|
الجامبو ____ الكاسكو
السلام عليكم ورحمة الله وبركاته
ياشباب انا محتار وش اشتري اي نوع من انواع الببغاء الجامبو __او__ الكاسكو صح انتو بتقوولون انك مهبول بس اناس لعبو في راسي الكاسكو افضل لا الجامبو افضل: والخبير يقولي افضل نوع وعددلي المواصفات بين النوعين http://uaesm.maktoob.com/up/uploads/239638cf23.jpg |
رد: الجامبو ____ الكاسكو
الجامبو والكاسكو درجه الذكاء عندهم واحده
الفرق الجامبو اكبر جسم واقوى صوت بس والكاسكو حجم متوسط وصوته حلوو لكن مو نفس قوه صوت الجامبو هذا الفرق |
رد: الجامبو ____ الكاسكو
والله العَظيم ياجماعَة اني توني عرفت منَكم آن الكاسَكو يخَتلف عن الجآمبو من ناحيَة الطير ><>>> لكن انآ تفكيري كآن ان الاسَم وآحَد اقصَد آن الكاسَكو مسَمى واحَد للطيرالافريقى فقط غير التمنة طبعا .....؟ عموما الي عرفته من خبَرة >> احلى ياخَبرة ههه آن الطير الي سيقآنه طويلة ومتينَة شوي ولونها رصآصَي فاتح ؛؛ وصَدره ايضَا لونه فاتح هذ1 النَوع الممتآز في الافريقي وآظنه الجآنبَو . مثل طيرري نوري الله يحفظه ..؟ موضوعي توني منزله وفي صور وايضا مثل الي في الصورة الي وضعتها اخي نفسه بالظبط لاحظ الساقين كيف ناصبه ماشاءالله ههه وش تقولون>> |
رد: الجامبو ____ الكاسكو
الفرق بين الكاسكو والجامبو مثل ماقال كاسكو
الحجم والصوت بس وانصحك بالجامبو |
رد: الجامبو ____ الكاسكو
يا أخوان للمعلومية مافيه شي أسمه جامبو وإيرباص وكونكورد والأفريقي حسب معلوماتي المتواضعة يجي ثلاثة أنواع مرتبين حسب الأفضل والمرغوب عند الهواة 1. الكونغــــــــــــو ( حجمه أكبر ) 2. الغانـــــــــــــــا ( أصغر من الكونغو وتقريباً قريب من حجم التيمنة ) 3. التيمنـــــــــــة ( ويفرق عن النوعين السابقين بمنقاره العاجي وذيله المائل للأسود ) وفيه البعض أضاف ( الكاميروني ) نسبة للكاميرون وأعتقد أنه هو نفسه الكونغو وموفق في إختيارك |
رد: الجامبو ____ الكاسكو
انا شريت كاسكو جمبو اللي بالصورة بس مات المسكين:)
|
رد: الجامبو ____ الكاسكو
اقتباس:
اطلق عليه اسم جامبو لتوضيح حجمه ومعناه كبير وضخم ومعروف انه الكونغو وهذا اسمه وليس حجمه واي شي يقال له جامبو يعني كبير وضخم على سبيل المثال طياره جامبو .. يعني كبيره مره |
رد: الجامبو ____ الكاسكو
اقتباس:
بس ليش ما نثقف أنفسنا ونثقف الأعضاء معنا وبدل ما نقول جامبو نقول كونغو تحياتي لك |
رد: الجامبو ____ الكاسكو
السلام عليكم جميعا ورحمة الله وبركاتة
أنا عضو جيديد معكم أنا اشتريت كاسكو كبير شوي في العمر تقريبا عمره سنتين ويمكن اكبر شوي اليف ما يجعر ولا يعض ومع الايام دربته يطلع علي اليد ويوقف على أكتافي . الان هو يصفر ويطقطق ويصدر أصوات غير شكل وأخلي باب القفص مفتوح ويطلع لوحده ويرد يدخل يعني ما خذ راحته . سؤال هل الكاسكو في هذا العمر مع الايام راح يتعلم الكلام لأن لحد الأن ماسمعته يتكلم بس يقول فطوم على شكل تصفيره . أرجوا من الاخوان أصحاب الخبره يفيدوني وأكون شاكر لكم |
رد: الجامبو ____ الكاسكو
اقتباس:
أبشر خير أطير بالخطوه ألأخيره للكلام بس ردد عليه ألأسم ألي تعلمه بداية الكلام نفس ما قلت أطقطقه وألكلام الملخبط و يحاول ألى أن يضبط الكلمه أصبر عليه وأجتهد بنفس الوقت |
رد: الجامبو ____ الكاسكو
مشاء الله...
والله يا اخوان احيانا يطلق مسمى الكونقو على ما يسمى لدى الهواه سوبر جامبو... وكان عندي احدها بس من واقع تجربه ما لاحظت فرق بين انواع الكاسكو كلها واحد ممكن فرق طبقه الصوت لاكن الذكاء واحد |
رد: الجامبو ____ الكاسكو
حبيت أوضح نقطة للشباب اللي يقولون مافيه شي اسمه جامبوو
فيه جامبو, ويمكن المسميات تختلف على العموم أصلا شكل الجامبو مختلف بشكل واضح للي يدقق عن الكاسكو العادي,,, ولو تركزون في شكل الجامبو تلاقون شكل المنقار فيه فرق عن شكل منقار الببغاء العادي,, الجامبو يجي راس الببغاء مع المنقار على شكل قوس متواصل,, كذا >>===> ) أما الكاسكو العادي تلاقي فيه طعجة بين المنقار وبين راسه,, مثل المطب,, كذا >>===> ع هذا التوضيح فقط في الشكل,,, أما في المواصفات,,, أعتذر عن الإفادة لأني ما أعرف,,, تحياتي |
رد: الجامبو ____ الكاسكو
الأخ naasooh شكرا جزيلا لك
ردك يزرع في نفسي التفائل وأنشاء الله راح أصبر على الكاسكو . بس أتمنى أن ما يخيب الظن يطلع من النوع الي بس يصفر لأني سمعت أن بعض الكاسكو ما يتكلمون بس حق تصفير وطقطقه |
رد: الجامبو ____ الكاسكو
الأخ naasooh شكر جزيلا لك
ردك يبعث في نفسي التفائل وأنشاء الله راح أصبر على الكاسكو . بس أتمنى أنه ما يخيب الظن ويطلع من النوع الي بس يصفر . لأني سمعت أن في نوع من الكاسكو ما تتكلم بس تصفر وطقطق . لأني شريته بسعر أقل من سعر السوق يمكن يكون صاحبه الأول زهق منه وفكر يتخلص منه بأي سعر لأنه ما تكلم عنده |
| جميع الأوقات بتوقيت GMT +3. الساعة الآن 06:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو