|
كيف اوفر الرطوبه اللازمه للاغوانا؟؟
السلام عليكم كيفكم؟؟ ان شاءالله تماام حبيت اعرف اكثر عن ترطيب مسكن الاغوانا مع اني قريت كثير لكن ابي تجاربكم :) الي عنده اي معلومه عن هالموضوع لا يبخل علي بلييز شكـرا |
رد: كيف اوفر الرطوبه اللازمه للاغوانا؟؟
في سؤال ثاني بعد....معليش تحملوني شوي p:
الحين الـUVB و الـUVA ضروريه للاغوانا, ولا تكتفي بتعريضها للشمس؟؟ يعني انا حاطتها بغرفتي و بيتها يتعرض لاشعة الشمس, هل يكفيها او لازم اوفرلها UV؟؟ |
رد: كيف اوفر الرطوبه اللازمه للاغوانا؟؟
مرحبا فيك اخوي
انا اربي اغوانا من 4 سنين بالنسبة لترطيب الإغوانا استخدم رشاش الموية رشه عليها مباشره بس حاول يكون عندك مصدر حراري تتعرض له الإغوانا حتى تكون نشيطه مثل اللمبات الحرارية اما UV مايحتاج مادام تتعرض للشمس وبالتوفيق ان شاءالله |
رد: كيف اوفر الرطوبه اللازمه للاغوانا؟؟
مشكوووور ماقصررت
|
رد: كيف اوفر الرطوبه اللازمه للاغوانا؟؟
طيب كم مره باليوم ارشها؟؟
|
رد: كيف اوفر الرطوبه اللازمه للاغوانا؟؟
مرحبا فيك اخوي
مرتين في اليوم كافية وبالتوفيق ان شاءالله |
رد: كيف اوفر الرطوبه اللازمه للاغوانا؟؟
اذا قصدك ترطب المكان يعني تخلي رطوبه بالحوض سهله ,,
تخلي ماعون الماي تحت الليت أو يم الهيتر و اذا في فتحات وايد سكرهم و بس جذي تخلي الجو رطب داخل لكن مو حيل يعني الي أعرفه المفروض تكون بين 40% و 60% |
رد: كيف اوفر الرطوبه اللازمه للاغوانا؟؟
اوكي بجررب
شكرررا |
رد: كيف اوفر الرطوبه اللازمه للاغوانا؟؟
بالنسبة للرطوبة يفضل يكون في الحوض/القفص حوض أو صحن مياه هو أصلاً للشرب ، وممكن يوفر شوية رطوبة :)
لكن انت يوميًا رش الحوض كامل بالمياه النظيفة بواسطة بخاخ أو أي وسيلة :) =-= وبالنسبة للـUV ، الUVB هي المهمة مو UVA :) اتوقع كذا :rolleyes: بس بما انها تتعرض للشمس مايحتاج UV :) |
رد: كيف اوفر الرطوبه اللازمه للاغوانا؟؟
مرحبا اخي كلام الأخوان كله سليم . بس بما انك طلبة تجاربنا كل واحد وله طريقته .. انا اعمل مثل ما قالو اخـواني بالنسبة للــ أنـاء الماء داخل الحوض . ولاكن في مره وفجئه لم تكن الرطوبه المطلوبه متواجده . فـ ضظررت لـ رش المـاء داخل الحوض وفي كل مـكان و قمـت بـ احضار . دفـاية ( مدفئـه) و وضعـها مـايقارب الـ متر عن الحوض . ولمدة الـ 8 ساعاات في اليوم . وهـذي صورة تبين عمـا اتحـدث عنه طبعـاً الصورة كانت في فصل الشتـاء . والحمد الله ضبط عنـدي كل الأمـور واصبحت اتحـكم بـ الرطوبه . ع حسب مـا اجده منـاسباً . طــوااال الفتـرة واللى يـومنـا هـذا . مـلاحظة : وجود المدفئـه او الهيتر دون وضع انـاء المـاء او بخـه يسبب الجـفاف . وفي النـهاية اخي انت صاحب الحوض وانت من يرا الوضع عن كثابه وقرب . ولك الأخـتيار ممـا تقراء . وبـ التوفيق ،، اخـ ابومحمد ـوك |
رد: كيف اوفر الرطوبه اللازمه للاغوانا؟؟
مشكوووريين ماقصرتوا
والله اول ماشريتها لقيت شوي صعوبه بتوفير الرطوبه لكن مع الوقت ضبط كل شي الحمدلله حتى صارت اليفه مو مثل اول ما شريتها |
رد: كيف اوفر الرطوبه اللازمه للاغوانا؟؟
اقتباس:
غوانتي صايرة عدائية ودايم معصبة مادري شفيها ..هل السبب قلة الرطوبة بالحوض؟ |
رد: كيف اوفر الرطوبه اللازمه للاغوانا؟؟
^
لا ماله شغل :p بس لازم الرطوبه ما يصير تخليها جذي ~ |
رد: كيف اوفر الرطوبه اللازمه للاغوانا؟؟
اجل شفيها عصبية وماتنمسك...كأنها شايفة فلم مرعب
ما اقدر اطلعها من الحوض |
رد: كيف اوفر الرطوبه اللازمه للاغوانا؟؟
مشكوووووووووورين
|
رد: كيف اوفر الرطوبه اللازمه للاغوانا؟؟
لأنها مو متعوده عليك ,,
مو مشكله حط ايدك لو تطق طق شيلها لأن اهي الحين مو متعوده عليك و ما تبيك حطيت أيدك طقتك انت خلاص وخرت ، انت الحين عودتها انها لو ما تبيك تطق و انت تروح خلاص .. هالشي غلط عودها انه طقت ما طقت نفس الشي انت تمسكها عادي بعدها راح تتعود عليك و تشيلها و تلعب فيها مثل ما تبي بس يبيله وقت .. |
رد: كيف اوفر الرطوبه اللازمه للاغوانا؟؟
يعطيك العافية ..وشكلي اليوم ببدأ بعطيها كلاسات فيزوثيرابي
|
رد: كيف اوفر الرطوبه اللازمه للاغوانا؟؟
jeep انا لاحظت على اقوانتي وقت مايتغير جلدها تكون عدائيه شوي يعني اذا جيت ابي اشيلها تركض واذا مسكتها تحاول انها تفلت مني حتى الاكل يتغير يعني تصير تاكل كميات اقل
بس ما ادري اذا كان تغيير الجلد له دخل بس انا اقولك على الي لاحظته مع اغوانتي لانه كل ماتغير جلدها تجيها هالحاله |
| جميع الأوقات بتوقيت GMT +3. الساعة الآن 09:44 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو