|
الكاسكو في خطر ساعدوني
السلام عليكم ورحمة الله وبركاته
من يومين الكاسكو مايتكلم ونادر يظهر صوت خفيف وامس ودو البيطره ووصفو النا دوى نحطه فالماي لمدة 5 ايام واليوم تطورت الحاله ريله اليمنى ياها مثل الشلل مايقدر يحركها مع ان جسمه بصحه جيده الكاسكو عمره حوالي 4 شهور ونص :( ماكمل عندنا وايد ماشي علاج غيره ساعدوني اختكم أمواج الامارات |
رد: الكاسكو في خطر ساعدوني
وينكم
اخاف تطور الحاله :( |
رد: الكاسكو في خطر ساعدوني
اقتباس:
غلطانه اخذتي واحد بهذا العمر مره صغير ومحتاج عنايه خاصه والله ماندري وش نقول لك الحاله مرضيه يعني تحتاج طبيب مختص |
رد: الكاسكو في خطر ساعدوني
اخوي الحمدلله كان توه بادي يتعلم الكلام وحفظ بعض من الكلمات وكان يتحرك عادي
واللحين تطورت للاسوأ بعد ماكتبت الموضوع اللحين ريوله هم الاثنين مايتحركون ياربييي نحنا شاكين بانها عين :( |
رد: الكاسكو في خطر ساعدوني
وعليكم السلام ورحمة الله وبركاته مثل ماقال اخوي كاسكـو يبي له بيطري مختص بس انا لو كنت بمكانج بدور في قوقل علاج لشلل الريل وبحاااول كثر مااقدر والله الي يشافي وشيلي من بالج انه احد حاسده لان هالتفكير ماينفع والله يشافيه ويعافيه |
رد: الكاسكو في خطر ساعدوني
اناصارلي نفس مشكتج بس للاسف مات بس انتي حاولي تودينه باسرع وقت ممكن للطبيب والله يشفيه
|
رد: الكاسكو في خطر ساعدوني
ودية البيطري مرة ثانية ... او على الاقل اتصلي لة ...
|
رد: الكاسكو في خطر ساعدوني
مع الاسف اخي هذا المرض اسمة نيوكاسل تستطيع ان تبحث بالجوجل عنة وقد حصل مع احد طيوري .
مع تحياتي |
رد: الكاسكو في خطر ساعدوني
هاااااااااا وش صار على الطير انشاء تحسنت حالته .
|
رد: الكاسكو في خطر ساعدوني
مشكورين على الردود
__ اختي عاشقة الطيور بالنسبه للعين ترى العين حق ونحنا من ظهرو الضيوف من بيتنا سكت مره وحده وتغير علينا فجاه اخوي شبزي نحنا اول مالاحظنا انه سكت والتغير وديناه على طول الطبيب ودورت عن شلل الريول والله المستعان دعواتكم :( |
رد: الكاسكو في خطر ساعدوني
ابحثي عن مرض النيوكاسل وهذا المرض ياتي مع الطير من المزارع ويصيب الحمام اكثر شي وهو قاتل
تنشل اول رجل للطير وبعديها الرجل الثانية وبعد يوم يموت الطائر ولا علاج لة كان يجب تطعيم الطير اول التفريخ بالمزرعة , ولكن للاسف المزارع لتجارة ولا يهتمون بالطيور . |
رد: الكاسكو في خطر ساعدوني
جربي عطية خيّل ... ان شاء الله يستفيد ... وحاولي تأكلينه اشياء لينه ...
على فكرة العين كانت سبب موت طيري الاول ... عندنا خدامه عينها حارة من مرت على الطير قالت لي ماماه عصفور كبير ... ونفس الوقت بدا يرجع ... واسبوع ومات ... وانا الحين مانعتنها تدخل الغرفة الي فيها طيري اليديد ويوم السبت دخلت الغرفة ومن طلعت منها بدا يرجع ... |
رد: الكاسكو في خطر ساعدوني
بحثت عن هذا المرض
نفس الاعراض __ اختي Noo نحنا من زمان كانت عندنا وحده بعد ماتت بسبب الخدامه كانت اندونيسيه وبشكل عام كانت دايما تقول الها انتي كلاااااام انتي كلام والله من بعدها تعبت وماتت وماكانت تقول ماشاء الله تخيلو لو تكلمت عن وحده من قرايبها تغصبنا نقول ماشاء الله ونحنا تصيبنا العين وماتقول لاحول لاقوة الا بالله -- اما المره هذي الخدامه محد ومايا ع بالنا ان حد من اقرباءنا لكن العين حق --- بالنسبه للخيل امفكرين نعطيها لكن انخاف انه ماتتحمله مادري والله |
رد: الكاسكو في خطر ساعدوني
لا عادي ذوبي كسرة صغيرة في الماي واسجيها اياة بالابرة ... ولا اتكثر من الماي شوي مال 2 او 3 مل ...
انا الشخص الي خذيت منه الطير قال لي عن الخيل ... وانه كان عندة كاسكو فقد الامل انه يعيشحتى ريشة طاح كلة وتم يعطية الخيل شوي شوي وردت لة صحته ... انا اعرف ناس عندهم كاسكو من سنين لاكنهم ما يطلعونه حق حد ... واذا حد ياهم يحطونه في الستور ويصكرون عليه ... |
رد: الكاسكو في خطر ساعدوني
انا بنت ^_^
جزاج الله خير اختي وجعله في ميزان حسناتج وان شاء الله بناخذ الخيل وبنسوي نفس اللي قلتي عنه وان شاء الله يتعافى |
رد: الكاسكو في خطر ساعدوني
مافي حل اختي غير توديه عند بيطريي وتبعديه عن المكيف
|
رد: الكاسكو في خطر ساعدوني
شكرا لكم
ولكن اتمنى ان يكون في امل لشفاءه وان شاء الله وباذن الله واذا عندكم اي تجارب او خبرات لعلاج هالمرض افيدوني |
رد: الكاسكو في خطر ساعدوني
الدكتور يقول ماله علاج هذا فايروس ..
ودعي طيرك اختي كلنا بنموت .. ويارب يطول بعمره ويقوم بالسلامه مافي شي بعيد عن رب العالمين |
رد: الكاسكو في خطر ساعدوني
ياجماعة حسدشو و حكينا انو فايروس بس شكلكو ما بدكم تسمعو وانتو حرين بس هاد فيروس ما لة دواء .
|
رد: الكاسكو في خطر ساعدوني
مافي الا حل واحد
أعزمو الضيوف الي كانو عندكم وخذو من وراهم فنجال قهوه ؛أثرهم يعني؛ وجيبي طاست مويا وحطي أثرهم فيه فنجال ماسكينه أو شاربين منه أو اي شي وغسلي الطير فيه لعله ينفع |
رد: الكاسكو في خطر ساعدوني
اقتباس:
|
رد: الكاسكو في خطر ساعدوني
اختي امواج في شي مهم كمان نسيوا الاعضاء يقولولولك عليه ..
بعض الحيوانات ترى تجيها حساسية من بعض الادوية زي الناس بالضبط ... هل لاحظتي كل ما حطيتي العلاج حق البيطري تسوء الحالة زيادة ؟؟؟ خديه عند بيطري تاني واتأكدي من موضوع الحساسية للعلاج |
رد: الكاسكو في خطر ساعدوني
والله اخي هذي مشكلة فروووخ الببغآء تربيتها والعنآية بها ترجع للخبرة طبعا .. واجوائنا اليومين هذي حارة جدا وسوف تزود سوءا >>> مسوي محلل آرصآد جوية هههههه وبالتوووفيق آخي وانتبه راجع طبيب افضل منه آسئل :D |
رد: الكاسكو في خطر ساعدوني
هالسن كذا يمرضوا هالامراض يموتوا
واحد من عندي مات كذا بعد |
رد: الكاسكو في خطر ساعدوني
الله يشافيه ........ بس اول مرة اسمع بها المرض ....... و الله ان قلبي عورني عليه
|
رد: الكاسكو في خطر ساعدوني
السلام عليكم ورحمة الله وبركاته
للاسف الكاسكو مات :( --- بقول الكم شو صار له من البدايه وعشان الكل يحذر اول ماتاخذون الكاسكو لازم تتاكدون انه محصن من مرض نيوكاسل والكاسكو ا( ما اعرف اذا ذكر او انثى ) وهو من نوع جمبو ..كان بصحه جيده جدااا وتم ويانا حوالي شهرين كان توه بادي يتعلم الكلام يقول متوه وينادي باسامينا ويقلد صوت الهرن وصوت القطوه لكن من بعد ماظهرو من عندنا هالناس على طول انبلمممم ماتكلم لمده حوالي يومين كان يظهر صوت خفيف وديناه للطبيب عطاه الدوى نحطه فالماي واول يوم صاب ريله اليمنى شلل وفاليوم الثاني عطيناه من الدوى وصاب الشلل في ريله الثانيه ---- وناس نصحونا بالخيل عطيته البارحه منه شوي واليوم مات لان اصلا مافي امل حتى الطبيب قال انا كنت عارف ان مافي امل لكن ماحبيت اقول الكم ---- سبب موت الطير من شيئين الاول يمكن ماكان محصن او عاطينه ها الابره ضد مرض نيوكاسل من اول مايظهر من البيضه الثاني العين ( والعين حق لاتقولو مب عين ) لان من بعد ماظهرو من عندنا جي صار والله اعلم ولازم اذا فكرت اخذ كاسكو بعزله عن الضيوف :( واللحين بس عندنا بغبغاء الدره المطوقه لكن هذي اظن انثى وجسمها صغير لكن والله صحت عليها :( خاصه لان انا محتفظه بصورها وبالفيديو :( ---- |
رد: الكاسكو في خطر ساعدوني
هولندي الكاسكو صح ؟
يعني محجل ..؟ |
رد: الكاسكو في خطر ساعدوني
ما اعرف والله اذا هولندي
وما اعرف شو يعني محجل |
رد: الكاسكو في خطر ساعدوني
أها
يعني برجله حديده .. زي الخاتم كذا |
رد: الكاسكو في خطر ساعدوني
اختى اللة يعوض عليكي خيرا منة ولكن انتبهي عليكي تعقيم القفص جيدا بالديتول ووضعة بالشمس كي تموت الفايروسات وكل شيء كان بالقفص مثل المشارب والمجثم وكل شيء حتى الالعاب ان وجدت .
مع تحياتي الى جميع الاخوان يرجى عدم شراء هذة الطيور والتي تاتي من المزارع بالخارج وليس من دول الخليج وخاصة الفروخ لان معظمها حامل للمرض النيوكاسل ولن تعمر طويلا . يوجد بالسعودية وبلاخص المنطقة الشرقية اخوان ينتجون الكاسكو محلي اي بلدي وماشااللة على طيورهم واللة يوفق الجميع |
رد: الكاسكو في خطر ساعدوني
اقتباس:
صح اخوي |
رد: الكاسكو في خطر ساعدوني
اقتباس:
اللهم امين وان شاء الله وشكرا على النصائح الثمينه والله يوفق الحميع يارب |
رد: الكاسكو في خطر ساعدوني
يحليلة ...
الله يعوضج عنه بطير احسن ... غسلي القفص وعقمية بالديتول ... وحطية في الشمس ... وحتى اليدار والاثاث الي قريب من القفص بعد عقمية بالديتول بدال المرة مرتين وثلاث ... واذا خذتي طير مرة ثانية .. من قبل ما تدفعين فلوسة روحي انتي وصاحب المحل لاقرب بيطري وخلية يفحصة ... واذا قال لج اوكية خذية ... وخلي البيطري يعطيج مضاد اتحطينه له لمدة 5 ايام ... وعقب كل شهر اتحطينه لمدة 3 ايام ... |
| جميع الأوقات بتوقيت GMT +3. الساعة الآن 05:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو