|
ببغاءي الجديد ساعدوني بمعرفة نوعه : )
السلام عليكم اشتريت ببغاء قبل 4 آيام حجمه صغير مقارنة بغيره ويقولي راعي المحل عمره سنه عليه حجل فضي مكتوب عليه 216 ايش معناتها :confused: وابي اعرف نوعه :confused: بالمحل واحد يقول مكاو قزم والي شريته منه يقولي لا امازوني ! ابي اعرف نوعه ؟ ووضوح كلامه ؟ ومميزاته وسلبياته لاني دورت عن شبيه له مالقيت :( >>> هو اليف نوعا ما يعني يطلع اليد بعد حيل وياكل ويشرب من اليد يعشق يوقف على القفص ولو سكرت القفص يقعد يصرخ ولو أوديه لأبعد مكان للبيت يرجع لقفصه يحب قفصه بشكل غريب وفيه شي بعد لما نبعد عنه يقعد يصارخ ما يسكت الا لما نجيبه عندنا وعليها حركات مظحكه ويحب حك الراس :p وهذي صور له :shy: http://www2.0zz0.com/thumbs/2010/04/09/08/728969073.jpg http://www9.0zz0.com/thumbs/2010/04/09/08/899316067.jpg |
رد: ببغاءي الجديد ساعدوني بمعرفة نوعه : )
هذا ببغاء الكنيور
هو مزعج يعني يحب اللعب ويتعلق بصاحبه بقووووه بس سؤال بسسسيط بكم شريته ؟؟ |
رد: ببغاءي الجديد ساعدوني بمعرفة نوعه : )
هذا الصن كنيور.. ببغاء نادر او قليل تجد منه اليف.. وببغاء لعوووووب درجه اولى وطول الوقت اكيد صياح وتصفير غريب بشكل مزعج ويوصل لسابع جار صوته..
|
لقيت هذي المعلومات من نفس الموقع شكرا لصاحبها ،،
Sun Conure
الاسم العلمي : Aratinga solstitialis http://www.2zoo.org/get-1-2010-2zoo_org_gbzot5hr.jpg نبذة :- لونهم برتقالي غامق يشبه لمعان الذهب ولونهم الرائع بشكل مدهش يجعلهم أكثر جمالاً يعتبر طائر أليف ألوانه الجذابة تجعل مالكه يبتهج بالنظر إليه هذه الطيور تحب اللعب كثيرا لذا علينا أن نزودها بالألعاب لتسليتهم [ كوضع حبل أو سلسلة] هذه الببغاوات عندما تكون بعمر صغير يروضون بسرعة ويلتصقون بمالكهم دائما يتعلمون عدة كلمات وينطقونها بوضوح ولكن مشكلة هذه الطيور هو صوتهم العالي ككل الببغاوات وخاصة إذا كانت تربى مجموعات يعيشون تقريبا 15 سنة الغذاء : الحبوب و الفواكه مثل العنب و التفاح و البرتقال التكاثر: تضع الأنثى من 4 – 5 بيضات فترة الحضانة 23 يوم يغادر الصغار العش بعد تقريباً شهرين من الفقس الصور :- http://www.2zoo.org/get-1-2010-2zoo_org_au0wo2fy.jpg http://www.2zoo.org/get-1-2010-2zoo_org_bccdi6tm.jpg http://www.2zoo.org/get-1-2010-2zoo_org_b7fya7wi.jpg |
رد: ببغاءي الجديد ساعدوني بمعرفة نوعه : )
شكرا لكم ( :
شريته تقريبا ب3800 يقول لانه اليف ونادر تلقين اليف |
رد: ببغاءي الجديد ساعدوني بمعرفة نوعه : )
ويييييييييييييييييييييي
بكم؟؟ 3800؟؟ والله ارجع و ارمي الطير بوجهه و الطير مو نادر لدرجة كبيرة لو نادر جدا جدا ما يبيعو و ان باع باع بسعر مجونون و الطير هاذا على 600 مو اليف و انا شايف زيه بالسوق عندنا و لي الان موجود و محجل كمان و عمره بحدود السنه و التوليف اذا كثرت 100 ريال عند اي واحد من مربيين الطيور و يرجع زي الحلاوة حبيت افيدك بهاذي النقطه تحياتي |
رد: ببغاءي الجديد ساعدوني بمعرفة نوعه : )
اوووف اوووف اوووف
3800 ريال والله نصصصب عيني عينك حرااام هذا قيمته 600 او اقل بسسسس واصلا غير مرغوب عشان كذا سسسعره رخيصص احسلك رجعه وخذلك احسن امازوني ولا رمادي |
رد: ببغاءي الجديد ساعدوني بمعرفة نوعه : )
كما تفضلا الاخوان كتيير السعر غالي ع الطير وانصحك ترجعه
|
رد: ببغاءي الجديد ساعدوني بمعرفة نوعه : )
يعني اغلى المحلات بالسعوديه وهي تعتبر الاغلى مرررره
بـ 2000 ريال عندهم سعرك فوق الخيال الطير سعره بالسوق بـ 600 إلى 800 ريال ما يزيد عن كذا اتمنى انك ترجعه لانه هالسعر مره غالي وتاخذ لك واحد اليف من اي مكان ثاني بسعر اقل |
رد: ببغاءي الجديد ساعدوني بمعرفة نوعه : )
اقول
متأكدان هذا سعره |
رد: ببغاءي الجديد ساعدوني بمعرفة نوعه : )
والله انا ماعندي خبره بالاسعار
حتى اصلا قالي انه هذا امزوني واليف مرا وانه باع زيه ب 7000وفعلا هو اليف ياكل من اليد ويطلع على اليد قالي جربيه لمدة 10 ايام لو ماصلح لك رجعيه فيه عنده كذا نوع فيه عنده واحد امزوني اليف بس شكله ثقيل دم ! وفيه الي لونه عنابي بأزرق وفيه الرمادي بس ماحبيته وش تنصحوني فيه ؟:( صدق انه هذا مزعج بس ينحب |
رد: ببغاءي الجديد ساعدوني بمعرفة نوعه : )
رووحي رجعيه ولا تستني ابدا
السعر مبالغ فيه جدا و باين انه نصب مو مبالغه و رجعه و بالفلوس الي معاك تاخذ طير امزوني من نوعيه حلوة جدا |
رد: ببغاءي الجديد ساعدوني بمعرفة نوعه : )
كرهته من كلامكم برجع ارجعه اليوم
بس بكم سعر الآمازوني اذا كان اليف ؟ لانه عندهم واحد امازوني ومرا اليف اتوقع قالي ب٥٠٠٠ او ٤٨٠٠ هل السعر معقول ولا عالي عليه عمره سنه ونص او سنتين ما اذكر بالضبط |
رد: ببغاءي الجديد ساعدوني بمعرفة نوعه : )
الامازوني سعره يصل الى 10000
بس لاينصب عليك كمان ويعطيك اخس نوعية اللي مايتكلم صوريه [ اللي بتشتريه] وحطي صورته هنا وبيفيدونك الاخوان |
رد: ببغاءي الجديد ساعدوني بمعرفة نوعه : )
له انواع بعد : |
ممكن احد يفيدني بانواعه لانه انا بروح ابدله ما اتوقع يوافق يرجعه ! :( |
رد: ببغاءي الجديد ساعدوني بمعرفة نوعه : )
السعر غالي
|
رد: ببغاءي الجديد ساعدوني بمعرفة نوعه : )
[CENTER]
اقتباس:
3800 ريال ... تجيب عشه كاملة من هالنوع .... أرجع وذبه في وجه ذب . وإذا تبي تبدل منه ... لا .. لا تبدل منه أبد ... شكله نصاب محترف . ومع إحترامي لك ... بهالقيمة تشتري بلو فرونتد ... أو كاسكو ... متحدث رسمي . المهم رح رجعه هالحين وأنت تقرأ الرسالة ... يالله ... بسرررررررررعه . والله العظيم حسيت بإن الضغط وصل عندي 3800 |
رد: ببغاءي الجديد ساعدوني بمعرفة نوعه : )
،،
إنا لله وإنا إليه راجعون .. النصب عيني عينك .. وأكل الحرام عيني عينك .. هذا مثل ما قالوا .. والله قيمته 600 ريال بس .. روحي رجعيه وانا اخوك .. ولا تشترين من عنده شي ابد .. حتى لو أكل ببغاء لا تشترين .. لأنه نصاب نمره واستماره .. والله يعوضك بطير أحسن منه مليون مره .. من واحد غيره .. ،، |
رد: ببغاءي الجديد ساعدوني بمعرفة نوعه : )
لا حول ولا قوة الا بالله
عطوك الاخوان النصايح هذولا نصابين قله برجعه غصب خذ معك احد فاهم و خذ معك ابوك او اخوك او اي احد يفهم بالشغلات هذي حقات النصابين راح يكسرون خشمه و يرجع لك فلوسك و اذا جت الفلوس علمنا عشان نعلك وش تشري طير يصير مناسب و لو بهالسعر ما انصحك تنتظر رجعة على طول حتى لو حبيته |
رد: ببغاءي الجديد ساعدوني بمعرفة نوعه : )
نصب واحتيال ,,,،،،
لالالالا قمة في النصب والاحتيال ..,, ارجع لصاحب المحل وقوله انت اكبر حرامي في الدنيا خخخخ .،،، قال ايش مكاو قزم خخخ ،.... قوله روح اتعلم اسماء الطيور قبل ما تفتح محل ..،،، |
رد: ببغاءي الجديد ساعدوني بمعرفة نوعه : )
اشتري لج طير من المنتدى أحسن لج... والاخوان بيفيدونج وما بيقصروون ...
|
رد: ببغاءي الجديد ساعدوني بمعرفة نوعه : )
رجعته الحمدلله
رحت وصاروا مصرين ومقتنعين انه مكاو قزم امازوني اسم مركب :p قلت له سمه الي تسميه بس مابيه برجعه قال خلاص بعرضه للبيع مرا ثانيه اول ماينباع يرجع لك حقك والا تبدله من عندنا لانه هو شارط مافيه ترجيع بس تبديل قلت مو مشكله اهم شي حقي يرجع لي ي عنده بلو فرنتد عمره سنه ومنتف ريشه من قدام بس اليف ب5000 انا ماحبيته لانه منتف من قدام ودبدوب راسه فيه ازرق واخضر باصفر :confused: المهم الحين فيدوني انا حبيت الامازون بس وشو انواعه والفرق بينهم ووشو اسعاره ؟! |
رد: ببغاءي الجديد ساعدوني بمعرفة نوعه : )
البوفرنتد حلوو ومتكلم راائع
بس اذا منتف يمكن فيه حاله نفسيه |
رد: ببغاءي الجديد ساعدوني بمعرفة نوعه : )
البلوفرنتد حلو لكن لو كان متكلم سعره 4000 ويكون اليف بعد وصحته طيبة
نصيحة تاخذي فلوسك من المحل وتروحي محل ثاني هذا نصاب ومستحيل يلقى بيعه للطير بهذا السعر وبما انه قال لك 10 ايام المفروض يعطيك فلوسك او تجيبو له الشرطة |
رد: ببغاءي الجديد ساعدوني بمعرفة نوعه : )
ياربي على السعر الخيالي
ابن اللذين النصاب ينعل يومه مدري اضحك ولا اصيح ؟ يعمي رديه ونا اعطيك اخوه ب 600 ريال لكن مو اليف |
رد: ببغاءي الجديد ساعدوني بمعرفة نوعه : )
http://www.2zoo.org/get-4-2010-2zoo_org_8pu37sct.jpg اخوي هذا الشكل من الامزوني جدا رائع ماشاء الله , وفي الكلام سلطان مجلس , بس ممكن سعره غالي شوي والله يوفقك وتلاقي الطير الي يناسبك انشاء الله ****تحياتي***** |
رد: ببغاءي الجديد ساعدوني بمعرفة نوعه : )
هههههههههههههههههههههههههههههه
قال يبغا يبيعه و يردلك الفلوس والله والله مايبيعه بي 3800 غير بنصب ماراح يجي واحد يعرف انه صن كنيور و ياخذه فعشان كذا خذي فلوسك ولا تستني لا تستني يبيعه ولا اي شي و زي ماقالو الاخوان البلو فرنتد ان كان متكلم و حلو و صحه و ريش و ولافه 4000 ريال هاذا المتوسط و انا انصحك تاخذي افريقي متكلم افضل شي تحياتي |
رد: ببغاءي الجديد ساعدوني بمعرفة نوعه : )
الله لا يوفقه النصاب هذا
ابد ابد لا تشاور ولا تستبدل من عنده شي ابد .. خذ فلوسك بـ الغصب واطلع من المحل بـ كبره اذا كان يقول استبدل بس ... فـ طبيعي بيرفع عليك اسعار الطيور الاخرى لانه في الاخير هو عاكف يدك ولا تقدر تتصرف وبـ الغصب تشتري منه الخسيس اخخ بس ليته قايل لي انا انه بـ 3800 عشان اعلمه شلون النصاب ... |
| جميع الأوقات بتوقيت GMT +3. الساعة الآن 08:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو