خبرتي بسيطه عن العقارب كنت مفكر آخذ عقرب لكن غيرت رأيي و قررت آخذ عنكبوت :) |
رد: هل هذه المعلومة صحيحة
انا شكلي باخذ الاثنين لانهم نفس الشي
بس اصعب شي هو اكلهم |
رد: هل هذه المعلومة صحيحة
ممكن صعب توفره لكن أحلى شي بتربيتهم أهو وقت الأكل ^^"
بس ما انصحك تشتري الأثنين و نصيحه مني دام انت ما جربت طول عمرك إني تربي أشياء من هالنوعيه و مالك خبره يعني مجرد قرايه و غيرها من هالأشياء الأفضل لك إنك تشتري العقرب تربيته على حسب ما شفت أسهل يعني ما يحتاج أشياء نفس العنكبوت انت ربه أول و أن شفت السالفه سهله إشتر العنكبوت :) |
رد: هل هذه المعلومة صحيحة
اخي عادي تقولني شو الصعب في العنكبوت و شو الفرق بين العقرب و العنكبوت يعني من اللي تعرفه حتى اعرف اشتري او لا ^_^
|
رد: هل هذه المعلومة صحيحة
شوف العنكبوت على قد معرفتي حساس أكثر من العقرب
يعني الوجبه لازم تكون ملائمه له و البيئه الي فيه لازم تكون ممتازه مو أي شي يعني لازم كهف و مادري شنو ولا بحس بفرق و بحالات يضرب عن الطعام [ يعني يقعد و ما ياكل ] و عادي لو مات بهالطريقه لكن نادراً ما يصير هالشي ، فيعني العنكبوت يتأثر على تغير درجة الحراره و طبيعة البيئه الي اهو فيها أكثر من العقرب ~ + العقرب أكثر شراهه بالأكل من العنكبوت يمكن ما راح تفهم قصدي الا لما يمر عليك حيوان ما ياكل انشالله ما يمر عليك و موفق انشالله ~ |
رد: هل هذه المعلومة صحيحة
لا اخي اعرف هذي احالة عند السمك حتى موجود في اسماك مشهورة اسمها دسكاس تضرب عند الطعام حتى تموت فهمت عليك
يلا اخي انا شفت انت تسال عن العنكبوت معناها بتربيه لو بتربيه و يصير عندك خبرة قولني حتى اربيه مثلك يلا انت ابدي و انا وراك شو رايك ؟؟ |
رد: هل هذه المعلومة صحيحة
^
شوف بقولك شي انت لو بتسمع من الغير ما راح تعرف شي انا بالبدايه يوم بديت أربي أشياء مثل جذي بديت بسحلية الإغوانا عموماً قعدت أسمع من الناس و ما نفع معاي ماتت ! بعدها ما ربيت شي من السحالي الحين أربي حيايه بالبدايه قلت أستفسر أول ولا مره ربيت الإجابات كانت متعاكسه تقريباً فقررت إني أنا أعرف من نفسي شلون أربيها ضبطت كل شي و للحين الحمدلله كلهم بخير ^^ فمو معنى كلامي إنك لا تربي عنكبوت لأنه حساس ! اهو الحساس معناته مو أصعب يمكن الصعوبه أهي البدايه إنك توفرله حوض مناسب و بس بعدها كل شي سهل ^^" لا تخاف و إبدي باللي تحبه ,, |
رد: هل هذه المعلومة صحيحة
زين عادي تقولني الشروط
للعنبكوت يعني الشياء المهمة انا اعرفها بس يمكن في اشياء ما اعرفها |
رد: هل هذه المعلومة صحيحة
أشياء مهمه من أي ناحيه ؟
|
رد: هل هذه المعلومة صحيحة
يعني لو كان مثلا ضفدع
لازم حوض كبير و حجر و لما تمسكه ... يعني تعريف بالعنكبوت و اهم اساسياته و ايضا اصعب شي يواجه الهواة |
رد: هل هذه المعلومة صحيحة
^
اممممم بالنسبه لك أكثر مشكلات يواجهونها إهي الي انا سألتها بموضوعي بس ~ اممم بما إني كنت عارف لها فما سألت عن المكونات بالحوض أو شي جذي :) فبإختصار الحوض ما تحتاج شي كبير بداخله مثل ما شفت بالموضوع تحتاج تربه زراعيه خاليه من المواد الكيماويه و يكون في ماعون صغييير فيه ماي و بيت لها أو كهف ,, و طبعاً تحط زرع صناعي و هالسالف توهمها إنها ببيئتها و بين فتره و فتره رش ماي ببخاخ عالتراب و بس الأكل راجع الموضوع الي انا سألت فيه + الحشرات الجو معتدل و رطب درجة الحراره بموقع قريتها إهي بين الـ 20 و الـ 34 لكن يفضل بالنهار بين الـ 27 و الـ 30 و اليل 23 - 26 و بس هاذي الأساسيات طبعاً إذا بتشيلها ما أعرف شلون أفهمك دور بيوتيوب أو بشرحلك تشيلها عالخفيف من بعد الريلين و تحطها على ايدك أو حط ايدك جدامها و اهي تمشي و ان وقفت المسها على ريلها و اهي بتمشي و تصعد و أي سؤال حاضرين :) |
رد: هل هذه المعلومة صحيحة
شكرا اخي بس نفس العقرب بس الشي الصعب و هو الحرارة و الاكل
بس انا قاعد افكر لو احطها عند الشباك كله يكون شمس موجه عليها بس اخاف يمكن تموت الاكل بوكلها ديدان وين اقعد ادور حشرات على الارض ههههههههههه ترى انا بسويها |
رد: هل هذه المعلومة صحيحة
و حتى العقرب يحتاج درجة حراره !
+ العقرب ياكل لحم مفروم و العنكبوت ممكن ياكل فيران أو همسترات أو حتى لحم مفروم :) |
رد: هل هذه المعلومة صحيحة
بس سؤال لو احط اللحم مفروم في الحوض بيوسخه صح ؟؟ فكيف ؟؟
|
رد: هل هذه المعلومة صحيحة
حطه بماعون صغير
أو مو شرط توكل العقرب بحوضه أساساًَ ! على فكره عقرب من عقرب يختلفون و اهم من نفس النوع ! يعني واحد شهيته مو أوكي ما ياكل و ثاني شهيته مفتوحه تشوفه تقول آفه مو عقرب ! و نفس الشي ينطبق هالكلام عالعناكب ~ أقولك لا تكثر أسئلتك أنا أشوف إنك عارف الأساسيات كلها صدقني اشتره و خله اسبوع و راح تعرفله و العكس انت الي بتعلمنا لكن إن شي ما عرفلته من البدايه اسأل قبل ما تسوي شي :) |
رد: هل هذه المعلومة صحيحة
شكرا اخي ترى انا عندي حيوانات مكتوبة في توقيعي و مجرب مربي الاغوانا للاسف تعذبت عندي و ايضا مجرب مربي السلمندر و السلاحف البرية و الكثير الكثير الله يرحمهم كلهم
|
رد: هل هذه المعلومة صحيحة
بس ولا شي من هذول مشابه للعقرب أو العنكبوت
انت ما سبق لك انك تربي حيوان من فصيلة الدم البارد طريقة تربيتهم غييييير عن الحيوانات الإعتياديه ممكن تكون اسهل و ممكن تكون أصعب عموماً البدايه بتكون صعبه شوي عشان البدايه تسوي الحوض و تدبر له أكل و هالسوالف انت جرب و بعدين رد لنا خبر :) |
رد: هل هذه المعلومة صحيحة
ان شاء الله اكيد اخي بس ما اتوقع شي صعب لاني قبل ما اشتري اي شي اقرا مواضيع و ايضا اشوف اكثر من عشرات الفيديوهات و اسال و هكذا بس بالنسبة الي انا الاشياء الصعبة هي
1- الحرارة 2- الاكل 3- اشيله يعني امسكه |
رد: هل هذه المعلومة صحيحة
الحراره تقدر تحطه بمكان دافي أو اشتر دفايه
الأكل فيران صغار أو حتى عاديين + حشرات + لحم المسكه انت لا تخاف ! شفيك خايف ترى حاله حال الهمستر :p ما عليك أصلاً أحلى شي و انت تمسكه تمسح عليه ولله وناسه ! |
رد: هل هذه المعلومة صحيحة
اخي بالنسبة للدفاية من وين اقدر القيها يعني خاصة بالحشرات ؟؟
الاكل يعني شوي عادي بعطيه فئران يمكن كل اسبوعين بالنسبة اني امسكه اكيد خايف يعني شو رايك بواحد مبتدئ يحب يربي عقرب انا حتى اخاف من الثعابين بس يعني العقرب يقولك عنده سم و ايده تقدر تقطع قلم الى نصفين يعني يخوف و لما يكون عصبي يلدغ شو رايك كل هذا ما يخوف بعدين شوي يعني تعرف الناس تخاف من العقارب و العناكب بس انا حاب اتشجع و ابدي بالعقرب |
رد: هل هذه المعلومة صحيحة
يمكن بدايتي مع الحيايه كنت متردد بالبدايه لكن اول ما شفتها وقعت بغرامها :p
علطول خمطتهم و قعد العب فيهم هههههههههههههههههههههه يبا السم ما يأثر فيك ! و العضاضه يعني شنو ؟ انت مربي ببغاء افريقي ! الببغاء يقدر يقسملك القلم نصين بعضته !! و العقرب ما يهاجم عالفاضي ,, |
رد: هل هذه المعلومة صحيحة
بس السم يعور لما يلدغك فيه اصلا لم يلدغ يعور
بس الببغاء اليف بس عضته مو قوية لدرجة اكيد العقرب يخاف مني فبيهاجم |
رد: هل هذه المعلومة صحيحة
عضة الببغاء أقوى من العقرب !
ثانياً لما يغرس السم فيه ما تعور مجرد إبره ~ بعدها مكان القرصه يصير فيه أنتفاخ و احمرار يروح بأسبوع و ممكن ما يصير شي بعد ! على حسب مناعتك |
رد: هل هذه المعلومة صحيحة
كما ورد في الكتب معلومتك صحيحه100%
|
رد: هل هذه المعلومة صحيحة
شكرا اخي على مرورك
|
رد: هل هذه المعلومة صحيحة
معلومتك صحيحه100%
|
رد: هل هذه المعلومة صحيحة
شكرا اخي على المرور
|
| جميع الأوقات بتوقيت GMT +3. الساعة الآن 10:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو