|
أيش أفضل محـل يبيع الكروان بــ جدة ؟
السلام عليكم
أيش أفضل محـل يبيع الكروان بــ جدة ؟ عشان انــا رحت محــل الامـازون الي بـ شارع حــراء و قـال لي معندنــا ويبيعهــا بسعر رخيص شكر للجميع ياليت تقولو لي بسرعه |
رد: أيش أفضل محـل يبيع الكروان بــ جدة ؟
:confused: :eek: :confused: :eek: :confused: ايش ذاا الزيارات 20 واحد ومافي احد رد |
رد: أيش أفضل محـل يبيع الكروان بــ جدة ؟
انا ارد
انشالله احسن محلات بجدة 1-واحة الحيوان وعنده اغلب انواع الحيوانات حتى عنده طير الطوقان بـ(10000)(يوجد لديه كروان) 2- الامزون ويتميز بكثرة الادوات الرخيصه للحيوانات 3- فيفا بس انا آخر مرة رحت له من سنة ونص يعني ما اعرف شي من اخباره وشكرا لك بس هالمحلات اشهر واغلى محلات بجدة اختك توازن |
رد: أيش أفضل محـل يبيع الكروان بــ جدة ؟
السلام عليكم يسلموو على المساعدة :rolleyes: بـس فينن محل فيفا :confused: |
رد: أيش أفضل محـل يبيع الكروان بــ جدة ؟
فيفا قريب من النافورة شويه بس ما ادري وين بالضبط.!!
|
رد: أيش أفضل محـل يبيع الكروان بــ جدة ؟
توازن يسلموووووووو على المســاعدة :rolleyes: :rolleyes: |
رد: أيش أفضل محـل يبيع الكروان بــ جدة ؟
الله يسلمك وهذا واجبنا..
|
رد: أيش أفضل محـل يبيع الكروان بــ جدة ؟
ممكن اعرف أيــش أحسن محل من حيث السعر يقولون انو واحـة الحيوان غالي شوي و الكروان ايش أكسسوراته ؟ اذا لـه اكسسوارات غير القفص |
رد: أيش أفضل محـل يبيع الكروان بــ جدة ؟
للاسف انا مش من السعوديه
|
رد: أيش أفضل محـل يبيع الكروان بــ جدة ؟
عزوووز انا اقول لك
فيفا (شارع التحليه) مره غالي , يبيع الكروان الواحد ب 300 ريال.. واحة الحيوان,, يبيع الواحد ب 200 وتلاقي عنده الوايت فيس و اللوتينو والرمادي.. ولابسين الإسوره في رجلهم.. بس انا اللي ابغاه ذكر مره صغير لوتينو ومتغذّي يدويّا .. مولاقيه :( |
رد: أيش أفضل محـل يبيع الكروان بــ جدة ؟
عزوووز... في محل في سوق البوادي صغير مره وعلى قد حاله اسمه دنيا الربيع..صاحبه هو اللي يبيع اسمه خليل (فلسطيني)
حاليا عنده اربعه كوكاتيلات...صغار...رماديين..والله لزيزين فأخدت واحد (كانوا جوز بس انا اشتريت الذكر) وجلس يومين ماياكل ولايشرب ولا يصفر,, رحت رجعته,, قاللي الهندي اللي يشتغل هناك انه حتى الانثى حقّته مسكينه ما اكلت ولا شربت ههههههههه فلما رجّعناهم لبعض مررررره انبسطوا كان مشهد رومانسي :) حبيت اقول لك عشا انت كمان ماتروح تاخد واحد وتخلي واحد وتفرق بين قلبين:] المهم قمت وصيته على واحد لوتينو صغير والله راح لفلف بالسوق و جابلي وامس استلمته.. بس للاسف مو تغذيه يدويه زي ماكنت اتمنى و يبغاله ترويض مزبووط ويبيع الواحد ب 200...وبعد التخفيض والمفاصله ب 180 على فكره خليل دا الله يهديه ينتف ريش الطير ما يقصه ,, والنتف مؤلم ويتعّب له نفسيّته.... فأنا طلبت منه امس يقص الريش .. بس حبيت انبهك عشان لو اشتريت منه.. انشاءالله اكون افدتك |
رد: أيش أفضل محـل يبيع الكروان بــ جدة ؟
السلام عليكم ورحمة الله وبركاته
شوف حبيبي انا من جده واتعامل مع مجموعة محلات بشارع الملك خالد والله اسعارهم حلوه الكوكاتيل الواحد ب150 ريال ويمكن يوصل 200 ريال عندهم اغلب انواع الطيور وطيوهم حلوه ونظيفه دنيا الربيع محل للجمله والاسماك اكثر شي وكرهتهم عشان حركه بايخه سووها معي لكن خلني ساكت انصحك بشارع الملك خالد للطيور ومستلزماتهافي محل اتعامل معه هو اول محل والله اصحابه زي العسل حتى لو نقصني فلوس يقوللي جيب الفلوس بعدين ولا يزعجني الين اجيبها لحالي واحط عنده طيور احيانا ابيعها ويراعي بالاسعار لكن مو دايم تلاقي عنده كوكاتيلات شكلي طولت الكلام المهم اخوي انت اللي تششوفه سويه وانا بالخدمه لو تبي نروح سوا ولا يهمك |
| جميع الأوقات بتوقيت GMT +3. الساعة الآن 01:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو